مبني الهيكل اللي حزقيال شرحه، بالتلات بوابات من التلات اتجاهات، في الدار الخارجية. وفي زيهم من الداخل: 3 بوابات في الدار الداخلية، الدار الداخلية اللي فيها: القدس وقدس الأقداس ومذبح المُحرقة.
صورة توضيحية: رقم 2.
وحزقيال النبي اكتشف أن المبني ده، هو جزء صغير جدا من مساحة أكبر، وكلها مساحة مقدسة لربنا.
وكانت المساحة الكبيرة جدا عبارة عن 500 طول في 500 عرض.
ربنا قاله: كل المكان ده مقدس. والجزء الكبير اوي في مساحته، لسه مخلصش. أتاري كمان الجزء الضخم اللي هو 500 في 500 ... هو جزء داخل الأرض المقدسة الكبيرة. أرض الموعد: اللي هي السماء.
ربنا في الاصحاح ده، هيبدأ يتكلم عن الأرض كلها.
(في سفر يشوع: كان تقسيم الأرض على الأسباط. دلوقتي ربنا بيتكلم عن نفس الموضوع. بس الكلام مش على أرض الموعد بتاعة بني إسرائيل، لكن الكلام هنا عن السماء. الميراث الأبدي. الذي لا يَفني، ولا يتدنس، ولا يضمحل.)
ربنا اللي كان مديهم ميراث أرض الموعد في العهد القديم.
"وَإِذَا قَسَمْتُمُ الأَرْضَ مِلْكًا، تُقَدِّمُونَ تَقْدِمَةً لِلرَّبِّ قُدْسًا مِنَ الأَرْضِ" ... هنا ربنا بيقولهم: من اللي أنا هأديهولكم، أنا عاوز منه جزء.
" تُقَدِّمُونَ تَقْدِمَةً لِلرَّبِّ قُدْسًا مِنَ الأَرْضِ طُولُهُ خَمْسَةٌ وَعِشْرُونَ أَلْفًا طُولًا، وَالْعَرْضُ عَشَرَةُ آلاَفٍ." ... في الاصحاحات اللي فاتت، المقاييس كانت بالقصبة أو الذراع أو الشبر أو الفِتر.
لكن هنا أول مرة يدي طول وعرض بدون استخدام المقاييس. وده لأن السماء مفيهاش المقاييس بتاعتنا الأرضية. الميراث الأبدي منعرفش نقيسه. فربنا قاله: هتأخد مساحة 25 ألف في10 ألاف. وكلها مساحة مقدسة.
"هذَا قُدْسٌ بِكُلِّ تُخُومِهِ حَوَالَيْهِ." ... تخومه: يعني حدوده.
2 يَكُونُ لِلْقُدْسِ مِنْ هذَا خَمْسُ مِئَةٍ فِي خَمْسِ مِئَةٍ، مُرَبَّعَةٍ حَوَالَيْهِ، وَخَمْسُونَ ذِرَاعًا مَسْرَحًا لَهُ حَوَالَيْهِ. وجوة المساحة المُقدسة ديه، هنلاقي هنا المساحة 500 في 500 ... وطلعت المساحة ديه، جوة مساحة أكبر عبارة عن 25 ألف في 10 ألاف.
صورة توضيحية: رقم 3.. وحوالين الـ 500 في500 ... في مسارح عبارة عن 500 في500.
"مَسْرَحًا لَهُ حَوَالَيْهِ." ... ده مكان اللي الأغنام بتسرح فيها.
ربنا أداهم الأرض، ورجع طلب جزء منها ... وهي ديه الفكرة اللي قالها معلمنا داود النبي "لأن منك الجميع، ومن يدك أعطيناك... " لأن الأرض ديه مش بتاعتهم، ربنا هو اللي أدهالهم. وربنا طلب الجزء ده منهم: لأن ربنا بيحب الإنسان اللي بيقدم عطية.
ربنا لما بيطلب مني العشور: في المال والوقت والصحة والعطايا، فربنا بيقول: أنا بأحب أخد من ايدك. "لأن المُعطي بسرور، يحبه الرب"
3 مِنْ هذَا الْقِيَاسِ تَقِيسُ طُولَ خَمْسَةٍ وَعِشْرِينَ أَلْفًا، وَعَرْضَ عَشَرَةِ آلاَفٍ، وَفِيهِ يَكُونُ الْمَقْدِسُ، قُدْسُ الأَقْدَاسِ. آية 3 و 4: صورة توضيحية: رقم 4.
اللون الموف: القدس وقدس الأقداس 500 في 500.. وحواليها اللون الأخضر: اللي هو المسارح.
صورة توضيحية: رقم 5.. الجزء الأصفر: 25 ألف في 10 ألاف.
الصورة رقم 4 ... الجزء ده عبارة عن: جزء صغير في المساحة من الصورة 5، 25 ألف طول في 10 ألاف عرض. الجزء الأصفر ده خاص بالكهنة وبيوتهم وحاجتهم. 4 قُدْسٌ مِنَ الأَرْضِ هُوَ. يَكُونُ لِلْكَهَنَةِ خُدَّامِ الْمَقْدِسِ الْمُقْتَرِبِينَ لِخِدْمَةِ الرَّبِّ، وَيَكُونُ لَهُمْ مَوْضِعًا لِلْبُيُوتِ وَمُقَدَّسًا لِلْمَقْدِسِ. أصل الكهنة شغلتهم: يخدموا القدس. فيكون مكانهم وسكنهم حواليه. فالجزء ده: نصيبهم من الميراث. ومكانه، حوالين القدس وقدس الأقداس.
(ربنا أداهم الأرض، ورجع أخد جزء من الأرض تاني. وأداها للكهنة، اللي هي 25 ألف في10 ألاف. وربنا أخد منهم ال 500 في 500 ... ربنا بيدي كتير، ويأخد مني حاجة صغيرة لا تُذكر.)
اذاً أول جزء في المدينة المقدسة أو في الارض المقدسة: مساكن الكهنة حوالين القدس وقدس الأقداس.
5 وَخَمْسَةٌ وَعِشْرُونَ أَلْفًا فِي الطُّولِ وَعَشَرَةُ آلاَفٍ فِي الْعَرْضِ تَكُونُ لِلاَّوِيِّينَ خُدَّامِ الْبَيْتِ لَهُمْ مِلْكًا. عِشْرُونَ مِخْدَعًا. صورة توضيحية: رقم 6.
اللون الأصفر ... ده الجزء بتاع أرض الكهنة، اللي جواه القدس.
اللون الأخضر ... الأرض بتاعة اللاويين. وهي نفس مساحة أرض الكهنة 25 ألف في 10 ألاف.
25 ألف في 10 ألاف ... ديه أضعاف (ضعف) الرقم 50.
10000 ... عبارة عن 20 ضعف من الخمسين.
25000 ... عبارة عن 50 ضعف من الخمسين.
رقم 50، ده رقم الحرية. رقم اليوبيل. رقم حلول الروح القدس.
فالكهنة واللاويين اللي هما خدام ربنا، بيعملوا بقوة حلول الروح القدس. والمفروض كل أولاد ربنا عايشين في الحرية. "إن حرركم الابن، فبالحقيقة تصيرون أحراراً."
المساحة المخصصة للكهنة، هي نفسها المساحة المخصصة للاويين. رغم أن الكهنة أعلي في الرتبة. لكن كل إنسان بيخدم ربنا، ربنا لا ينساه. هو قدم خدمة لربنا، ومش مهم هو رتبته ايه. المهم أنه قدم خدمة – قدم تعب – بَذل.
6 وَتَجْعَلُونَ مِلْكَ الْمَدِينَةِ خَمْسَةَ آلاَفٍ عَرْضًا وَخَمْسَةً وَعِشْرِينَ أَلْفًا طُولاً، مُوازِيًا تَقْدِمَةَ الْقُدْسِ، فَيَكُونُ لِكُلِّ بَيْتِ إِسْرَائِيلَ. نصيب الشعب من المدينة المقدسة أقل من نصيب الكهنة واللاويين. 5000 عرض في 25000 طول.
طيب ليه مساحة الشعب أقل من مساحة الكهنة واللاويين في الارض؟
أصل ربنا وعد، أن كل واحد ترك شيء لأجل ربنا، "يأخد في هذا الدهر مئة ضعف. وفي الدهر الآتي الحياة الأبدية."
فهو ده نصيب الكهنة واللاويين. بس لما يجي يوزع الأرض علي الأسباط، قالهم أن الكهنة. سبط لاوي، ملهوش نصيب في الأرض. لكن نصيبهم هن المقدسات. "أنا نصيبهم."
صورة توضيحية: رقم 7.. الطول 25000 والعرض 25000. فالمساحة مربعة.
- القديس يوحنا الحبيب في سفر الرؤيا: شاف أورشليم السمائية، مربعة. الطول بمقدار العرض.
طيب ليه مربعة؟
يعني: الكل زي بعض. السماء مفيهاش حاجة ناقصة. الله كامل في كل مقاييسه. مينفعش تكون حاجة أكبر من حاجة.
أصبحت شكل المدينة حوالين القدس: مربعة. طول 25000 في عرض 25000.
وبكده ديه مساحة الكهنة واللاويين والشعب.
"فَيَكُونُ لِكُلِّ بَيْتِ إِسْرَائِيلَ." ... الكلام هنا علي المدينة المقدسة، كمان الشعب ليه فيها نصيب. بس بعد كده هيتكلم عن توزيعة الأسباط.
7 «وَلِلرَّئِيسِ مِنْ هُنَا وَمِنْ هُنَاكَ مِنْ تَقْدِمَةِ الْقُدْسِ، وَمِنْ مِلْكِ الْمَدِينَةِ قُدَّامَ تَقْدِمَةِ الْقُدْسِ وَقُدَّامَ مِلْكِ الْمَدِينَةِ مِنْ جِهَةِ الْغَرْبِ غَرْبًا، وَمِنْ جِهَةِ الشَّرْقِ شَرْقًا، وَالطُّولُ مُوَازٍ أَحَدَ الْقِسْمَيْنِ مِنْ تُخْمِ الْغَرْبِ إِلَى تُخْمِ الشَّرْقٍ. هيبتدي يدي المساحة بتاعة الرئيس.
الرئيس: في سفر حزقيال النبي، هو شخص يسوع المسيح له المجد. لأنه لما جه يتكلم عن باب المشارق، قال "الرئيس يجلس فيه ليأكل خبزاً."
الرئيس: هو الملك ربنا يسوع المسيح له المجد.
صورة توضيحية: رقم 8..
اللون الأصفر ... مساكن الكهنة. ووسطها الهيكل.
اللون الأحمر ... نصيب الرئيس علي الجانبين.
- في الجزء بتاع توزيعة الأسباط في الأرض، هنشوفه بعد كده، هنلاقي حاجة ظريفة:
أن فوق مساكن اللاويين، نصيب سبط يهوذا... وتحت مساكن الشعب، نصيب سبط بنيامين.
وسبط يهوذا وبنيامين، هما أصلا مملكة يهوذا ... والمسيح له المجد ... جه من سبط يهوذا.
ومعني كلمة بنيامين ... ابن اليمين... والمسيح له المجد جلس عن يمين أبيه.
فكأن نصيب سبط يهوذا وسبط بنيامين ... بيُشير الي المسيح له المجد.
ونصيب الرئيس من الناحيتين: ... بيُشير الي المسيح له المجد.
اذاً المسيح له المجد بيُحيط بالمدينة المقدسة. "أنا أكون لها سور نار."
والقدس اللي في النص ... بيُشير الي المسيح له المجد... اذاً هو في وسط شعبه، ويُحيط بشعبه.
صورة توضيحية: رقم 9.. الرسمة ديه بتبين، أن الله في وسط شعبه. وأيضا يُحيط بأولاده كسور من كل جهة.
8 تَكُونُ لَهُ أَرْضًا مِلْكًا فِي إِسْرَائِيلَ، وَلاَ تَعُودُ رُؤَسَائِي يَظْلِمُونَ شَعْبِي، وَالأَرْضُ يُعْطُونَهَا لِبَيْتِ إِسْرَائِيلَ لأَسْبَاطِهِمْ. ربنا بيقول: كل واحد يعرف مكانه فين. محدش يظلم حد. أصل السماء: مكان العدل المُطلق. لا وجود لأي ظلم في السماء. الظلم هنا علي الأرض وبس. وكمان التعب والغش. لكن مفيش حاجة من الحاجات ديه في السماء.9 « هكَذَا قَالَ السَّيِّدُ الرَّبُّ: يَكْفِيكُمْ يَا رُؤَسَاءَ إِسْرَائِيلَ. أَزِيلُوا الْجَوْرَ وَالاغْتِصَابَ، وَأَجْرُوا الْحَقَّ وَالْعَدْلَ. ارْفَعُوا الظُّلْمَ عَنْ شَعْبِي، يَقُولُ السَّيِّدُ الرَّبُّ. ربنا بيحذرهم من الغش في الموازيين. لأن كان عندهم نوع من أنواع الغش في التجارة، أن يبقي عندهم ميزانين.
مثلا: 2 إِيفَةُ ، واحدة للبيع ... فلما يجي حد بيبع، يصغّر الإيفة. وواحدة للشراء ... يشتري بيها من الناس. فتبقي كبيرة... فربنا بيطالبهم بالعدل في الموازيين بتاعتهم.
10 مَوَازِينُ حَقّ، وَإِيفَةُ حَقّ، وَبَثُّ حَقّ تَكُونُ لَكُمْ. "مَوَازِينُ حَقّ،"... كل حاجة عند ربنا لازم بالعدل.
"إِيفَةُ" ... مقياس لوزن الحبوب.
"بَثُّ" ... مقياس لوزن السوايل.
وده اللي هيحصل في السماء: ربنا هيدي كل واحد بالعدل. مفيش حاجة زايدة ولا ناقصة.
11 تَكُونُ الإِيفَةُ وَالْبَثُّ مِقْدَارًا وَاحِدًا، لِكَيْ يَسَعَ الْبَثُّ عُشْرَ الْحُومَرِ، وَالإِيفَةُ عُشْرُ الْحُومَرِ. عَلَى الْحُومَرِ يَكُونُ مِقْدَارُهُمَا. الإيفة والبث: في الحجم أد بعض. بس واحدة للحبوب، وواحدة للسوايل.
"لِكَيْ يَسَعَ الْبَثُّ عُشْرَ الْحُومَرِ، وَالإِيفَةُ عُشْرُ الْحُومَرِ. عَلَى الْحُومَرِ يَكُونُ مِقْدَارُهُمَا." ... الْحُومَرِ: مقياس من المقاييس برده.
12 وَالشَّاقِلُ عِشْرُونَ جِيرَةً. عِشْرُونَ شَاقِلاً وَخَمْسَةٌ وَعِشْرُونَ شَاقِلاً وَخَمْسَةَ عَشَرَ شَاقِلاً تَكُونُ مَنَّكُمْ. "وَالشَّاقِلُ" ... اللي هي الفلوس.
"عِشْرُونَ جِيرَةً. عِشْرُونَ شَاقِلًا وَخَمْسَةٌ وَعِشْرُونَ شَاقِلًا وَخَمْسَةَ عَشَرَ شَاقِلًا تَكُونُ مَنَّكُمْ." ... فلو جمعنا: 20 + 25 + 15 = 60 ... " تَكُونُ مَنَّكُمْ." ... الـ60 ديه قيمة المَن، في النقود اليهودية.
ربنا بيقولهم: من فضلكم كفاية غش في الموازيين والماديات والفلوس. اللي عاوز السماء، السماء مفيهاش غير الحق والعدل.
13 « هذِهِ هِيَ التَّقْدِمَةُ الَّتِي تُقَدِّمُونَهَا: سُدْسَ الإِيفَةِ مِنْ حُومَرِ الْحِنْطَةِ، وَتُعْطُونَ سُدْسَ الإِيفَةِ مِنْ حُومَرِ الشَّعِيرِ. هو في الأول ربنا طلب منهم يقدموله من الأرض. ربنا أداهم الأرض، وبعدين طلب منهم انهم يدوه من الأرض ديه.
"سُدْسَ الإِيفَةِ مِنْ حُومَرِ الْحِنْطَةِ، وَتُعْطُونَ سُدْسَ الإِيفَةِ مِنْ حُومَرِ الشَّعِيرِ." ... طيب والحاجات المادية والأكل والشرب، برده يدوا لربنا منها
- أول حاجة هيقدموها " الْحِنْطَةِ" ... اللي هو القمح.
- تاني حاجة هيقدموها " الشَّعِيرِ".
14 وَفَرِيضَةُ الزَّيْتِ بَثٌّ مِنْ زَيْتٍ. اَلْبَثُّ عُشْرٌ مِنَ الْكُرِّ، مِنْ عَشَرَةِ أَبْثَاثٍ لِلْحُومَرِ، لأَنَّ عَشَرَةَ أَبْثَاثٍ حُومَرٌ. - تالت حاجة هيقدموها " الزَّيْتِ".15 وَشَاةٌ وَاحِدَةٌ مِنَ الضَّأْنِ مِنَ الْمِئَتَيْنِ مِنْ سَقْيِ إِسْرَائِيلَ تَقْدِمَةً وَمُحْرَقَةً وَذَبَائِحَ سَلاَمَةٍ، لِلْكَفَّارَةِ عَنْهُمْ، يَقُولُ السَّيِّدُ الرَّبُّ. شاه: هو الخروف. هيدوا لربنا خروف - رابع حاجة هيقدموها
واحد من كل 200 خروف.
"مِنْ سَقْيِ إِسْرَائِيلَ" ... يعني من أجود المراعي. مش أي خروف وخلاص. ميكونش فيه عيوب خالص.
16 وَهذِهِ التَّقْدِمَةُ لِلرَّئِيسِ فِي إِسْرَائِيلَ تَكُونُ عَلَى كُلِّ شَعْبِ الأَرْضِ. معاني التقدمات اللي هتتقدم لربنا يسوع المسيح له المجد:
" الْحِنْطَةِ" ... تُشير دايما الي جسد المسيح يسوع ربنا له المجد. ربنا هو اللي اتكلم عن نفسه وقال "ان لم تقع حبة الحنطة في الأرض وتموت. لا تأتي بثمر كثير." ولغاية النهاردة جسد السيد المسيح له المجد من الحنطة. من الدقيق.
" سُدْسَ" ... رقم 6، رقم التعب. ألم. ضعف.
المسيح له المجد أخد شكل جسدنا الضعيف. "ولكنه أظهر بالضعف ماهو أعظم من القوة."
" الشَّعِيرِ" ... ده أكل الناس الغلابة.
المسيح له المجد لما جه الأرض، أتي في صورة الفقير "لم يكن له أين يسند رأسه."
" الزَّيْتِ" ... الزيت يُشير للروح القدس.
المسيح له المجد لما جه وأخد جسدنا، الملاك قال للست العدراء "الروح القدس يحل عليكِ، وقوة العليّ تُظللك. لذلك القدوس المولود منكِ يُدعي ابنا الله."
اذاً الحنطة والشعير والزيت ... عبارة عن التجسد. فاللي احنا قدمناه لربنا: هو جسدنا الضعيف. ربنا أخد جسدنا الضعيف مننا، وده اللي احنا عرفنا نقدمه لربنا. وحتى لما قدمناله " وَشَاةٌ وَاحِدَةٌ" ... الخروف، فده عبارة عن جسده اللي هيقدمه عننا ذبيحة.
طيب ليه الخروف ده واحد من 200 خروف؟
القطيع ا لصغير 100، فكأن ربنا أخد صورة جسد كل واحد من أولاده في العهد القديم. وكمان في العهد الجديد. ليخصلنا من الخطية.
أذاً كل اللي طلبه ربنا مننا وقدمنا احنا لربنا: حاجة بسيطة. كل اللي أخده ربنا مننا هو جسدنا الضعيف.
17 وَعَلَى الرَّئِيسِ تَكُونُ الْمُحْرَقَاتُ وَالتَّقْدِمَةُ وَالسَّكِيبُ فِي الأَعْيَادِ وَفِي الشُّهُورِ وَفِي السُّبُوتِ وَفِي كُلِّ مَوَاسِمِ بَيْتِ إِسْرَائِيلَ. وَهُوَ يَعْمَلُ ذَبِيحَةَ الْخَطِيَّةِ وَالتَّقْدِمَةَ وَالْمُحْرَقَةَ وَذَبَائِحَ السَّلاَمَةِ، لِلْكَفَّارَةِ عَنْ بَيْتِ إِسْرَائِيلَ. طيب في المقابل الرئيس هيقدم ايه؟
هما يقدموا شوية دقيق وشعير وزيت، والرئيس مطلوب منه يقدم كل المحرقات والتقدمات في كل المناسبات والأعياد.. وكأن ربنا عاوز يقولنا: كل اللي أنتم فيه بتقدموهولي ده، ولا حاجة من اللي أنا بأقدمه ليكم.
ولا حاجة قدام " السَّكِيبُ" ... قدام دمي المسفوك علي عود الصليب.
"وَهُوَ يَعْمَلُ ذَبِيحَةَ الْخَطِيَّةِ وَالتَّقْدِمَةَ وَالْمُحْرَقَةَ وَذَبَائِحَ السَّلاَمَةِ، لِلْكَفَّارَةِ عَنْ بَيْتِ إِسْرَائِيلَ." ... مين المطلوب منه الكفارة عن بيت اسرائيل؟ هو الرئيس.
اذاً الرئيس هو اللي يقدم كل الذبائح، ذبائح الأعياد.
علشان كده ابتداء من آية 18 هيكلمنا عن الأعياد اللي الرئيس هيقدم التقدمات فيها.
18 « هكَذَا قَالَ السَّيِّدُ الرَّبُّ: فِي الشَّهْرِ الأَوَّلِ، فِي أَوَّلِ الشَّهْرِ، تَأْخُذُ ثَوْرًا مِنَ الْبَقَرِ صَحِيحًا وَتُطَهِّرُ الْمَقْدِسَ. آية 18 و19: بيتكلم عن أول عيد
أول عيد: رأس السنة 1/1. للتسهيل. ويُمثل البداية الجديدة.
"تَأْخُذُ ثَوْرًا مِنَ الْبَقَرِ صَحِيحًا وَتُطَهِّرُ الْمَقْدِسَ." ... الكاهن يجيب الذبيحة ويقدمها، ويرش دم الذبيحة.
19 وَيَأْخُذُ الْكَاهِنُ مِنْ دَمِ ذَبِيحَةِ الْخَطِيَّةِ وَيَضَعُهُ عَلَى قَوَائِمِ الْبَيْتِ، وَعَلَى زَوَايَا خُصْمِ الْمَذْبَحِ الأَرْبَعِ، وَعَلَى قَوَائِمِ بَابِ الدَّارِ الدَّاخِلِيَّةِ. الكاهن هيجيب الذبيحة ويقدمها، ويرش دم الذبيحة علي قوائم باب الدار الداخلية.
صورة توضيحية: رقم 10.
عندنا 3 أبواب داخلة. وكمان علي باب القدس ... الأبواب عليهم الأسهم الحمراء.
فبقوا 4 أبواب حوالين المذبح. المذبح ... لونه بني.
رقم 4 ... يعني دم الذبيحة للعالم كله. في كل اتجاهات الأرض. (شمال – جنوب – شرق – غرب.)
صورة توضيحية: رقم 11.
" وَعَلَى زَوَايَا خُصْمِ الْمَذْبَحِ الأَرْبَعِ،" ... نفس الكلام... خد دم الذبيحة ورشه حوالين المذبح، في الأربع اتجاهات
20 وَهكَذَا تَفْعَلُ فِي سَابعِ الشَّهْرِ عَنِ الرَّجُلِ السَّاهِي أَوِ الْغَوِيِّ، فَتُكَفِّرُونَ عَنِ الْبَيْتِ. يعني الكلام ده يستمر لمدة 7 أيام.
"عَنِ الرَّجُلِ السَّاهِي أَوِ الْغَوِيِّ،" ... الذبيحة تُقدم عن الرجل اللي سُهيّ عليه أو اللي سقط في الغواية.
"فَتُكَفِّرُونَ عَنِ الْبَيْتِ." ... وهي ديه فكرة إننا بنطلب من ربنا أنه يغفر خطايانا اللي صنعناها بمعرفة، والتي صنعناها بغير معرفة... فدم ذبيحة الصليب ... هي لكل أنواع الخطايا.
21 فِي الشَّهْرِ الأَوَّلِ، فِي الْيَوْمِ الرَّابعِ عَشَرَ مِنَ الشَّهْرِ، يَكُونُ لَكُمُ الْفِصْحُ عِيدًا. سَبْعَةَ أَيَّامٍ يُؤْكَلُ الْفَطِيرُ. الآيات من 21 لـ 23: تاني عيد: هو عيد الفصح 14/1 (للتسهيل).
يفضلوا 7 أيام يأكلوا الفطير.
22 وَيَعْمَلُ الرَّئِيسُ فِي ذلِكَ الْيَوْمِ عَنْ نَفْسِهِ وَعَنْ كُلِّ شَعْبِ الأَرْضِ ثَوْرًا ذَبِيحَةَ خَطِيَّةٍ. 23 وَفِي سَبْعَةِ أَيَّامِ الْعِيدِ يَعْمَلُ مُحْرَقَةً لِلرَّبِّ: سَبْعَةَ ثِيرَانٍ وَسَبْعَةَ كِبَاشٍ صَحِيحَةٍ، كُلَّ يَوْمٍ مِنَ السَّبْعَةِ الأَيَّامِ. وَكُلَّ يَوْمٍ تَيْسًا مِنَ الْمَعْزِ ذَبِيحَةَ خَطِيَّةٍ. رقم 7 : ده رقم الكمال. لأن ذبيحة المسيح يسوع له المجد، هي ذبيحة كاملة.24 وَيَعْمَلُ التَّقْدِمَةَ إِيفَةً لِلثَّوْرِ، وَإِيفَةً لِلْكَبْشِ، وَهِينًا مِن زَيْتٍ لِلإِيفَةِ. "وَيَعْمَلُ التَّقْدِمَةَ" ... اللي هي الدقيق. تقدمة الطعام.
"هِينًا" ... ده مقياس للسوائل.
"إِيفَةً لِلثَّوْرِ، وَإِيفَةً لِلْكَبْشِ، وَهِينًا مِن زَيْتٍ لِلإِيفَةِ." ... يبقي في ذبيحة حيوانية. وكمان تقدمة طعامية (تقدمة من الطعام). طيب ليه؟
لأن ذبيحة الصليب: أخدناها في شكل الخبز والخمر.. ولأن ذبيحة الصليب: أخدناها في شكل حاجة بتتاكل.
"من يأكل جسدي ويشرب دمي."
" وَهِينًا مِن زَيْتٍ لِلإِيفَةِ." ... الزيت: هو الروح القدس. الي يُحول الأسرار، بيحول التقدمة الطعامية، اللي هو الخبز وعصير الكرمة، الي جسد ودم ربنا يسوع المسيح له المجد.
25 في الشَّهْرِ السَّابعِ، في الْيَوْمِ الْخَامِسِ عَشَرَ مِنَ الشَّهْرِ، فِي الْعِيدِ يَعْمَلُ مِثْلَ ذلِكَ سَبْعَةَ أَيَّامٍ كَذَبِيحَةِ الْخَطِيَّةِ وَكَالْمُحْرَقَةِ وَكَالتَّقْدِمَةِ وَكَالزَّيْتِ. تالت عيد: عيد المظال. 15/7. (للتسهيل).. نفس الكلام هيتكرر في العيد التالت بتاع المظال. وهما دول التلات أعياد اليهودية الرئيسية. (وكمان في أعياد تانية: زي عيد الحصاد، بتاع يوم الخمسين. بس متكلمش عنه هنا.)
ملاحظة:
الأعياد عند اليهود مرتبطة بتقديم الذبيحة.
العيد في كنيستنا في العهد الجديد، بالنسبة لنا: هو القداس والذبيحة.. العيد مش هو اللبس الجديد والأكل الفطاري بعد الصيام. والحفلات والتجمعات. لكن العيد في كنيستنا: هو الافخارستيا.
اذاً مظهر العيد في كنيسة العهد الجديد من خلال الآيات ديه: الذبيحة فقط.
معندناش عيد في الكنيسة من غير قداس. ولا ذبيحة.
العيد الحقيقي هو اتحادنا في شخص ربنا يسوع المسيح له المجد.
⪢