⪡ 1هذَا كِتَابُ مَوَالِيدِ آدَمَ، يَوْمَ خَلَقَ اللهُ الإِنْسَانَ. عَلَى شَبَهِ اللهِ عَمِلَهُ. * الإصحاح الخامس هو أول إصحاح يتحدث عن أنساب السيد المسيح ده أول نسب للسيد المسيح ده أول نسب للسيد المسيح يحتوي علي سلسلة أنساب مكونة من عشرة أجداد ودول أول عشرة أجداد في نسل المرأة والذي سينتهي بالمسيح.
* تبدأ هذه السلسلة بآدم المخلوق الأول علي الأرض وتنتهي بنوح العاشر في هذه السلسلة.
يعني ده سجل المواليد بتاع آدم واليهود كانوا بيهتموا كثيراً بسجلات الأنساب لأن دي اللي بتثبت انتسابهم لشعب اليهود وانتسابهم لجدهم الأعظم ابراهيم وبعد كدة امتداد لهذا النسب إلي آدم. وطبعاً الأنساب دي هي اللي أكدت بعد كدة تجسد المسيح. شبه الله ← ده شبه مادي وليس روحي ذي م قولنا قبل كدة.
2ذَكَرًا وَأُنْثَى خَلَقَهُ، وَبَارَكَهُ وَدَعَا اسْمَهُ آدَمَ يَوْمَ خُلِقَ. هنا بيتكلم علي خلقة ربنا للإنسان ودي شرحناها بالتفصيل في الإصحاح الأول والثاني ذكراً وأنثي ← تميز الإنسان وباركه ← بيتكلم علي البركة اللي ادهاله.
دعا اسمه آدم يوم خلق ← اللي سمي آدم هو ربنا.
وقولنا قبل كدة ان آدم يعني أحمر لأنه أخذ من تراب الأرض.
3وَعَاشَ آدَمُ مِئَةً وَثَلاَثِينَ سَنَةً، وَوَلَدَ وَلَدًا عَلَى شَبَهِهِ كَصُورَتِهِ وَدَعَا اسْمَهُ شِيثًا. يقصد هنا أن الأجيال اللي هي بتاعت آدم بدأوا يحملوا نفس الصفات الوراثية للجد الأكبر اللي هو آدم.4وَكَانَتْ أَيَّامُ آدَمَ بَعْدَ مَا وَلَدَ شِيثًا ثَمَانِيَ مِئَةِ سَنَةٍ، وَوَلَدَ بَنِينَ وَبَنَاتٍ. بنين وبنات ← دي مهمة جدا تدل أن كان في أولاد آخرين لآدم وحواء غير قايين وهابيل وشيث المذكورين بأسمائهم في الإصحاح الثالث والبنات دول هما اللي تزوجهم البنين وأصبحت الأسر الأولي علي الأرض.5فَكَانَتْ كُلُّ أَيَّامِ آدَمَ الَّتِي عَاشَهَا تِسْعَ مِئَةٍ وَثَلاَثِينَ سَنَةً، وَمَاتَ. يبقي عندنا أول واحد في السجلات دي كان آدم. عاش آدم 930 سنة.6وَعَاشَ شِيثُ مِئَةً وَخَمْسَ سِنِينَ، وَوَلَدَ أَنُوشَ. 7وَعَاشَ شِيثُ بَعْدَ مَا وَلَدَ أَنُوشَ ثَمَانِيَ مِئَةٍ وَسَبْعَ سِنِينَ، وَوَلَدَ بَنِينَ وَبَنَاتٍ. 8فَكَانَتْ كُلُّ أَيَّامِ شِيثَ تِسْعَ مِئَةٍ وَاثْنَتَيْ عَشَرَةَ سَنَةً، وَمَاتَ. تاني واحد عندنا في السجلات بعد آدم كان شيث عمره عند ولادة انوش كان 105 وعاش بعدها 807 سنة ولد فيها بنين وبنات ومات وهو عنده 912 سنة.
ناخد بالنا من حاجة مهمة جداً جداً جداً....
علشان عندنا الكتاب المقدس بيهتم بنسب المسيح ممكن يكون انوش ده مش أول ولد لشيث يعني مثلاً ممكن شيث ده يكون كان عنده أولاد وبنات قبل انوش ولكن علشان ذي م قولنا ان الكتاب بيهتم بنسب المسيح فذَكر الأبناء اللي قبل شيث سواء أولاد أو بنات مش مهم. أنوش بس اللي يهمنا علشان هو في النسل المُقدس والكلام ده من بداية شيث لحد م نوصل لنسب نوح اللي هو رقم 10 في الأنساب.
9وَعَاشَ أَنُوشُ تِسْعِينَ سَنَةً، وَوَلَدَ قِينَانَ. 10وَعَاشَ أَنُوشُ بَعْدَ مَا وَلَدَ قِينَانَ ثَمَانِيَ مِئَةٍ وَخَمْسَ عَشَرَةَ سَنَةً، وَوَلَدَ بَنِينَ وَبَنَاتٍ. 11فَكَانَتْ كُلُّ أَيَّامِ أَنُوشَ تِسْعَ مِئَةٍ وَخَمْسَ سِنِينَ، وَمَاتَ. تالت واحد عندنا في السجلات بعد آدم وشيث هو انوش. انوش كان عمره 90 سنة عند ولاده قينان (وذي م قولنا من شوية ممكن يكون كان في أولاد غير قينان قبله أو بعده ولكن احنا بنهتم بنسب المسيح).
عاش أنوش بعد ولادة قينان 815 سنة ومات وهو عنده 905 سنة.
12وَعَاشَ قِينَانُ سَبْعِينَ سَنَةً، وَوَلَدَ مَهْلَلْئِيلَ. 13وَعَاشَ قِينَانُ بَعْدَ مَا وَلَدَ مَهْلَلْئِيلَ ثَمَانِيَ مِئَةٍ وَأَرْبَعِينَ سَنَةً، وَوَلَدَ بَنِينَ وَبَنَاتٍ. 14فَكَانَتْ كُلُّ أَيَّامِ قِينَانَ تِسْعَ مِئَةٍ وَعَشَرَ سِنِينَ، وَمَاتَ. رابع واحد عندنا في السجلات بعد آدم وشيث وانوش هو قينان. قينان كان عمره 90 سنة عند ولاده مهللئيل وعاش بعدها 84 سنة ومات وهو عنده 910 سنة.15وَعَاشَ مَهْلَلْئِيلُ خَمْسًا وَسِتِّينَ سَنَةً، وَوَلَدَ يَارَدَ. 16وَعَاشَ مَهْلَلْئِيلُ بَعْدَ مَا وَلَدَ يَارَدَ ثَمَانِيَ مِئَةٍ وَثَلاَثِينَ سَنَةً، وَوَلَدَ بَنِينَ وَبَنَاتٍ. 17فَكَانَتْ كُلُّ أَيَّامِ مَهْلَلْئِيلَ ثَمَانِيَ مِئَةٍ وَخَمْسًا وَتِسْعِينَ سَنَةً، وَمَاتَ. خامس واحد عندنا في السجلات هو مهللئيل. كان عمر مهللئيل عند ولاده يارد 65 سنة وعاش مهللئيل بعد ولاده يارد 830 سنة ولد فيها بنين وبنات. مات مهللئيل وهو عنده 895 سنة.18وَعَاشَ يَارَدُ مِئَةً وَاثْنَتَيْنِ وَسِتِّينَ سَنَةً، وَوَلَدَ أَخْنُوخَ. 19وَعَاشَ يَارَدُ بَعْدَ مَا وَلَدَ أَخْنُوخَ ثَمَانِيَ مِئَةِ سَنَةٍ، وَوَلَدَ بَنِينَ وَبَنَاتٍ. 20فَكَانَتْ كُلُّ أَيَّامِ يَارَدَ تِسْعَ مِئَةٍ وَاثْنَتَيْنِ وَسِتِّينَ سَنَةً، وَمَاتَ. سادس واحد عندنا في السجلات هو يارد. عند ولاده اخنوخ يارد كان عمره 162 سنة وعاش بعد ولاده اخنوخ 800 سنة ولد فيها بنين وبنات. مات يارد وهو عنده 962 سنة.21وَعَاشَ أَخْنُوخُ خَمْسًا وَسِتِّينَ سَنَةً، وَوَلَدَ مَتُوشَالَحَ. 22وَسَارَ أَخْنُوخُ مَعَ اللهِ بَعْدَ مَا وَلَدَ مَتُوشَالَحَ ثَلاَثَ مِئَةِ سَنَةٍ، وَوَلَدَ بَنِينَ وَبَنَاتٍ. 23فَكَانَتْ كُلُّ أَيَّامِ أَخْنُوخَ ثَلاَثَ مِئَةٍ وَخَمْسًا وَسِتِّينَ سَنَةً. 24وَسَارَ أَخْنُوخُ مَعَ اللهِ، وَلَمْ يُوجَدْ لأَنَّ اللهَ أَخَذَهُ. سابع واحد عندنا في السجلات هو أخنوخ. كان عمر اخنوخ عند ولادة متوشالح 65 سنة. وعاش بعدها مع الله (سار مع الله) أي عاش مع الله بعمق الي أن أخذه الي السماء ولكن لم يمت. كان عمره 565 سنة.25وَعَاشَ مَتُوشَالَحُ مِئَةً وَسَبْعًا وَثَمَانِينَ سَنَةً، وَوَلَدَ لاَمَكَ. 26وَعَاشَ مَتُوشَالَحُ بَعْدَ مَا وَلَدَ لاَمَكَ سَبْعَ مِئَةٍ وَاثْنَتَيْنِ وَثَمَانِينَ سَنَةً، وَوَلَدَ بَنِينَ وَبَنَاتٍ. 27فَكَانَتْ كُلُّ أَيَّامِ مَتُوشَالَحَ تِسْعَ مِئَةٍ وَتِسْعًا وَسِتِّينَ سَنَةً، وَمَاتَ. ثامن واحد عندنا في السجلات هو متوشالح. عند ولادة لامك متوشالح كان عمره 187 سنة. عاش متوشالح بعد ولادة لامك 782 سنة وولد بنين وبنات. مات متوشالح وهو عنده 969 سنة.28وَعَاشَ لاَمَكُ مِئَةً وَاثْنَتَيْنِ وَثَمَانِينَ سَنَةً، وَوَلَدَ ابْنًا. 29وَدَعَا اسْمَهُ نُوحًا، قَائِلاً: «هذَا يُعَزِّينَا عَنْ عَمَلِنَا وَتَعَبِ أَيْدِينَا مِنْ قِبَلِ الأَرْضِ الَّتِي لَعَنَهَا الرَّبُّ». 30وَعَاشَ لاَمَكُ بَعْدَ مَا وَلَدَ نُوحًا خَمْسَ مِئَةٍ وَخَمْسًا وَتِسْعِينَ سَنَةً، وَوَلَدَ بَنِينَ وَبَنَاتٍ. 31فَكَانَتْ كُلُّ أَيَّامِ لاَمَكَ سَبْعَ مِئَةٍ وَسَبْعًا وَسَبْعِينَ سَنَةً، وَمَاتَ. تاسع واحد عندنا في السجلات هو لامك. لامك كان عمره 182 سنة عند ولاده نوح وعاش لامك بعد ولادة نوح 595 سنة وولد فيها بنين وبنات. مات لامك وعمره 777 سنة.32وَكَانَ نُوحٌ ابْنَ خَمْسِ مِئَةِ سَنَةٍ. وَوَلَدَ نُوحٌ: سَامًا، وَحَامًا، وَيَافَثَ. نوح كان عنده 500 سنة ولما ولد ساما وحاما ويافث.
الدروس المستفادة من هذا الإصحاح...
(1) ان الله مازال يذكرنا بصورته فينا فيبدأ الإصحاح بإن الإنسان خلق علي صورة الله ومثاله حتي ولو ان الإنسان سقط ولكن صورة الله لن تزول من الإنسان إن كانت هذه الصورة قد تشوهت فهي تحتاج فقط الي تجديد ولكن يظل الإنسان يحمل في أعماقه صورة الله حتي وهو خاطئ.
(2) دخول الموت واضح جداً في هذا الإصحاح. في كل جزء اتكلمنا فيه عن شخصية بعينها ينتهي الجزء بعبارة ومات علشان تحقق نقطة موتاً تموت.
(انت تراب يا آدم والي التراب تعود)
وكأن موسي النبي عاوز يقولنا أنه من خلال هذا الإصحاح ان حكم الموت سار الي كل البشر مهما طال عمرهم فأنتهي بالموت.
الاستثناء الوحيد في هذه السلسلة والذي لم ينتهي بالموت هو رقم 7 وهو أخنوخ علشان ربنا يدينا ملاحظة أنه في وسط الموت توجد حياة وتوجد سماء فيتكلم عن أخنوخ الذي أصعد الي السماء ولم يمت.
لما نقارن بين الجد السابع من نسل آدم في قايين ونسل آدم في شيث:
السابع من آدم في نسل قايين .. لامك الذي كسر الوصية وتزوج من امرأتين عادة وصلة
السابع من آدم في نسل شيث .. أخنوخ الذي صعد الي السماء ولم يمت
* معني اسم اخنوح ← مُكرس.
وذكر عنه في رسالة معلمنا يهوذا في الآية 14
وتنبأ عن هؤلاء أيضاً اخنوخ السابع من آدم هوذا قد جاء الرب في ربوات قدسيه
ناخد بالنا أخنوخ كان نبي لأنه بيقول عنه تنبأ
تنبأ اخنوخ عن مجيء الطوفان والتأديب الإلهي للبشر بسبب كثرة خطيتهم.
يقال عن اخنوخ في سفر الرؤية... إصحاح 11
حسب الدارسين اللي بيشرحوا في سفر الرؤية ان هيجي في الأيام الأخيرة علشان يحارب الوحش وهيقود حركة توبة كبيرة وهيقف مع الكنيسة في أيامها الصعبة في أيام الضيقة العظيمة.
* أخنوخ كان استثناء لقاعدة الموت علشان ربنا يقولنا انه في سماء وان الموت مش هو الوضع السائد في النهاية ولا هو نهاية المشهد.
* صعود أخنوخ كان رمزاً لصعود المسيح في اليوم الأربعين من قيامته.
(3) طول الأعمار الواضح جداً في هذه الأجيال. البعض بيقول أنه بسبب الأكل النباتي اللي عاشت عليه هذه الأجيال. طول العمر ده بركة من ربنا والبركة دي هدفها التوبة والحياة مع ربنا.
وده يعلمنا أن العمر الطويل ليس مجالاً للشر. ولكن للحياة مع الله.
ناخد بالنا من حاجة مهمة جداً جداً...
الأعمار الطويلة تدعم التقليد الشفاهي وتوارث القصص من جيل الي جيل.
لأن لما عمر الواحد يبقي طويل الواحد يقدر يوصل القصة لأجيال تالية ناخد بالنا في الترتيب اللي قولنا نلاقي أن متوشالح عاصر آدم لمدة 143 سنة ومتوشالح اللي هو رقم 8 ودي كانت فترة كافية أنه يستثني منه كل المعلومات المرتبطة بالخليقة والتاريخ البدائي. وسام ابن نوح عاصر متوشالح لمدة 98 سنة وسام ده هينقل بعد كدة الأخبار لما بعد الطوفان.
إسحاق عاصر سام لمدة 50 سنة ودي برضو فترة كبيرة وكافية إن إسحاق ياخد من سام كل القصص المرتبطة بالطوفان والأحداث التي جرت حوله.
لاوي بن يعقوب عاصر إسحاق لمدة 34 سنة ولاوي ده يبقي جد موسي.
آدم ← متوشالح← أسحاق← لاوي← فيوصل التقليد الشفاهي الي موسي النبي
* يبقي من خلال الأعمار الطويلة دي تقدر تعظي فترة زمنية تطول لأكثر من 2500 سنة عبر خمسة أجيال فقط.
* ده الجيل والمقدس الذي عاش حياته مع ربنا.
يبقي نراجع النسبب مع بعض تاني.
(1) آدم. (2) شيث (3) انوش
(4) قينان (5) مهللئيل (6) يارد
(7) أخنوخ (8) متوشالح (9) لامك
(10) نوح
في حد من الآباء اتأمل في الجزء وده وفي معاني الأسماء دي وقال:
1- آدم يشير الي الإنسان. 2- شيث معناها صار.
3- انوش يعني ضعيف أو هش. 4- قينان يعني فاني.
5- مهللئيل يعني المبارك من الله. 6- يارد يعني ينزل.
7- أخنوخ يعني مُكرس. 8- متوشالح يعني عندما يموت سنرسل
9- لامك يعني قوي. 10- نوح يعني معزي.
لما نيجي نجمع الجملة اللي كتبناها من 1 الي 10 هنلاقي ....
الإنسان صار هش وفانياً أو ضعيفاً والمبارك من الله ينزل مكرساً وعندما يموت يرسل القوي المعزي.
ناخد بالنا هنا....
ان حتي الأسماء لها معني وفيها كمان قصة الخلاص من البداية.
* في دروس روحية كثيرة جداً ممكن نستفادها من هذا الإصحاح.
⪢