⪡ 1وَدَعَا أَلِيشَعُ النَّبِيُّ وَاحِدًا مِنْ بَنِي الأَنْبِيَاءِ وَقَالَ لَهُ: «شُدَّ حَقْوَيْكَ وَخُذْ قِنِّينَةَ الدُّهْنِ هذِهِ بِيَدِكَ، وَاذْهَبْ إِلَى رَامُوتَ جِلْعَادَ. أليشع النبي جاتله رسالة من السماء، أنه يمسح قائد من قواد الجيش.
أليشع النبي طلب من تلميذه، واحد من بني الأنبياء. وقاله: شُدَّ حَقْوَيْكَ: شد الحقوين، هو لبس، ملابس على الوسط وما أسفله، أي لبس الإنسان ملابسه استعدادًا للسفر.. شد الحقوين: دليل أنه رايح ومُكلف بمهمة ومسئولية.
" قِنِّينَةَ الدُّهْنِ" ... قِنِّينَةَ: يعني زجاجة. بيُحفظ فيه زيت المسحة المقدس.
أليشع النبي قال لتلميذه: استعد، وخد زجاجة الزيت المقدس في ايدك.
"وَاذْهَبْ إِلَى رَامُوتَ جِلْعَادَ." ... رَامُوتَ جِلْعَادَ: ديه الموقعة اللي حصل فيها الحرب، ما بين حزائيل ملك آرام. وبين يهورام ملك إسرائيل وأخزيا ملك يهوذا.
وكان يهورام ملك إسرائيل اتجرح جدا في الحرب، ومشي وساب الحرب ومشي من راموت جلعاد، وراح ليزرعيل. وده كان المقر الصيفي هناك (بيته الصيفي اللي بيصيف فيه). علشان يأخد فترة نقاهة، ويُشفي من جروحه.
أليشع النبي طلب من تلميذه، أنه يروح عند راموت جلعاد. لان ياهو بن نِمشي، كان موجود هناك.
2وَإِذَا وَصَلْتَ إِلَى هُنَاكَ فَانْظُرْ هُنَاكَ يَاهُوَ بْنَ يَهُوشَافَاطَ بْنَ نِمْشِي، وَادْخُلْ وَأَقِمْهُ مِنْ وَسَطِ إِخْوَتِهِ، وَادْخُلْ بِهِ إِلَى مُخْدَعٍ دَاخِلَ مُخْدَعٍ. ياهو بن يهوشافاط، ده شخص هيترشم ملك علي مملكة إسرائيل. وده طلب ربنا له المجد.
"وَادْخُلْ وَأَقِمْهُ مِنْ وَسَطِ إِخْوَتِهِ،" ... تلميذ أليشع النبي المُكلف بالمهمة ديه، هيروح عند ياهو. وهيطلب ياهو، من بين المجموعة اللي قاعد معاهم.
"وَادْخُلْ بِهِ إِلَى مُخْدَعٍ دَاخِلَ مُخْدَعٍ." ... أليشع النبي بيوصي تلميذه، وبيقوله: تدخل أنت وياهو لوحدكم، لحجرة داخل حجرة.
3ثُمَّ خُذْ قِنِّينَةَ الدُّهْنِ وَصُبَّ عَلَى رَأْسِهِ وَقُلْ: هكَذَا قَالَ الرَّبُّ: قَدْ مَسَحْتُكَ مَلِكًا عَلَى إِسْرَائِيلَ. ثُمَّ افْتَحِ الْبَابَ وَاهْرُبْ وَلاَ تَنْتَظِرْ». وخد معاك قارورة الزيت المقدس. اللي هو زيت المسحة، زيت الدُهن. وحطه علي رأسه. وده نفس الزيت اللي مسح بيه صموئيل النبي، داود النبي، لما رشمه ملك.
ياهو بن نِمشي: هو الملك الوحيد في المملكة الشمالية، اللي اتمسح بالزيت المقدس.
كل الملوك التانين، محدش منهم اتمسح بالدُهن المقدس. لأن الملوك كلهم، كانوا بيأخدوا الحُكم من بعض: بالخناق. أو كان بيتقاتلوا علشان يمسكوا الحكم، وكانوا بيموتوا بعض.
"وَقُلْ: هكَذَا قَالَ الرَّبُّ: قَدْ مَسَحْتُكَ مَلِكًا عَلَى إسرائيل" ... ووصله الرسالة: أن ربنا اختارك ومسحك ملك علي إسرائيل.
"ثُمَّ افْتَحِ الْبَابَ وَاهْرُبْ وَلاَ تَنْتَظِرْ." ... ولما تخلص المهمة ديه، افتح الباب واهرب. ومنتظرش أي حاجة. ولا تستني أي حد. اجري بعدها علطول. علشان ممكن ملك إسرائيل يهورام، يأذيك وينتقم منك.
لأن الموضوع مش سهل. لأن أًصلا لسه في ملك في إسرائيل، اللي هو يهورام بن آخاب. واترشم ملك تاني علي إسرائيل، اللي هو ياهو بن نِمشي.
4فَانْطَلَقَ الْغُلاَمُ، أَيِ الْغُلاَمُ النَّبِيُّ إِلَى رَامُوتَ جِلْعَادَ فعلا تلميذ أليشع النبي، من بني الأنبياء، راح ينفذ المطلوب منه
فهنا بيأكد ويوضح، أنه نبي. لأنه لو غلام عادي، مش من حقه، أنه يرشم بالدُهن المقدس.
"إِلَى رَامُوتَ جِلْعَادَ" ... كانت زي معسكر وقائد المعسكر هو: ياهو بن نشمي. لكنه قائد تحت ايد يهورام ملك إسرائيل.
اخزيا ملك يهوذا، ده حفيد آخاب. لأن أمه عثليا بنت آخاب. ويهورام ملك إسرائيل، ده ابن آخاب. وخال أخزيا ملك يهوذا. فكله عبارة عن شر: في المملكة الشمالية والجنوبية.
5وَدَخَلَ وَإِذَا قُوَّادُ الْجَيْشِ جُلُوسٌ. فَقَالَ: «لِي كَلاَمٌ مَعَكَ يَا قَائِدُ». فَقَالَ يَاهُو: «مَعَ مَنْ مِنَّا كُلِّنَا؟». فَقَالَ: «مَعَكَ أَيُّهَا الْقَائِدُ». التلميذ دخل ولقي القادة كلهم قاعدين، وكلم ياهو: وقاله عاوز أكلم. عندي كلام ليك. ياهو: كان قائد المعسكر.
"فَقَالَ يَاهُو: مَعَ مَنْ مِنَّا كُلِّنَا؟" ... ياهو بيسأله: مع مين فينا عاوز تتلكم؟
"فَقَالَ: مَعَكَ أَيُّهَا الْقَائِدُ." ... فرد عليه: وقاله معاك أنت.
6فَقَامَ وَدَخَلَ الْبَيْتَ، فَصَبَّ الدُّهْنَ عَلَى رَأْسِهِ وَقَالَ لَهُ: «هكَذَا قَالَ الرَّبُّ إِلهُ إِسْرَائِيلَ: قَدْ مَسَحْتُكَ مَلِكًا عَلَى شَعْبِ الرَّبِّ إِسْرَائِيلَ، دخلوا مع بعض للمنزل. وتلميذ أليشع النبي، حط علي رأس ياهو: الدُهن المقدس. اترشم ياهو بالدُهن المقدس.
ووصله رسالة ربنا له المجد. أن إله إسرائيل، مسحك ملك علي إسرائيل، علي شعب الله.
" عَلَى شَعْبِ الرَّبِّ إسرائيل،" ... شعب الرب: بالرغم من أن الشعب بقي بعيد جدا عن ربنا له المجد، لكن ربنا ما زال معتبر هذا الشعب، شعبه.
وطبعا بكده، ربنا خلاه يأخد الملك من بيت آخاب. لأنه مش من عيلة آخاب. وبعد كده هنشوف أن بيت آخاب هينتهي. وأخر بيت أخاب في الحُكم، كان هو يهورام بن آخاب ملك إسرائيل. وده اللي اتصاب في حبه مع حزائيل، ملك آرام. ويهورام لسه عايش. وكمان في أخزيا ملك يهوذا. وده برده من عيلة آخاب. لأن أمه عثليا بنت آخاب وايزابل.
7فَتَضْرِبُ بَيْتَ أَخْآبَ سَيِّدِكَ. وَأَنْتَقِمُ لِدِمَاءِ عَبِيدِيَ الأَنْبِيَاءِ، وَدِمَاءِ جَمِيعِ عَبِيدِ الرَّبِّ مِنْ يَدِ إِيزَابَلَ. لما ياهو بقي الملك: عنده مهمة يعملها، أن هيخلص علي كل بيت آخاب. انتقاما للي عمله في أنبياء ربنا. علشان ينتقم لكل دماء الأنبياء، اللي قتلتهم ايزابل زوجة آخاب الملك، ملك إسرائيل.
" مِنْ يَدِ إِيزَابَلَ." ... لأنها كانت قتلت الأنبياء، في زمن ايليا النبي.
8فَيَبِيدُ كُلُّ بَيْتِ أَخْآبَ، وَأَسْتَأْصِلُ لأَخْآبَ كُلَّ بَائِلٍ بِحَائِطٍ وَمَحْجُوزٍ وَمُطْلَق فِي إِسْرَائِيلَ. مهمة ياهو: أنه يُبيد كل بيت آخاب
"وَأَسْتَأْصِلُ لأَخْآبَ كُلَّ بَائِلٍ بِحَائِطٍ" ... بَائِلٍ بِحَائِطٍ: المقصود بيها: كل من يتبول. يعني: كل ذكر/ رجل.
"وَمَحْجُوزٍ" ... يعني كل عبد.
"وَمُطْلَق فِي إسرائيل." ... ... كل حُر. إنسان طليق. بمعني: أنه هيبيد كل بيت أخاب. كل عبد وكل حُر.
وده نفس الكلام اللي قاله ربنا له المجد لإيليا النبي، علشان يوصلّه لآخاب. وقت قتل نابوت اليزرعيلي، عن طريق مشورة زوجته ايزابل. ربنا قاله: أنت قتلت وورثت، حقل نابوت. وفي نفس المكان اللي الكلام لحست فيه دم نابوت. هتلحس دمك يا آخاب أنت وأولادك. (1مل 21: 17 – 21).
بس الموضوع ده، لسه متمش لغاية دلوقتي. ولسه المُلك بيتنقل بين عيلة آخاب.
فكرة الانتقام هنا تفكرنا ب "لِيَ النَّقْمَةُ أَنَا أُجَازِي يَقُولُ الرَّبُّ."
لأن محدش أخد بحق نابوت اليزرعيلي. ولا حق الأنبياء اللي اتقتلوا علي ايد آخاب الملك.
ووقتها إيليا النبي اشتكي لربنا وقال "يَا رَبُّ، قَتَلُوا أَنْبِيَاءَكَ وَهَدَمُوا مَذَابِحَكَ، وَبَقِيتُ أَنَا وَحْدِي، وَهُمْ يَطْلُبُونَ نَفْسِي." اذاً مفيش دم بيروح هدر أبدا.
ربنا له المجد، ليه ميعاد في الانتقام. والإنسان الروحاني، مؤمن بالفكرة والحقيقة ديه. وبيتكل علي ربنا، حتي لو مشافش القضاء بعينه. برده بيفضل مطمن لوعد ربنا.
- بس مش معني أن ياهو اترشم ملك علي إسرائيل، أن شخص كويس.
بالظبط زي ما شوفنا أن مملكة بابل كانت قوية. وراحت سبيت شعب إسرائيل. لكن ده كان تأديب من ربنا ليهم.
وكمان ربنا بعت مملكة فارس، بعدها بسنتين، علشان يأدبوا مملكة بابل.
فكانوا أداة تأديب في ايد ربنا له المجد. لتأديب مملكة بابل، وكمان تأديب لشعب إسرائيل.
ربنا عادل جدا. حتي لو أتأخر في عدله.
9وَأَجْعَلُ بَيْتَ أَخْآبَ كَبَيْتِ يَرُبْعَامَ بْنِ نَبَاطَ، وَكَبَيْتِ بَعْشَا بْنِ أَخِيَّا. الشخصين دول أكتر اتنين أساءوا للعبادة اليهودية. وعلموا الناس الفساد والوثنية. وبيت يربعام وبيت بعشا، ربنا أستأصلهم نهائي. فكانوا مثال للفساد.
" يَرُبْعَامَ بْنِ نَبَاطَ،" ... ده أول واحد دخّل عبادة الأوثان، في شعب الله. والثالث بتاعهم: هو آخاب ملك إسرائيل.
10وَتَأْكُلُ الْكِلاَبُ إِيزَابَلَ فِي حَقْلِ يَزْرَعِيلَ وَلَيْسَ مَنْ يَدْفِنُهَا». ثُمَّ فَتَحَ الْبَابَ وَهَرَبَ. الكلاب هتأكل ايزابل في حقل نابوت، ومفيش حد هيدفنها. زي ما عملت في نابوت وأبنائه، هيحصل فيها بالظبط.
"ثُمَّ فَتَحَ الْبَابَ وَهَرَبَ." ... تلميذ أليشع النبي، من بني الأنبياء، نفذ كل كلام أليشع النبي. ووصله رسالة ربنا.
وفتح الباب وهرب بسرعة.
11وَأَمَّا يَاهُو فَخَرَجَ إِلَى عَبِيدِ سَيِّدِهِ، فَقِيلَ لَهُ: «أَسَلاَمٌ؟ لِمَاذَا جَاءَ هذَا الْمَجْنُونُ إِلَيْكَ؟» فَقَالَ لَهُمْ: «أَنْتُمْ تَعْرِفُونَ الرَّجُلَ وَكَلاَمَهُ». بعد مسح ياهو ملك علي إسرائيل. خرج. فسألوه: خير؟ يعني كله كويس؟
"لِمَاذَا جَاءَ هذَا الْمَجْنُونُ إِلَيْكَ؟" ... ليه المجنون ده جالك هنا؟
قالوا عليه مجنون، جايز: علشان شافوه جه بسرعة ومشي بسرعة.
"فَقَالَ لَهُمْ: أَنْتُمْ تَعْرِفُونَ الرَّجُلَ وَكَلاَمَهُ." ... يعني أنتم بتقولوا عليه مجنون. وشوفتم أنه مجنون.
هنا هو حب يهرب من الإجابة. وقالهم: ما أنتم عارفينه وعارفين كلامه.
لأنه مش عاوز يقول: أنه اتمسح ملك، وكلفه بمهمة قتل بيت آخاب. جايز لأنه لسه ميعرفش موقفهم منه. هل هيأيدوه ولا هيقفوا ضده ويقاوموه. ويبلغوا يهورام ملك إسرائيل عليه.
12فَقَالُوا: «كَذِبٌ. فَأَخْبِرْنَا». فَقَالَ: «بِكَذَا وَكَذَا كَلَّمَنِي قَائِلاً: هكَذَا قَالَ الرَّبُّ: قَدْ مَسَحْتُكَ مَلِكًا عَلَى إِسْرَائِيلَ». "فَقَالُوا: كَذِبٌ. فَأَخْبِرْنَا." ... مصدقوش كلامه. وقالولوه: قولنا الحقيقة.
"فَقَالَ: بِكَذَا وَكَذَا كَلَّمَنِي قَائِلًا: هكَذَا قَالَ الرَّبُّ: قَدْ مَسَحْتُكَ مَلِكًا عَلَى إسرائيل" ... فحكي لهم علي كل اللي حصل. وأنه اترشم ملك علي إسرائيل. وده كان من ربنا.
وممكن هما كمان كانوا مستنين اللحظة ديه، علشان يتخلصوا من بيت آخاب.
13فَبَادَرَ كُلُّ وَاحِدٍ وَأَخَذَ ثَوْبَهُ وَوَضَعَهُ تَحْتَهُ عَلَى الدَّرَجِ نَفْسِهِ، وَضَرَبُوا بِالْبُوقِ وَقَالُوا: «قَدْ مَلَكَ يَاهُو». فرشوا هدومهم علي السلم، تحت رجليه.
زي ما التلاميذ عملوا مع المسيح له المجد، وقت دخوله أورشليم. معناه: علامة الخضوع لربنا.
"وَضَرَبُوا بِالْبُوقِ وَقَالُوا: قَدْ مَلَكَ يَاهُو." ... وضربوا بالبوق. وأعلنوا، أنه بقي هو ملك إسرائيل.
14وَعَصَى يَاهُو بْنُ يَهُوشَافَاطَ بْنِ نِمْشِي عَلَى يُورَامَ. وَكَانَ يُورَامُ يُحَافِظُ عَلَى رَامُوتَ جِلْعَادَ هُوَ وَكُلُّ إِسْرَائِيلَ مِنْ حَزَائِيلَ مَلِكِ أَرَامَ. كل جيش إسرائيل، متجمع في راموت جلعاد. المعسكر بتاعهم. اللي كان فيها ياهو هو وباقي القواد.
في الوقت اللي كان فيه يورام، اللي هو يهورام بن آخاب ملك إسرائيل، بيتعالج في يزرعيل، نتيجة حربه مع حزائيل ملك آرام.
ياهو بن يهوشافاط بن نِمشي، عمل ثورة وجمع الجيش وراه. علشان يقتل يهورام. وفي الوقت اللي كان يهورام بن آخاب ملك إسرائيل، خايف من حزائيل ملك آرام. طلع عليه ياهو. فكانت بالنسبة له ثورة داخلية، من جوة إسرائيل.
15وَرَجَعَ يَهُورَامُ الْمَلِكُ لِكَيْ يَبْرَأَ فِي يَزْرَعِيلَ مِنَ الْجُرُوحِ الَّتِي ضَرَبَهُ بِهَا الأَرَامِيُّونَ حِينَ قَاتَلَ حَزَائِيلَ مَلِكَ أَرَامَ. فَقَالَ يَاهُو: «إِنْ كَانَ فِي أَنْفُسِكُمْ، لاَ يَخْرُجْ مُنْهَزِمٌ مِنَ الْمَدِينَةِ لِكَيْ يَنْطَلِقَ فَيُخْبِرَ فِي يَزْرَعِيلَ». يهورام ملك إسرائيل، رجع ليزرعيل، علشان يُشفي من جروحه هناك. اللي كانت نتيجة حربه مع حزائيل ملك آرام.
"فَقَالَ يَاهُو: إِنْ كَانَ فِي أَنْفُسِكُمْ، لاَ يَخْرُجْ مُنْهَزِمٌ مِنَ الْمَدِينَةِ لِكَيْ يَنْطَلِقَ فَيُخْبِرَ فِي يَزْرَعِيلَ" ... يعني خليكم رجالة. محدش يروح يخونا عند يهورام. ويبلغه أن ياهو اترشم ملك.
علشان يهورام ملك إسرائيل، مياخدش احتياطه ويستعد للمواجهة.
16وَرَكِبَ يَاهُو وَذَهَبَ إِلَى يَزْرَعِيلَ، لأَنَّ يُورَامَ كَانَ مُضْطَجِعًا هُنَاكَ. وَنَزَلَ أَخَزْيَا مَلِكُ يَهُوذَا لِيَرَى يُورَامَ. ياهو هو والجيش اللي معاه، راح عند يزرعيل، مكان ما يهورام ملك إسرائيل موجود هناك للعلاج.
"وَنَزَلَ أَخَزْيَا مَلِكُ يَهُوذَا لِيَرَى يُورَامَ." ... في نفس الوقت ده، راح أخزيا ملك يهوذا، يزور يورام (يهورام) ملك إسرائيل. علشان يطمن عليه.
يورام (يهورام) ملك إسرائيل. و أخزيا ملك يهوذا: الاتنين كانوا في الحرب مع بعض، ضد حزائيل.
17وَكَانَ الرَّقِيبُ وَاقِفًا عَلَى الْبُرْجِ فِي يَزْرَعِيلَ، فَرَأَى جَمَاعَةَ يَاهُو عِنْدَ إِقْبَالِهِ، فَقَالَ: «إِنِّي أَرَى جَمَاعَةً». فَقَالَ يَهُورَامُ: «خُذْ فَارِسًا وَأَرْسِلْهُ لِلِقَائِهِمْ، فَيَقُولَ: أَسَلاَمٌ؟» الرقيب: شخص بيقف في مكان عالي، علشان يراقب الطريق ويبقي كاشفه. اذا كان في أعداء جايين يهاجموا المكان. لو في أعداء، يضربوا بالأبواق، يحذروا الجيش والبلد، أن في أعداء جايين.
الرقيب ده، كان مع يورام ملك إسرائيل.
"فَرَأَى جَمَاعَةَ يَاهُو عِنْدَ إِقْبَالِهِ، فَقَالَ: إِنِّي أَرَى جَمَاعَةً." ... شاف جماعة جاية من بعيد.
"فَقَالَ يَهُورَامُ: خُذْ فَارِسًا وَأَرْسِلْهُ لِلِقَائِهِمْ، فَيَقُولَ: أَسَلاَمٌ؟" ... ملك إسرائيل قال: خد فارس أو رسول، وابتعه للقائهم.
وأسأله: أسلام؟ كله كويس؟ كله حلو؟ خير في ايه؟
18فَذَهَبَ رَاكِبُ الْفَرَسِ لِلِقَائِهِ وَقَالَ: «هكَذَا يَقُولُ الْمَلِكُ: أَسَلاَمٌ؟» فَقَالَ يَاهُو: «مَا لَكَ وَلِلسَّلاَمِ؟ دُرْ إِلَى وَرَائِي». فَأَخْبَرَ الرَّقِيبُ قَائِلاً: «قَدْ وَصَلَ الرَّسُولُ إِلَيْهِمْ وَلَمْ يَرْجعْ». الفارس وصل ليهم. وقالهم: الملك بيسأل، كله كويس؟
"فَقَالَ يَاهُو: مَا لَكَ وَلِلسَّلاَمِ؟" ... فرد ياهو وقاله: مالك أنت والسلام؟ اش فهمك في السلام؟
"دُرْ إِلَى وَرَائِي." ... لف، وتعالي ورايا. وضمه للجيش بتاعه. ومخلهوش يرجع ليهورام تاني. علشان ميخبرهوش بحاجة.
"فَأَخْبَرَ الرَّقِيبُ قَائِلًا: قَدْ وَصَلَ الرَّسُولُ إِلَيْهِمْ وَلَمْ يَرْجعْ." ... الرقيب قال للملك: أن فعلا الفارس وصل ليهم. بس مرجعش تاني.
19فَأَرْسَلَ رَاكِبَ فَرَسٍ ثَانِيًا، فَلَمَّا وَصَلَ إِلَيْهِمْ قَالَ: «هكَذَا يَقُولُ الْمَلِكُ: أَسَلاَمٌ؟» فَقَالَ يَاهُو: «مَا لَكَ وَلِلسَّلاَمِ؟ دُرْ إِلَى وَرَائِي». اتكرر نفس الموقف تاني. وبرده ياهو ضم الفارس التاني، للجيش اللي معاه.
كل تفكير يهورام، ملك إسرائيل: عاوز يعرف، هل في أخبار عن الحرب في راموت جلعاد؟ عاوز يطمن، علشان كده كان بيبعت رسل.
20فَأَخْبَرَ الرَّقِيبُ قَائِلاً: «قَدْ وَصَلَ إِلَيْهِمْ وَلَمْ يَرْجِعْ. وَالسَّوْقُ كَسَوْقِ يَاهُوَ بْنِ نِمْشِي، لأَنَّهُ يَسُوقُ بِجُنُونٍ». برده الفارس ده، وصل لهم. ومرجعش زي اللي قبله.
"وَالسَّوْقُ كَسَوْقِ يَاهُوَ بْنِ نِمْشِي، لأَنَّهُ يَسُوقُ بِجُنُونٍ." ... واضح أن ياهو مشهور بقيادته للخيل، بجنون. بسرعة رهيبة. فواضح أنه معروف بأنه فارس مندفع. وبيسوق بسرعة.
21فَقَالَ يَهُورَامُ: «اشْدُدْ». فَشُدَّتْ مَرْكَبَتُهُ، وَخَرَجَ يَهُورَامُ مَلِكُ إِسْرَائِيلَ وَأَخَزْيَا مَلِكُ يَهُوذَا، كُلُّ وَاحِدٍ فِي مَرْكَبَتِهِ، خَرَجَا لِلِقَاءِ يَاهُو. فَصَادَفَاهُ عِنْدَ حَقْلَةِ نَابُوتَ الْيَزْرَعِيلِيِّ. يهورام ملك إسرائيل، طلب أنه يخرج بنفسه يشوف ايه اللي بيحصل.
ملك إسرائيل وملك يهوذا الاتنين خرجوا، يشوفوا فيه ايه؟ ايه اللي حصل؟ كل واحد خرج في مركبته الحربية. خرجوا علشان يقابلوا ياهو، لما عرفوه من قيادتة الجنونية.
"فَصَادَفَاهُ عِنْدَ حَقْلَةِ نَابُوتَ الْيَزْرَعِيلِيِّ." ... طيب ليه التفاصيل ديه؟ وليه بيحدد أنه عند حقل نابوت؟
ربنا له المجد بيوضح لنا: أن ده حقل نابوت اليزرعيلي. اللي اتقتل عنده نابوت. وأنه نفس الحقل اللي نزل فيه دم نابوت اليزرعيلي.
فلازم في نفس المكان ينزل برده دم آخاب ويموت هناك. هو وعيلته.
فديه ترتيبات الهية: انهم يطلعوا ويقابلوا ياهو وجيشه عند حقل نابوت اليزرعيلي.
"فَصَادَفَاهُ" ... أكيد مش مصادفة. في نظر الناس، صدفة. لكن احنا فاهمين وعارفين أن ده ترتيب الهي عجيب. ومن فترة طويلة كمان، وعد من أيام ايليا النبي.
22فَلَمَّا رَأَى يَهُورَامُ يَاهُوَ قَالَ: «أَسَلاَمٌ يَا يَاهُو؟» فَقَالَ: «أَيُّ سَلاَمٍ مَا دَامَ زِنَى إِيزَابَلَ أُمِّكَ وَسِحْرُهَا الْكَثِيرُ؟» يهورام ملك إسرائيل، حب يطمن. لأنه ابتدي يقلق.
"فَقَالَ: أَيُّ سَلاَمٍ مَا دَامَ زِنَى إِيزَابَلَ أُمِّكَ وَسِحْرُهَا الْكَثِيرُ؟" ... فرد عليه ياهو: ازاي خير؟ هيجي الخير والسلام منين؟ وأنت سايب ايزابل أمك بتعلم وتنشر الشر والسحر والزنا وسط الناس؟
23فَرَدَّ يَهُورَامُ يَدَيْهِ وَهَرَبَ، وَقَالَ لأَخَزْيَا: «خِيَانَةً يَا أَخَزْيَا!» واضح أن يهورام ملك إسرائيل، وهو بيتكلم، مد ايده يسلم علي ياهو.
ولما لقي أن ياهو بيكلمه بالأسلوب الشديد ده، رد (رجع) ايده. وهرب
"وَقَالَ لأَخَزْيَا: خِيَانَةً يَا أَخَزْيَا." ... يهورام قال لأخزيا ملك يهوذا، خيانة. علشان أخزيا يهرب هو كمان.
24فَقَبَضَ يَاهُو بِيَدِهِ عَلَى الْقَوْسِ وَضَرَبَ يَهُورَامَ بَيْنَ ذِرَاعَيْهِ، فَخَرَجَ السَّهْمُ مِنْ قَلْبِهِ فَسَقَطَ فِي مَرْكَبَتِهِ. ياهو، ضرب يهوارم ملك إسرائيل بالرمح. نشن بالرمح، والسهم طلع من قلبه. يعني ضرب يهورام في قلبه. ومات وهو في مركبته. 25وَقَالَ لِبِدْقَرَ ثَالِثِهِ: «ارْفَعْهُ وَأَلْقِهِ فِي حِصَّةِ حَقْلِ نَابُوتَ الْيَزْرَعِيلِيِّ. وَاذْكُرْ كَيْفَ إِذْ رَكِبْتُ أَنَا وَإِيَّاكَ مَعًا وَرَاءَ أَخْآبَ أَبِيهِ، جَعَلَ الرَّبُّ عَلَيْهِ هذَا الْحِِمْلَ. ثَالِثِهِ: في المركبة الحربية، اللي زي بتاعة الفراعنة اللي بنشوفها. في واحد بيقود المركبة. والملك موجود. وفي شخص تالت، اللي هو حارس الملك. الثالث: هو حارس الملك. واسمه: بدقر.
قاله: ارمي جثة يهورام بن آخاب، في حقل نابوت اليزرعيلي.
" حِصَّةِ" ... مكان. في مكان حقل نابوت.
"وَاذْكُرْ كَيْفَ إِذْ رَكِبْتُ أَنَا وَإِيَّاكَ مَعًا وَرَاءَ أَخْآبَ أَبِيهِ، جَعَلَ الرَّبُّ عَلَيْهِ هذَا الْحِمْلَ." ... أتاري ياهو بن نِمشي، كان راكب في المركبة الحربية مع أخاب وقت قتل نابوت اليزرعيلي، في حقله. وكان ياهو واحد من اللي رموا جثة نابوت اليزرعيلي.
" هذَا الْحِمْلَ." ... معناه: العقاب أو الدينونة.
فربنا مش بيفوت أو بينسي أي حاجة.
يعني هنا هو: بيفتكر نفس المنظر اللي حصل مع نابوت اليزرعيلي. والأحداث اللي حصلت وقت آخاب.
وديه نفس موتة، نابوت اليزرعيلي. مع يهورام ابن آخاب. وفي نفس المكان.
26أَلَمْ أَرَ أَمْسًا دَمَ نَابُوتَ وَدِمَاءَ بَنِيهِ يَقُولُ الرَّبُّ، فَأُجَازِيكَ فِي هذِهِ الْحَقْلَةِ يَقُولُ الرَّبُّ. فَالآنَ ارْفَعْهُ وَأَلْقِهِ فِي الْحَقْلَةِ حَسَبَ قَوْلِ الرَّبِّ». في قصة نابوت اليزرعيلي: متقالش وقتها أن أولاده كمان اتقتلوا.
بس هنا هنلاقي: أن آخاب مش بس قتل نابوت. لكن كمان قتل معاه أولاده. لأنهم كانوا الورثة. علشان محدش منهم يطالب بحق أبوه. (قصة نابوت اليزرعيلي: 1مل 21 ).
"فَأُجَازِيكَ فِي هذِهِ الْحَقْلَةِ يَقُولُ الرَّبُّ." ... هتتجازي وتتعاقب في نفس مكان حقل نابوت اليزرعيلي.
يعني ده نفس الموقف اللي حصل بالظبط مع نابوت اليزرعيلي.
" فَالآنَ ارْفَعْهُ وَأَلْقِهِ فِي الْحَقْلَةِ حَسَبَ قَوْلِ الرَّبِّ." ... ودلوقتي بقي شيله، وارميه في حقل نابوت. وده كلام ياهو بن نِمشي لبدقر.
في العهد القديم تحديدا، كنا نشوف رد الظلم، بيحصل علي الأرض. زي ما حصل هنا في قصة نابوت اليزرعيلي.
- لكن في العهد الجديد: ممكن نشوف رد الظلم علي الأرض. ولو محصلش هنا، هتبقي المكافأة في السماء. رد الظلم هيبقي في السماء.
- طيب ليه في العهد القديم، مكانش الظلم بيترد في السماء؟
لأن وقتها مكانش لسه في حاجة اسمها السماء. الحياة الأبدية. لأن مكانش لسه في فداء. قبل الفداء: كان اللي بيموت بيروح الجحيم، وكانوا منتظرين علي الرجاء.
فكان لازم الحق يترد علي الأرض. وكمان علشان الناس تتعلم وتخلي بالها من تصرفاتها.
- لكن في العهد الجديد: احنا اتعلمنا وشوفنا أن ده حصل كتير. وعارفين أن في السماء، مكافأة نتيجة الظلم أو الألم والضيقة.
27وَلَمَّا رَأَى ذلِكَ أَخَزْيَا مَلِكُ يَهُوذَا هَرَبَ فِي طَرِيقِ بَيْتِ الْبُسْتَانِ، فَطَارَدَهُ يَاهُو وَقَالَ: «اضْرِبُوهُ». فَضَرَبُوهُ أَيْضًا فِي الْمَرْكَبَةِ فِي عَقَبَةِ جُورَ الَّتِي عِنْدَ يِبْلَعَامَ. فَهَرَبَ إِلَى مَجِدُّو وَمَاتَ هُنَاكَ. أخزيا ملك يهوذا، حاول يهرب لما شاف الأحداث ديه كلها قدامه. وأخزيا طبعا من عيلة أخاب الملك. لأن أمه عثليا، بنت آخاب وايزابل.
"فَطَارَدَهُ يَاهُو وَقَالَ: اضْرِبُوهُ. فَضَرَبُوهُ أَيْضًا فِي الْمَرْكَبَةِ فِي عَقَبَةِ جُورَ الَّتِي عِنْدَ يِبْلَعَامَ." ... ... ياهو قعد يطارد أخزيا. ووصلوا له وضربوه وهو في مركبته الحربية.
"فَهَرَبَ إِلَى مَجِدُّو وَمَاتَ هُنَاكَ." ... بعد ما اتضرب واتصاب. هرب. ومات في مَجِدُّو.
أخزيا زي ماشوفنا قبل كده، أن مدة مُلكه: كانت سنة واحدة فقط. كان فيها ملك علي يهوذا.
وبكده ياهو: قتل يهورام ملك إسرائيل. وأخزيا ملك يهوذا. لأن الاتنين من عيلة آخاب.
وديه كانت غلطة يهوشافاط ملك يهوذا، من الأول. أنه ارتبط بعيلة آخاب. علشان المصلحة. وأنه يقوي مملكته. وكانت النتيجة أن المملكة كلها ضاعت. حتي أخزيا اللي كان مدة حُكمه سنة واحدة. اتقتل.
28فَأَرْكَبَهُ عَبِيدُهُ إِلَى أُورُشَلِيمَ وَدَفَنُوهُ فِي قَبْرِهِ مَعَ آبَائِهِ فِي مَدِينَةِ دَاوُدَ. عبيد أخزيا الملك، أخدوا جثته لأورشليم.
"وَدَفَنُوهُ فِي قَبْرِهِ مَعَ آبَائِهِ فِي مَدِينَةِ دَاوُدَ." ... ودفنوه في أورشليم، مع أبائه.
أورشليم هي عاصمة المملكة الجنوبية، مملكة يهوذا. وهناك اتدفن داود النبي.
29فِي السَّنَةِ الْحَادِيَةَ عَشَرَةَ لِيُورَامَ بْنِ أَخْآبَ، مَلَكَ أَخَزْيَا عَلَى يَهُوذَا. 30فَجَاءَ يَاهُو إِلَى يَزْرَعِيلَ. وَلَمَّا سَمِعَتْ إِيزَابَلُ كَحَّلَتْ بِالأُثْمُدِ عَيْنَيْهَا، وَزَيَّنَتْ رَأْسَهَا وَتَطَلَّعَتْ مِنْ كَوَّةٍ. ياهو بن نِمشي، دخل جوة يزرعيل. وهو عبارة عن منتجع صيفي. كان فيه بيت أخاب الملك، اليبت الصيفي. لأن الملوك كان ليهم بيت صيفي وبيت شتوي.
"وَلَمَّا سَمِعَتْ إِيزَابَلُ كَحَّلَتْ بِالأُثْمُدِ عَيْنَيْهَا، وَزَيَّنَتْ رَأْسَهَا وَتَطَلَّعَتْ مِنْ كَوَّةٍ." ... ايزابل، عرفت بكل الأحداث. وأن يهورام ابنها، اتقتل علي يد ياهو. وأن أخزيا ملك يهوذا، حفيدها، مات. وأن ياهو بن نِمشي عامل ثورة.
ومع كل ده، وكل الأحداث الصعبة ديه. بس جواها جبروت عظيم. ودخلت واتزينت.
" كَحَّلَتْ بِالأُثْمُدِ عَيْنَيْهَا" ... حطيت كحل في عنيها. واتزينت.
ربنا له المجد، عاوز يفهمنا ويوضح لنا: الشيطان بيعمل ايه في الإنسان. و أن غرور الإنسان وكبريائه، بيضيعوه.
كان أخزيا بن أخاب. ابن ايزابل. أخزيا ملك إسرائيل. كان وقع من الكوة برده قبل كده. (2مل 1) .
فهنا ايزابل هتموت بنفس الطريقة برده.
31وَعِنْدَ دُخُولِ يَاهُو الْبَابَ قَالَتْ: «أَسَلاَمٌ لِزِمْرِي قَاتِلِ سَيِّدِهِ؟» شافت ياهو داخل المكان عندها.
"قَالَتْ: «أَسَلاَمٌ لِزِمْرِي قَاتِلِ سَيِّدِهِ؟" ... وهنا هي بتتريق علي ياهو بن نِمشي.
زمري: اللي قتل عيلة بعشا. وبعد كده دخل وحرق نفسه. زمري، كان عمل فتنة قبل كده وبرده قتل الملك بتاعه.
بتقول لياهو: زي ما زمري عمل ثورة قبل كده، علي عيلة بعشا. وبعد كده انتحر. لأن وقتها الشعب مقبلش ومكانش عاوز زمري. ( 1مل 16).
فهي عاوزة تقوله: أنا الشعب واقف معايا. فأنت هيحصل معاك، زي ما حصل مع زمري. وأن المُلك بتاعك مش هيطوّل. هتبقي فترة قصيرة.
32فَرَفَعَ وَجْهَهُ نَحْوَ الْكَوَّةِ وَقَالَ: «مَنْ مَعِي؟ مَنْ؟» فَأَشْرَفَ عَلَيْهِ اثْنَانِ أَوْ ثَلاَثَةٌ مِنَ الْخِصْيَانِ. ايزابل واقفة بتبص من الشباك.. وياهو: رفع عينه، وبص ناحية الشباك، اللي واقفة فيه. وسأل: اللي كانوا واقفين وراها: مين هيكون معايا؟
"فَأَشْرَفَ عَلَيْهِ اثْنَانِ أَوْ ثَلاَثَةٌ مِنَ الْخِصْيَانِ." ... بصوا له اتنين أو تلاتة، وقالوله: احنا معاك.
الخصيان، اللي كانوا بيخدموا في بيت ايزابل.
33فَقَالَ: «اطْرَحُوهَا». فَطَرَحُوهَا، فَسَالَ مِنْ دَمِهَا عَلَى الْحَائِطِ وَعَلَى الْخَيْلِ فَدَاسَهَا. ودمها بقي علي الحيطة.
"وَعَلَى الْخَيْلِ فَدَاسَهَا." ... ووقعت علي الخيل. وداس عليها.
طبعا نهايتها كانت نهاية سيئة جدا. موتة بشعة وصعبة. وده نتيجة كل الشر اللي عملته في حياتها.
34وَدَخَلَ وَأَكَلَ وَشَرِبَ ثُمَّ قَالَ: «افْتَقِدُوا هذِهِ الْمَلْعُونَةَ وَادْفِنُوهَا، لأَنَّهَا بِنْتُ مَلِكٍ». "وَدَخَلَ وَأَكَلَ وَشَرِبَ"... ياهو بن نِمشي عامة هو إنسان مش كويس. صحيح علي يده، ربنا تخلص من الشر. بتاع آخاب وعيلته. لكن كان ممكن يتخلص من الشر، بأسلوب أفضل من كده.
لكن كأنه كان بينتقم من عيلة آخاب. أكل وشرب الأول. وبعد كده:
"ثُمَّ قَالَ: افْتَقِدُوا هذِهِ الْمَلْعُونَةَ وَادْفِنُوهَا، لأَنَّهَا بِنْتُ مَلِكٍ." ... قالهم: شوفوها وادفنوها. لأنها بنت ملك.
ايزابل بنت ملك الصيدونيين. وده ملك أممي. بيعبد الأوثان. وآخاب اتجوزها.
35وَلَمَّا مَضَوْا لِيَدْفِنُوهَا، لَمْ يَجِدُوا مِنْهَا إِلاَّ الْجُمْجُمَةَ وَالرِّجْلَيْنِ وَكَفَّيِ الْيَدَيْنِ. ملقيوش منها غير الجمجمة والرجلين وكفين اليدين، فقط.36فَرَجَعُوا وَأَخْبَرُوهُ، فَقَالَ: «إِنَّهُ كَلاَمُ الرَّبِّ الَّذِي تَكَلَّمَ بِهِ عَنْ يَدِ عَبْدِهِ إِيلِيَّا التِّشْبِيِّ قَائِلاً: فِي حَقْلِ يَزْرَعِيلَ تَأْكُلُ الْكِلاَبُ لَحْمَ إِيزَابَلَ. "فَرَجَعُوا وَأَخْبَرُوهُ،"... راحوا بلغوا ياهو، كل اللي شافوه.
ربنا له المجد، كان وعد ايليا النبي: أن ده اللي هيحصل. بس موضوع أن ياهو، بغض النظر عن أن ايزابل انسانة مفترية وفي منتهي الشر. وكده كده، ده كان هيحصل فيها، كعقاب ليها.
لكن ياهو بن نِمشي: أتشفي فيها جدا. وأنتقم بزيادة. حتي طريقة كلامه والعنف اللي فيه، كان بزيادة أوي.
وهيبان كمان في الاصحاح الجاي: أد ايه هو إنسان شرير.
37وَتَكُونُ جُثَّةُ إِيزَابَلَ كَدِمْنَةٍ عَلَى وَجْهِ الْحَقْلِ فِي قِسْمِ يَزْرَعِيلَ حَتَّى لاَ يَقُولُوا: هذِهِ إِيزَابَلُ». "دِمْنَةٍ" ... يعني جثة مُتعفنة.
وبعد عشرات السنين، وأجيال متتالية. لكن تفضل كلمة ربنا له المجد، زي ما هي. لحد ما تتم بالظبط في ميعادها. والتوقيت اللي محدده ربنا.
ايزابل كانت شئ خطير جدا. حتي في اللحظات الأخيرة من حياتها.
لدرجة أنهم احتاروا، هي ليه كحلت عنيها وزينت نفسها. حتي بعد ما عرفت أن ابنها وحفيدها اتقتلوا. ديه كانت كبيرة في السن. تقريبا كانت في سن ال60 أو اكتر بحاجة بسيطة. وده احتمال من الاتنين:
- عملت كده لأنها كانت جميلة جدا. واعتقدت أنها بجمالها، ممكن تضحك علي ياهو. وتستحوذ عليه.
- أو عملت كده من شدة كبريائها. لأنها عارفة أن ديه لحظة موتها ونهايتها. فعاوزة تموت وهي في قمة شياكتها.
+ وبالنسبة للموقف: انهم رموها من الشباك. والكلاب أكلتها، ماعدا الجمجمة والايدين والرجلين. (التلاتة دول ليهم معني. مش مذكورين كده اعتباطا)
. شخصية ايزابل، رمز للشر المُجسم. يعني الشر لما بيأخد شكل إنسان. بيُمثل في صورة ايزابل. فهي رمز للشر. وده واضح في سفر الرؤيا 2: 18.
ربنا وراها نهاية زوجها آخاب. وإيليا النبي، كان بيبكتها وبيوبخها. علشان تتوب. لكنها حتى في لحظاتها الأخيرة، فضلت في عِنادها وقساوتها وانغمسها في الشر.
علشان كده كل إنسان بيسعي وراء الشر، هيكون مصيره: الدمار والخراب. هو هيتدمر وهيدمر اللي حواليه. حتي أولاده. علشان كده في سفر الرؤيا بيقول: أديتها زمان ليها ولأولادها، علشان تتوب. لكنهم متابوش.
+ ايزابل أًصلا زي ما اتفقنا، هي مش من شعب ربنا. مش من شعب إسرائيل.
لكن كانت من بيت صيدا. أبوها كان ملك علي الصيدونيين. وكان اسمه: أثبعل. ومعني اسمه: الذي يسير مع البعل. يعني ماشي خطوة بخطوة مع البعل. فهي أصلا عندها الأب، اللي كان ملك. وعايش في حياة الخطية. وهي عندها الجمال بتاعها. وآخاب تزوجها. وهي سيطرت عليه. وأول قرار هي أخدته، لما اتجوزت آخاب ملك إسرائيل. إنها تمحو القومية اليهودية، بتاعة اليهود. بمعني: أنها فرضت ديانتها وعبادة البعل علي شعب إسرائيل. وللأسف نجحت في كده.
علشان كده قتلت أنبياء ربنا. ووقتها كان في شخص اسمه عوبديا. وهو قدر يخبي 400 نبي من أنبياء الله. خباهم في مغارة وكان بيعولهم.
وبعد ما ايزابل قتلت أنبياء الله. جابت أنبياء البعل، وحطيتهم في كل مملكة إسرائيل. علشان تضمن أن المملكة والسيادة ليها هي.
فهي أخدت وورثت الشر من أبوها، ملك الصيدونيين. الشر ليه وقت يُباد وينتهي. لكنه بيسيب أثر.
التلات أجزاء اللي اتبقوا من جسم ايزابل 3 أثار خالدة أو علامات:
- الجمجمة: رمز للفكر. (الجمجمة فضلت. لأنها كانت بتحوي أفكار الشر. ومؤمرات الشر ضد ربنا وأولاده.)
اللي باقي من الشر، هو الفكر. أي إنسان شرير، بيفضل فكره الشرير مأثر في اللي حواليه.
ياما ناس أشرار انتهوا. لكن فكرهم مازال موجود. وتأثيره موجود.
- الايدين: رمز للعمل. (اليدين: الملوثة بدماء الأبرياء، الأنبياء. عبيد ربنا.)
عمل الشر قاعد وموجود. وتأثيره بيفضل موجود علي المحيطين. حتي بعد موته.
- الرجلين: رمز للسلوك. (الرجلين: اللي صارت في طريق عبادة الأصنام، طول حياتها.)
مازال ناس كتير، بيكونوا سالكين نفس طريق الشر، بتاع اللي قبلهم.
مازال ناس كتير: بيفكروا في نفس الشر. وبيعملوا نفس الشر. وسالكين في طريق شر اللي قبليهم.
نشوف جزء من النبوات:
بيوضح أن ربنا له المجد، مكانش مبسوط من اللي كان بيعمله ياهو بن نِمشي. وقاله: أنا بعتك، علشان تخلّص الناس من الأوثان وعبادة الأوثان. لكن قلبك كان بيتشفيّ بالجثث. وده مش عاجبني.
- هوشع 1: 4 – 5. هوشع النبي من الأنبياء الصغار. وكان عايش أيام: ياهو بن نِمشي، اللي اترشم ملك علي يد تلميذ أليشع النبي.
آية 4 و 5: "فقَالَ لَهُ الرَّبُّ: ادْعُ اسْمَهُ يَزْرَعِيلَ، لأَنَّنِي بَعْدَ قَلِيل أُعَاقِبُ بَيْتَ يَاهُو عَلَى دَمِ يَزْرَعِيلَ، وَأُبِيدُ مَمْلَكَةَ بَيْتِ إسرائيل." ... معناها: أن صبرت علي ياهو. صحيح هو عمل جزء، من اللي أنا كنت عاوزه. لكن قلبه شرير جدا.
ياهو مكانش بيحارب، حرب للرب. لكن حربه، علشان كان عاوز يتملك الحُكم. وبعد كده هنلاقيه: أنه بيعبد الأوثان.
وبالنسبة للدم اللي اتسفك، في يزرعيل. لما نقرأ في أول وهلة، نقول ما هو ربنا هو اللي تنبأ: أن دم آخاب وأولاده وكمان ايزابل، هيُسفك في يزرعيل... كون ربنا شايف أن ده هيحصل، وقال هيحصل. لكن ده مش معناه: أن ربنا هو اللي دفع ياهو، أنه ينتقم بالطريقة ديه.
علشان تبقي واضحة وتتفهم صح. لما ربنا قال هيجي وقت وهأتصلب فيه. هل معني كده أنه دفع يهوذا علشان يسلمه، التسليم البشع ده؟ .. أكيد لأ.
ربنا يسوع المسيح له المجد، كده كده كان هيتصلب. بيهوذا أو من غير يهوذا. لكن اللي عمل كده. دمه علي رأسه
فلما ربنا له المجد، قال عن طريق إيليا النبي، أن ده هيحصل لآخاب وأولاده وايزابل. فده اللي ربنا شايفه. وعارف أنه هيحصل. والعدل أنه يحصل، نتيجة شرهم البشع.
لكن اللي هيعمل كده، برده هيأخد جزائه. لأن التشفي وطريقة العنف ديه، مش مقبولة عند ربنا. وكمان مش مقبولة علي مدي الأجيال. ولا في أي وقت.
"وَيَكُونُ فِي ذلِكَ الْيَوْمِ أَنِّي أَكْسِرُ قَوْسَ إسرائيل فِي وَادِي يَزْرَعِيلَ" ... وده يوضح أن ربنا مش راضي عن أسلوب ياهو، اللي عمله.
⪢