⏭ 1كَانَ صِدْقِيَّا ابْنَ إِحْدَى وَعِشْرِينَ سَنَةً حِينَ مَلَكَ، وَمَلَكَ إِحْدَى عَشَرَةَ سَنَةً فِي أُورُشَلِيمَ، وَاسْمُ أُمِّهِ حَمِيطَلُ بِنْتُ إِرْمِيَا مِنْ لِبْنَةَ. أحداث سقوط أورشليم ذُكِرَت 4 مرات في العهد القديم. ذكرت في إرميا مرتين في إصحاح 39 وإصحاح 52، وذكرت في سفر الملوك الثاني إصحاح 25. وذكرت في سفر أخبار الأيام الثاني إصحاح 36، يعني 4 أماكن ذكرت فيها أحداث سقوط أورشليم. إرميا 39 وإرميا 52 وملوك التاني 25 وأخبار الأيام الثاني 36. ويقول المفسرين إن التطبيق الأكمل والأشمل لدعوة إرميا اللي كانت في الإصحاح الأولاني، لما ربنا قاله: اُنْظُرْ! قَدْ وَكَّلْتُكَ هذَا الْيَوْمَ عَلَى الشُّعُوبِ وَعَلَى الْمَمَالِكِ، لِتَقْلَعَ وَتَهْدِمَ وَتُهْلِكَ وَتَنْقُضَ. (إر 1: 10). الـ 4 أفعال دي مفيش أكمل من كده في تحقيقها في إرميا 39 و52 وده اللي حصل وشوفنا سقوط أورشليم.
ويمكن ده بيفكرنا باللي ربنا قاله في سفر صموئيل الأول 3 لما كان بيتكلم على بيت عالي الكاهن. بصوا ربنا بيقول إيه في صموئيل الأول 3: 14،
"وَلِذلِكَ أَقْسَمْتُ لِبَيْتِ عَالِي أَنَّهُ لاَ يُكَفَّرُ عَنْ شَرِّ بَيْتِ عَالِي بِذَبِيحَةٍ أَوْ بِتَقْدِمَةٍ إِلَى الأَبَدِ»." (1 صم 3: 14).
يعني ربنا في إصحاح 39 و52 تمم كلامه لما الناس مرجعتش وتابت، وشوفنا أحداث خراب أورشليم وخراب الهيكل، وكانت أحداث مأساوية جدًا، لإن الشعب مسمعش ومرجعش.
أشعياء النبي تنبأ عن سقوط أورشليم في سفر الملوك الثاني 20. كان في ملك اسمه حزقيا، في سفر الملوك الثاني إصحاح 20 من أول آية 12. حزقيا جاله رسل من بابل فحب بقى يتمنظر قدامهم وبيوريهم الخيرات بتاعته والقصور والممتلكات. شوفوا اللي حصل إيه،
"فِي ذلِكَ الزَّمَانِ أَرْسَلَ بَرُودَخُ بَلاَدَانُ بْنُ بَلاَدَانَ مَلِكُ بَابِلَ رَسَائِلَ وَهَدِيَّةً إِلَى حَزَقِيَّا، لأَنَّهُ سَمِعَ أَنَّ حَزَقِيَّا قَدْ مَرِضَ. فَسَمِعَ لَهُمْ حَزَقِيَّا وَأَرَاهُمْ كُلَّ بَيْتِ ذَخَائِرِهِ، وَالْفِضَّةَ وَالذَّهَبَ وَالأَطْيَابَ وَالزَّيْتَ الطَّيِّبَ، وَكُلَّ بَيْتِ أَسْلِحَتِهِ وَكُلَّ مَا وُجِدَ فِي خَزَائِنِهِ. لَمْ يَكُنْ شَيْءٌ لَمْ يُرِهِمْ إِيَّاهُ حَزَقِيَّا فِي بَيْتِهِ وَفِي كُلِّ سَلْطَنَتِهِ." (2 مل 20: 12-13).
ملك بابل بعت وفود إلى حزقيا بيهنوه عشان خف، فراح حزقيا قالهم: تعالوا أوريكم بقى الممتلكات بتاعتي.
"فَجَاءَ إِشَعْيَا النَّبِيُّ إِلَى الْمَلِكِ حَزَقِيَّا وَقَالَ لَهُ: «مَاذَا قَالَ هؤُلاَءِ الرِّجَالُ؟ وَمِنْ أَيْنَ جَاءُوا إِلَيْكَ؟» فَقَالَ حَزَقِيَّا: «جَاءُوا مِنْ أَرْضٍ بَعِيدَةٍ، مِنْ بَابِلَ» فَقَالَ: «مَاذَا رَأَوْا فِي بَيْتِكَ؟» فَقَالَ حَزَقِيَّا: «رَأَوْا كُلَّ مَا فِي بَيْتِي. لَيْسَ فِي خَزَائِنِي شَيْءٌ لَمْ أُرِهِمْ إِيَّاهُ». فَقَالَ إِشَعْيَا لِحَزَقِيَّا: «اسْمَعْ قَوْلَ الرَّبِّ: هُوَذَا تَأْتِي أَيَّامٌ يُحْمَلُ فِيهَا كُلُّ مَا فِي بَيْتِكَ، وَمَا ذَخَرَهُ آبَاؤُكَ إِلَى هذَا الْيَوْمِ إِلَى بَابِلَ. لاَ يُتْرَكُ شَيْءٌ، يَقُولُ الرَّبُّ. وَيُؤْخَذُ مِنْ بَنِيكَ الَّذِينَ يَخْرُجُونَ مِنْكَ، الَّذِينَ تَلِدُهُمْ، فَيَكُونُونَ خِصْيَانًا فِي قَصْرِ مَلِكِ بَابِلَ»." (2 مل 20: 14-18).
يعني بعد ما حزقيا ورّا الوفود بتاعة ملك بابل كل الخيرات بتاعته، جاله أشعياء وقاله: كل دا هيتاخد على بابل، وهياخدوه هناك. وكانت نبوة عن سقوط أورشليم وخراب أورشليم وكل السبي اللي عملوه البابليين وخدوه إلى بابل.
بصوا، حملات نبوخذنصر على أورشليم كانت على مدار تقريبًا 20 سنة وكانوا 3 حملات كبار. الحملة الأولى سنة 605 ق. م. اتاخد فيها دانيال النبي والـ 3 فتية. ودي كانت في السنة الـ 4 ليهوياقيم، الملك الـ 18. يبقى أول حملة 605، خدوا فيها دانيال والـ 3 فتية، وكانت في الـ 4 ليهوياقيم الملك الـ 18. الحملة التانية بقى كان سنة 597 ق. م. وخدوا فيها يهوياكين الملك لم أستسلم، وخدوا حزقيال ومردخاي ابن عم أستير، وخدوا الأدوات الذهبية بتاعة الهيكل، كل الذهب والفضة بتاعة الهيكل، الكلام ده تلاقوه في إرميا 27 وملوك الثاني 24: 13، لما اتكلم عن الآنية اللي اتاخدت. والكلام ده كان في بداية ملك يهوياكين لأنه مقعدش غير 3 شهور وأستسلم فخدوه.
الحملة التالتة كبيرة بقى اللي خربوا فيها أورشليم كانت في يوليو 587 ق. م. خدوا صدقيا وخدوا الرؤساء، وهنشوف إصحاح 52 إنهم خدوا كل أواني النحاس المتبقية في الهيكل. هم عملوا في الـ 10 سنين دول أواني تانية للهيكل بدل الفضة والذهب اللي اتاخدت، هم راحوا خدوا كل ده، كانوا أواني نحاس. دول الـ 3 حملات كبار اللي تموا على مدار 20 سنة من بابل على أورشليم.
تلاقوا يُذكر في الإصحاح ده 3 ترحيلات كبار. إصحاح النهاردة إذا مكنش واحد مهتم بالدراسة هيبقى الموضوع بالنسبة له يعني مش ممتع أوي. الترحيلات الـ 3 اللي موجودة في إرميا 52 وملوك التاني 24. الترحيل الأول اللي هو يوازي الحملة التانية اللي كانت سنة 597 أو 98 ق. م. ويتقال عنها في السنة الـ 7 لنبوخذنصر، واتقال هنا اتاخد حوالي 3023 من الشعب. في مكان تاني في سفر الملوك 24، أتقال اتاخد 18,000. هنشوف إن في اختلافات ما بين الإصحاح 52، وما بين ملوك التاني. يبقى ده الترحيل الأول كان في السنة الـ 7 لنبوخذنصر 597 أو 598 ق. م. اترحل فيه - على حسب اللي مكتوب في إرميا 52 - 3023 واحد، وعلى حسب سفر الملوك الثاني حوالي 18 ألف.
الترحيل التاني يوازي الحملة التالتة الكبيرة اللي دُمِّرت فيها أورشليم، يُقال اتاخد فيها بحسب إرميا 52 حوالي 832 واحد، كانت في السنة الـ 18 لنبوخذنصر اللي هي في يوليو 587 ق. م. اللي هي دمرت فيها أورشليم. الترحيل التالت كان بعد شوية كدة بعد كام سنة من الخراب النهائي لأورشليم، بعد ما كانوا هم عينوا الي اسمه جدليا وقاموا عليه بثورة اليهود وقتلوه، فراحوا جم تاني البابليين وعشان يخمد الثورة دي وميخليهمش يقوم ليهم قومة تاني خدوا برضه حبة معاهم كانوا حوالي زي ما ذُكر هنا 745، والكلام ده كان سنة 582 ق. م. يعني بعد خراب أورشليم بـ 3 أو 4 سنين ولا حاجة.
مجموع اللي اتذكروا هنا في إرميا 52 حوالي 4600. هقولكم بقى عشان الناس اللي بتنقض الكتاب المقدس بيقولوا في اختلافات ما بين إرميا 52 وسفر الملوك التاني 24 و25. أول اختلاف في عدد المسبيّين، نلاقي هنا في الترحيل الأولاني 3023، وسفر الملوك يقول لك 18 ألف. إيه بقى الاختلاف ده وجاي منين؟ اتقالت فيها أراء، الرأي الأولاني يقولك الأسرى اللي خرجوا من أورشليم كانوا عددهم آه يمكن 18 ألف بس على ما وصلوا إلى بابل بعد التعذيب والبهدلة والقتل وعملوا فيهم العمايل، كان عددهم حوالي 3000 وشوية، فكل دول يُقال إنهم ماتوا في السكة. رأي تاني يقول: لا، السبي اللي بيذكر، بيذكر من مناطق جغرافية مختلفة، مرة يذكر من اليهود أو من أورشليم ومرة يُذكر من مناطق أخرى، فممكن يكون كل عدد بتاع منطقة. ناس تاني قالوا: لا، ده بيتحدث كل عدد عن سبي مختلف. رأي رابع بيقول: يمكن إرميا بيذكر عدد الذكور اللي راحوا إلى السبي. بغض النظر، إحنا بنتكلم عن فترة كانت في منتهى الفوضى، 20 سنة نبوخذنصر عمال ييجي ويهاجم ويموت ويسبي ويودي لبابل فطبعًا وارد جدًا إن الأعداد تتاخد من كذا منظور، فمش هتبقى مشكلة كبيرة.
لو خدتوا بلكم معايا كده وفتحتوا إصحاح 52 من أول آية 24. بصوا كده معايا يقول إيه،
واتحط كدة عشان يبقى مقدمة للمراثي، عشان ده خراب أورشليم وبعد كده نخش في المراثي، فيبقى الموضوع ماشي بالتسلسل يعني.
الهيكل خُرِّب في الحملة الأخيرة، لنبوخذنصر دي بعد ما كان قائم أكتر من 400 سنة، 424 سنة و3 شهو و8 أيام. وبعد العظمة دي كلها جه نبوخذنصر وخربه على الآخر. وعشان كده اليهود كانوا في السبي يُذكر في سفر زكريا 8 إنهم كانوا بيصوموا صومين، صوم تذكار لحرق الهيكل، والصوم التاني تذكار لاغتيال جدليا. يعني اليهود وهم في السبي كانوا بيصوموا صومين، واحد تذكار للحرق الهيكل، والتاني تذكار لاغتيال جدليا بعد حرق الهيكل بـ 4 سنين ولا حاجة. إحنا قلنا إن لغاية دلوقتي في يوم حزن اليهود بيعملوا في آخر شهر يوليو كل سنة، شوفوا بقالهم كام سنة دلوقتي 2000 وشوية و500 ولا 600 بيعملوا يوم حزن تذكارًا لدمار الهيكل.
ومع هذا، بالرغم إن الإصحاح صعب جدًا، لكن في إشارتين للرجاء، الإشارة الأولانية إن في ناس نجت وراحت السبي ومش كله مات ومش كله اتقتل، فالبقية دي اللي ربنا قال عليها: التين الجيد. شوفناها قبل كده في إرميا، قالهم: ده التين الجيد، دول اللي هيرجعوا تاني إلى أورشليم. والإشارة التانية رفع رأس يهوياكين، دي كانت بالنسبة لليهود في السبي إشارة من ربنا كده إني هخلصكم وأفتقدكم وأرجعكم. بعد 37 سنة ربنا افتقد يهوياكين ورفع رأسه وقاله: نطلعك من السجن. يعني في رجاء، مهما كانت الدنيا ضلمة جدًا، لكن هناك أمل إن النور هييجي، وإن ربنا سيجلب الخير. شوفوا كمان بيقول إيه، يقولك إن في بقية في الأرض هنا استبقوها البابليين وأدوها الأرض، شوفناها في إصحاح 39، وأدي هتتقال برضه هنا تاني. الكلام ده برضه قاله صفنيا في صفنيا 3: 12. يقول،
"وَأُبْقِي فِي وَسَطِكِ شَعْبًا بَائِسًا وَمِسْكِينًا، فَيَتَوَكَّلُونَ عَلَى اسْمِ الرَّبِّ." (صف 3: 12).
صفنيا قالها، قال إن هيبقى في شعب بائس مسكين يبقى في الأرض.
هتلاقوا في الإصحاح ده الكاتب سواء عزرا أو غيره، عمال يذكر الحاجات اللي اتاخدت، وذكر بالتفصيل عمودين كانوا موجودين في الهيكل، حطهم سليمان. والعمودين دول، يعني لو كأن انتم مثلاً داخلين من باب الهيكل من برا خالص وتخشوا جوا شوية على المرحضة والمذبح وبعد كده يبتدي الهيكل، كأنهم عمودين هنا على الباب بتاع الهيكل، واحد يمين وواحد شمال. العمودين دول كانوا مهمين جدًا في الهيكل وكان ليهم اسمين ياكين وبوعز. سليمان عمل العمودين دول وسماهم ياكين وبوعز. ياكين يعني الله يثبت أو يؤسس، بوعز يعني به قوة أو بـ عز يعني. سريعة. فكان العمودين في منتهى الفخامة والجمال والمجد وحاجة كبيرة أوي. العمود الواحد كان عبارة عن 3 حاجات، قاعدة، والقاعدة دي كانت حوالي 8 ذراع يمكن 4 متر. وبعد كده العمود نفسه 18 زرع حوالي 9 متر، وبعد كدة التاج، التاج ده بقى حاجة آخر فخامة معمول على قسمين، قسم سفلي وقسم علوي، القسم السفلي 5 ذراع والقسم العلوي 4 ذراع. حد يعرف كدة طول العمود من القاعدة للآخر كام؟ القاعدة 8 ذراع، وبعد كده العمود 18، والتاج جزئين، الجزء السفلي 8 أذرع والجزء العلوي 4. يبقى المجموع 35. يعني أكبر عملاق ذكر في كتاب المقدس سواء جليات أو حتى السرير بتاع عوج ملك باشان اللي جه في سفر التثنية، جليات كان 6 أذرع والسرير بتاع عوج ملك باشان كان 9 أذرع. أكبر يعني عملاق وجد في الكتاب لما يقف قدام العمودين دول يبقى ولا حاجة.
هنا بيوصفهم بالتفصيل ويقولوا إن البابليين جم وراحوا هادينهم وخدوا النحاس ده كله، لأنهم كانوا معمولين من النحاس. واخدين بالكم، لإن ولا بقى في قوة، بوعز، ويهوه الذي أسس هذا البيت قد غادره. مش مجد الرب غادر الهيكل؟ فبوعز وياكين خلاص، ولا في بوعز ولا في ياكين، وهدت الأعمدة دي وأخذت كنحاس إلى ملك بابل.
بصوا عشان في حتة ذكرت هنا، يمكن لو قريتوها مش هنعرفها بسهولة. الحتة اللي فوق التاج دي كان فيها زي رمانات، بس رمانات محطوطة ازاي؟ كأنهم على ترابيزة مربعة وكل 24 في زاوية من الـ 4 زوايا بتوع الترابيزة. وعشان يقفل بيهم بيحط رمانة في الـ زوايا يبقوا 100، وكل عمود فيه الحكاية دي مرتين، يعني كل عمود في 100 من دول و100 تاني، يبقوا 200 و200 يعني 400 رمانة، وده اللي هنقراه هنا كدة عشان نبقى فاهمين بس الموضوع فيه إيه.
كَانَ صِدْقِيَّا ابْنَ إِحْدَى وَعِشْرِينَ سَنَةً حِينَ مَلَكَ، وَمَلَكَ إِحْدَى عَشَرَةَ سَنَةً فِي أُورُشَلِيمَ، وَاسْمُ أُمِّهِ حَمِيطَلُ بِنْتُ إِرْمِيَا مِنْ لِبْنَةَ.
حَمِيطَلُ يعني المفروض الندى الدافي بس هي كانت ست شريرة الحقيقة، هي كانت زوجة ليوشيا وأم يهوآحاز وصدقيا. أخوهم التالت يهوياقيم كان أخ من الأب بس لكن ليه أم تانية. ودول الـ 3 اللي ملكوا بعد يوشيا، يوشيا كان الـ 16 وجه بعديه يهوآحاز لمدة 3 شهور وراح على مصر، بعد كدة يهوياقيم وبعديه ابنه يهوياكين، وبعد يهوياكين أخوهم اللي هو صدقيا ده.
2وَعَمِلَ الشَّرَّ فِي عَيْنَيِ الرَّبِّ حَسَبَ كُلِّ مَا عَمِلَ يَهُويَاقِيمُ. لما يتذكر الأم ويقولك عمل الشر في عيني الرب، نعرف أن الكتاب بيربط ما بين الأم وعمل الشر. الأم مكانتش كويسة، ودي اتذكرت كتير في ملوك يهوذا، مكانتش عارفة تربي ولادها كويس.3لأَنَّهُ لأَجْلِ غَضَبِ الرَّبِّ عَلَى أُورُشَلِيمَ وَيَهُوذَا حَتَى طَرَحَهُمْ مِنْ أَمَامِ وَجْهِهِ، كَانَ أَنَّ صِدْقِيَّا تَمَرَّدَ عَلَى مَلِكِ بَابِلَ. عمل وعد مع ملك بابل ونقض الوعد. 4وَفِي السَّنَةِ التَّاسِعَةِ لِمُلْكِهِ، فِي الشَّهْرِ الْعَاشِرِ، فِي عَاشِرِ الشَّهْرِ، جَاءَ نَبُوخَذْرَاصَّرُ مَلِكُ بَابِلَ هُوَ وَكُلُّ جَيْشِهِ عَلَى أُورُشَلِيمَ وَنَزَلُوا عَلَيْهَا وَبَنَوْا عَلَيْهَا أَبْرَاجًا حَوَالَيْهَا. ده الحصار النهائي، لما جه المصريين ساعدوهم شوية، وبعد كدة البابليين سابوا الحصار، وبعد كدة رجعوا تاني لغاية ما خربوا الدنيا.5فَدَخَلَتِ الْمَدِينَةُ فِي الْحِصَارِ إِلَى السَّنَةِ الْحَادِيَةِ عَشَرَةَ لِلْمَلِكِ صِدْقِيَّا. الحصار النهائي ده كان 18 شهر، لغاية ما بقت مجاعة فظيعة جدًا داخل أورشليم. 6فِي الشَّهْرِ الرَّابعِ، فِي تَاسِعِ الشَّهْرِ اشْتَدَّ الْجُوعُ فِي الْمَدِينَةِ، وَلَمْ يَكُنْ خُبْزٌ لِشَعْبِ الأَرْضِ. 7فَثُغِرَتِ الْمَدِينَةُ وَهَرَبَ كُلُّ رِجَالِ الْقِتَالِ، وَخَرَجُوا مِنَ الْمَدِينَةِ لَيْلاً فِي طَرِيقِ الْبَابِ بَيْنَ السُّورَيْنِ اللَّذَيْنِ عِنْدَ جَنَّةِ الْمَلِكِ، وَالْكَلْدَانِيُّونَ عِنْدَ الْمَدِينَةِ حَوَالَيْهَا، فَذَهَبُوا فِي طَرِيقِ الْبَرِّيَّةِ. 8فَتَبِعَتْ جُيُوشُ الْكَلْدَانِيِّينَ الْمَلِكَ، فَأَدْرَكُوا صِدْقِيَّا فِي بَرِّيَّةِ أَرِيحَا، وَتَفَرَّقَ كُلُّ جَيْشِهِ عَنْهُ. صدقيا كان عايز يهرب بس في الآخر مسكوه. 9فَأَخَذُوا الْمَلِكَ وَأَصْعَدُوهُ إِلَى مَلِكِ بَابِلَ إِلَى رَبْلَةَ فِي أَرْضِ حَمَاةَ، فَكَلَّمَهُ بِالْقَضَاءِ عَلَيْهِ. نبوخذنصر معسكر في الشمال شوية عشان يمنع الإمدادات عن أورشليم، هم مسكوا صدقيا وراحوا واخدينه على نبوخذنصر. 10فَقَتَلَ مَلِكُ بَابِلَ بَنِي صِدْقِيَّا أَمَامَ عَيْنَيْهِ، وَقَتَلَ أَيْضًا كُلَّ رُؤَسَاءِ يَهُوذَا فِي رَبْلَةَ، 11وَأَعْمَى عَيْنَيْ صِدْقِيَّا، وَقَيَّدَهُ بِسِلْسِلَتَيْنِ مِنْ نُحَاسٍ، وَجَاءَ بِهِ مَلِكُ بَابِلَ إِلَى بَابِلَ، وَجَعَلَهُ فِي السِّجْنِ إِلَى يَوْمِ وَفَاتِهِ. راح صدقيا إلى بابل ودخل السجن مع يهوياكين، ما هو يهوياكين كان قبليه في السجن. في التقليد اليهودي يقولك إن يهوياكين فضل يعلم صدقيا شريعة الرب عشان يبكته على خطاياه. وبيقولوا يعني هناك ممكن يكون صدقيا قدم توبة. لكن بعد 37 سنة يهوياكين طلع، لكن لم نسمع إن صدقيا طلع فيبقى مات في السجن. 12وَفِي الشَّهْرِ الْخَامِسِ، فِي عَاشِرِ الشَّهْرِ، وَهِيَ السَّنَةُ التَّاسِعَةُ عَشَرَةَ لِلْمَلِكِ نَبُوخَذْرَاصَّرَ مَلِكِ بَابِلَ، جَاءَ نَبُوزَرَادَانُ رَئِيسُ الشُّرَطِ، الَّذِي كَانَ يَقِفُ أَمَامَ مَلِكِ بَابِلَ إِلَى أُورُشَلِيمَ، ساعات تلاقوا في فرق فيقولك في السنة الـ 19 ومرة يقولك في السنة الـ 18. إرميا كان بيحسب على حسب حسابات البابليين، بداية السنة يبقى البابليين مكانوش يحسبوها، يعني لو ابتدينا السنة دي بعد شهرين يقولك لا خلاص نحسب من السنة الجاية إنما اليهود كانوا يحسبوها، كسر السنة يحسبوه، البابليين كسر السنة مكنوش يحسبوه، عشان لما تلاقوا الفرق ده متتخضوش.13وَأَحْرَقَ بَيْتَ الرَّبِّ، وَبَيْتَ الْمَلِكِ، وَكُلَّ بُيُوتِ أُورُشَلِيمَ، وَكُلَّ بُيُوتِ الْعُظَمَاءِ، أَحْرَقَهَا بِالنَّارِ. ده اللي قاله لهم حبقوق في حبقوق 2. شوف بيقول إيه: "وَيْلٌ لِلْبَانِي مَدِينَةً بِالدِّمَاءِ، وَلِلْمُؤَسِّسِ قَرْيَةً بِالإِثْمِ!" (حب 2: 12).
كانوا عمالين يبنوا في أورشليم، وكنا عرفنا قبل كده إن بناء القصور دي وبناء البيوت الفخمة دي كان بيبقى على حساب الفقراء، يعني يمصوا دم الفقراء عشان يبنوا لنفسهم بيوت وقصور.
عمال يبني في البيت بتاعه وفي القصر بتاعه ويجمل والديكورات والأساس والفخامة. وأتاريه مش عارف أَنَّ الشُّعُوبَ يَتْعَبُونَ لِلنَّارِ، أنت عمال تتعب وتجهز: عشان النار تيجي تاكله. ليه؟ لأنه مبنى بالإثم وبالظلم. لدرجة إن حبقوق قالهم،
سليمان قعد يبني في الهيكل 7 سنين. وهقولكم حاجة تتعجبوا منها، قعد يبني في قصره 13 سنة. وهو مش عارف إن هيجيله ولاد يضيعوا كل التعب ده هباءًا، جه واحد ورا التاني ورا التالت لغاية ما انتهت بصدقيا، جم البابليين وراحوا حارقين كل القصور بتاعته دي. نحذر من الظلم.
14وَكُلَّ أَسْوَارِ أُورُشَلِيمَ مُسْتَدِيرًا هَدَمَهَا كُلُّ جَيْشِ الْكَلْدَانِيِّينَ الَّذِي مَعَ رَئِيسِ الشُّرَطِ. 15وَسَبَى نَبُوزَرَادَانُ، رَئِيسُ الشُّرَطِ، بَعْضًا مِنْ فُقَرَاءِ الشَّعْبِ، وَبَقِيَّةَ الشَّعْبِ الَّذِينَ بَقُوا فِي الْمَدِينَةِ، وَالْهَارِبِينَ الَّذِينَ سَقَطُوا إِلَى مَلِكِ بَابِلَ، وَبَقِيَّةَ الْجُمْهُورِ. 16وَلكِنَّ نَبُوزَرَادَانَ، رَئِيسَ الشُّرَطِ، أَبْقَى مِنْ مَسَاكِينِ الأَرْضِ كَرَّامِينَ وَفَلاَّحِينَ. 17وَكَسَّرَ الْكَلْدَانِيُّونَ أَعْمِدَةَ النُّحَاسِ الَّتِي لِبَيْتِ الرَّبِّ، وَالْقَوَاعِدَ وَبَحْرَ النُّحَاسِ الَّذِي فِي بَيْتِ الرَّبِّ، وَحَمَلُوا كُلَّ نُحَاسِهَا إِلَى بَابِلَ. وهد "نبوزرادان" أسوار أورشليم عن طريق: رجال الجيش، علشان تفقد أورشليم حصانتها وحمايتها فلا تقاوم بابل.
اختار نبوزرادان كل من شافه صاحب نشاط أو قوة أو شخصية متميزة من فقراء الشعب، و الذين أرادوا تسليم أنفسهم لبابل أخذهم جميعًا سبايا لبابل، وأبقى في أورشليم وما حولها مجموعة من المساكين كمزارعين في الأرض ويحفظوها. وملهومش قوة انهم يعملوا اي ثورة ضد بابل.
كسر كل اللي اتبقي في هيكل الرب من: المشغولات النحاسية، والتي أهمها عمودي النحاس والبحر النحاسي الذي كان يغتسل فيه الكهنة وكذلك قواعد الأعمدة.
18وَأَخَذُوا الْقُدُورَ وَالرُّفُوشَ وَالْمَقَاصَّ وَالْمَنَاضِحَ وَالصُّحُونَ وَكُلَّ آنِيَةِ النُّحَاسِ الَّتِي كَانُوا يَخْدِمُونَ بِهَا. 19وَأَخَذَ رَئِيسُ الشُّرَطِ الطُّسُوسَ وَالْمَجَامِرَ وَالْمَنَاضِحَ وَالْقُدُورَ وَالْمَنَايِرَ وَالصُّحُونَ وَالأَقْدَاحَ، مَا كَانَ مِنْ ذَهَبٍ فَالذَّهَبَ، وَمَا كَانَ مِنْ فِضَّةٍ فَالْفِضَّةَ. بيقول باستفاضة الأواني النحاسية اللي كانت موجودة في الهيكل وخدوها. "الطسوس" ... يعني الأحواض أو الطشت، كانوا يجمعوا فيها الدم، ودي كانت على مقاسات. مرة تانية سميها "المناضح". ومرة سماه المراكن. يبقى طسوس أو مراكن أو مناضح، كلهم زي الأحواض أو الطشوت كده بتاعة زمان عشان يستقبلوا فيها الدم.
"المجامر" ... دي عشان يحطوا الجمر عشان اشتعال الذبيحة. "القدور" ... دي زي حلل صغيرة كده من النحاس، يشيلوا فيها الرماد. "الرفوش" ... يعني الجاروف، لازم يستخدموا برضه جاروف عشان يشيلوا ويحطوا. "المناير" ... يعني اللي موجودة برضه في الهيكل للإنارة. "المقاص " ... يعني السكاكين وما شابه. "الصحون"... وساعات تتقال الأكواب أو الأطباق عشان برضه بتستخدم. "الأقداح" ... برضه زي الكؤوس أو ما شابه يعني أو الأطباق الصغيرة. كل ده اتاخد.
20وَالْعَمُودَيْنِ وَالْبَحْرَ الْوَاحِدَ، وَالاثْنَيْ عَشَرَ ثَوْرًا مِنْ نُحَاسٍ الَّتِي تَحْتَ الْقَوَاعِدِ، الَّتِي عَمِلَهَا الْمَلِكُ سُلَيْمَانُ لِبَيْتِ الرَّبِّ. لَمْ يَكُنْ وَزْنٌ لِنُحَاسِ كُلِّ هذِهِ الأَدَوَاتِ. 21أَمَّا الْعَمُودَانِ فَكَانَ طُولُ الْعَمُودِ الْوَاحِدِ ثَمَانِيَ عَشَرَةَ ذِرَاعًا، وَخَيْطٌ اثْنَتَا عَشَرَةَ ذِرَاعًا يُحِيطُ بِهِ، وَغِلَظُهُ أَرْبَعُ أَصَابِعَ، وَهُوَ أَجْوَفُ. وبعدين هيتكلم عن العمودين.
يعني محطيه 12 ذراع، يمكن حوالي 6 متر ونص. سمكه 4 أًصابع يعن حوالي 6 سنتي.
22وَعَلَيْهِ تَاجٌ مِنْ نُحَاسٍ، ارْتِفَاعُ التَّاجِ الْوَاحِدِ خَمْسُ أَذْرُعٍ. وَعَلَى التَّاجِ حَوَالَيْهِ شَبَكَةٌ وَرُمَّانَاتُ، الْكُلِّ مِنْ نُحَاسٍ. وَمِثْلُ ذلِكَ لِلْعَمُودِ الثَّانِي، وَالرُّمَّانَاتِ. 23وَكَانَتِ الرُّمَّانَاتُ سِتًّا وَتِسْعِينَ لِلْجَانِبِ. كُلُّ الرُّمَّانَاتِ مِئَةٌ عَلَى الشَّبَكَةِ حَوَالَيْهَا. يوضح في الآيات ديه: الكميات الضخمة من النحاس التي أخذها نبوزرادان من الهيكل سواء الموجودة في الأعمدة وقواعدها أو البحر وقواعده المصنوعة على شكل ثيران. ومقاسات العمود النحاسي. والتاج اللي على العمود، وعلى التاج شبكة ورمانات عددها مائة. كل ده مصنوع من النحاس الخالص فكان وزن النحاس ضخم جدًا.24وَأَخَذَ رَئِيسُ الشُّرَطِ سَرَايَا الْكَاهِنَ الأَوَّلَ، وَصَفَنْيَا الْكَاهِنَ الثَّانِي وَحَارِسِي الْبَابِ الثَّلاَثَةَ. يبقى دول كام كاهن كده اتاخدوا؟ 5، الكاهن الأول والكاهن التاني، و3 حراس الباب، أدي الـ 5. 25وَأَخَذَ مِنَ الْمَدِينَةِ خَصِيًّا وَاحِدًا كَانَ وَكِيلاً عَلَى رِجَالِ الْحَرْبِ، وَسَبْعَةَ رِجَال مِنَ الَّذِينَ يَنْظُرُونَ وَجْهَ الْمَلِكِ، الَّذِينَ وُجِدُوا فِي الْمَدِينَةِ، وَكَاتِبَ رَئِيسِ الْجُنْدِ الَّذِي كَانَ يَجْمَعُ شَعْبَ الأَرْضِ لِلتَّجَنُّدِ، وَسِتِّينَ رَجُلاً مِنْ شَعْبِ الأَرْضِ، الَّذِينَ وُجِدُوا فِي وَسْطِ الْمَدِينَةِ. "الخصي" ... ده يُقال أن وظيفته زي وزير الدفاع يعني، كان وكيلاً على رجال الحرب، مسؤول عن الجيش. وخد سبعة من المُشيرين. "وَكَاتِبَ رَئِيسِ الْجُنْدِ الَّذِي كَانَ يَجْمَعُ شَعْبَ الأَرْضِ لِلتَّجَنُّدِ." ... لما كانوا يجندوا حد يروحوا عند الراجل ده عشان يكتب اسمائهم، اسمه كاتب رئيس الجند. "وَسِتِّينَ رَجُلًا مِنْ شَعْبِ الأَرْضِ، الَّذِينَ وُجِدُوا فِي وَسْطِ الْمَدِينَةِ." ... حد يقدر يقولي عدد اللي اتاخدوا دول كام؟ العدد على حسب ده كده 74 واحد. لكن هنا لو خدتوا بالكم بيقولك: "وَسَبْعَةَ رِجَال مِنَ الَّذِينَ يَنْظُرُونَ وَجْهَ الْمَلِكِ." ... 7 مُشيرين. في سفر الملوك الثاني 25: 19 يقولك: خمسة. فاللي بينقضوا الكتاب يقولك مره يقولك 5 ومره 7 هم 7 ولا 5؟ يُقال إن الـ 7 اللي قبض عليهم كان منهم اتنين أُطلق سراحهم، إرميا وعبد ملك. إحنا شوفنا أن إرميا أُطلق سراحه وعبد ملك أطلق سراحه برضه. لكن الـ 5 اللي اتاخدوا دول كده اتاخدوا، يبقوا كام دلوقتي بعد ما نشيل 2؟ عددهم يبقى 72. فيقولك المفسرين: ليكون الإجمالي 72 مثل عدد شيوخ بني إسرائيل. اللي اتذكروا في سفر العدد 11، 72 شيخ. فده من ضمن الاختلافات اللي حصلت. ربلة.26أَخَذَهُمْ نَبُوزَرَادَانُ رَئِيسُ الشُّرَطِ، وَسَارَ بِهِمْ إِلَى مَلِكِ بَابِلَ، إِلَى رَبْلَةَ، 27فَضَرَبَهُمْ مَلِكُ بَابِلَ وَقَتَلَهُمْ فِي رَبْلَةَ فِي أَرْضِ حَمَاةَ. فَسُبِيَ يَهُوذَا مِنْ أَرْضِهِ. خد الـ 72 واحد دول وراح مموتهم، وخدوهم لنبوخذنصر وقتلهم في ربلة. يقولك إيه كمان؟ شوفوا معايا في آية 31 كدة،28هذَا هُوَ الشَّعْبُ الَّذِي سَبَاهُ نَبُوخَذْرَاصَّرُ فِي السَّنَةِ السَّابِعَةِ: مِنَ الْيَهُودِ ثَلاَثَةُ آلاَفٍ وَثَلاَثَةٌ وَعِشْرُونَ. 3023 واحد ، اللي اتذكرت في سفر ملوك الثاني 18 ألف.29وَفِي السَّنَةِ الثَّامِنَةِ عَشَرَةَ لِنَبُوخَذْرَاصَّرَ سُبِيَ مِنْ أُورُشَلِيمَ ثَمَانُ مِئَةٍ وَاثْنَانِ وَثَلاَثُونَ نَفْسًا. 30فِي السَّنَةِ الثَّالِثَةِ وَالْعِشْرِينَ لِنَبُوخَذْرَاصَّرَ، سَبَى نَبُوزَرَادَانُ رَئِيسُ الشُّرَطِ مِنَ الْيَهُودِ سَبْعَ مِئَةٍ وَخَمْسًا وَأَرْبَعِينَ نَفْسًا. جُمْلَةُ النُّفُوسِ أَرْبَعَةُ آلاَفٍ وَسِتُّ مِئَةٍ. وبعدين يختم بالإشارة اللي فيها رجاء، لما خرجوا يهوياكين.31وَفِي السَّنَةِ السَّابِعَةِ وَالثَّلاَثِينَ لِسَبْيِ يَهُويَاكِينَ، فِي الشَّهْرِ الثَّانِي عَشَرَ، فِي الْخَامِسِ وَالْعِشْرِينَ مِنَ الشَّهْرِ، رَفَعَ أَوِيلُ مَرُودَخُ مَلِكُ بَابِلَ، فِي سَنَةِ تَمَلُّكِهِ، رَأْسَ يَهُويَاكِينَ مَلِكِ يَهُوذَا، وَأَخْرَجَهُ مِنَ السِّجْنِ. في ال25 من الشهر، في مرة تاني في سفر الملوك التاني 25: 27 يقولك: لا، ده في الـ 27. يعني هو في الـ 25 من الشهر ولا في ال 27 من الشهر؟ هم أطلقوا سراحه في الـ ،25 ولما قدموه لنبوخذنصر كان في الـ 27. يعني يومين على ما خدوه لنبوخذنصر، فهي هي يعني مفيهاش مشكلة.
"فِي الْخَامِسِ وَالْعِشْرِينَ مِنَ الشَّهْرِ، رَفَعَ أَوِيلُ مَرُودَخُ مَلِكُ بَابِلَ، فِي سَنَةِ تَمَلُّكِهِ، رَأْسَ يَهُويَاكِينَ مَلِكِ يَهُوذَا، وَأَخْرَجَهُ مِنَ السِّجْنِ." ... أمر بإخراجه وأحضروه للملك بعد يومين من تاريخ الإفراج عنه.
خدمة إرميا استمرت 40 سنة. سفر إرميا كله يغطي حوالي 67 سنة تقريبا يعني، والإصحاح الأخير ده مكتبهوش إرميا. لو شفتوا معايا آخر إصحاح 51 شوفوا مكتوب إيه؟ آخر إصحاح 51، إِلَى هُنَا كَلاَمُ إِرْمِيَا. (إر 51: 64). يعني أخر كلام إرميا كان إصحاح 51. يُقال أن عزرا الكاتب هو اللي أضاف إصحاح 52
32وَكَلَّمَهُ بِخَيْرٍ، وَجَعَلَ كُرْسِيَّهُ فَوْقَ كَرَاسِيِّ الْمُلُوكِ الَّذِينَ مَعَهُ فِي بَابِلَ. 33وَغَيَّرَ ثِيَابَ سِجْنِهِ، وَكَانَ يَأْكُلُ دَائِمًا الْخُبْزَ أَمَامَهُ كُلَّ أَيَّامِ حَيَاتِهِ. 34وَوَظِيفَتُهُ وَظِيفَةٌ دَائِمَةٌ تُعْطَى لَهُ مِنْ عِنْدِ مَلِكِ بَابِلَ، أَمْرَ كُلِّ يَوْمٍ بِيَوْمِهِ، إِلَى يَوْمِ وَفَاتِهِ، كُلَّ أَيَّامِ حَيَاتِهِ. نبوخذنصر كان آسر ملوك كتير، فخلى يهوياكين أعلى واحد فيهم.
يعني يُختم سفر إرميا بالرجاء، إن زي ما يهوياكين بعد 37 سنة طلع من السجن، فبعد 70 سنة من السبي سيرجع بنو إسرائيل مرة ثانية إلى أورشليم.
⏮