البوابة من جهة الشرق، اللي مجد ربنا دخل منها. وقال لحزقيال "هذا الباب يكون مُغلق" ... متعلم عليها باللون الأزرق. وديه البوابة الخارجية من جهة الشرق.
لكن احنا دلوقتي هنتكلم عن البوابة، اللي متعلم عليها ... بالدايرة الحمراء. هي البوابة من جهة الشرق من جوة.
البوابة ديه: تقفل 6 أيام. وتفتح يوم السبت. وأول يوم في الشهر.
2 وَيَدْخُلُ الرَّئِيسُ مِنْ طَرِيقِ رِوَاقِ الْبَابِ مِنْ خَارِجٍ وَيَقِفُ عِنْدَ قَائِمَةِ الْبَابِ، وَتَعْمَلُ الْكَهَنَةُ مُحْرَقَتَهُ وَذَبَائِحَهُ السَّلاَمِيَّةَ، فَيَسْجُدُ عَلَى عَتَبَةِ الْبَابِ ثُمَّ يَخْرُجُ. أَمَّا الْبَابُ فَلاَ يُغْلَقُ إِلَى الْمَسَاءِ. طيب ليه هنفتحها؟
"وَيَدْخُلُ الرَّئِيسُ" ... الاصحاح ده كله عن شخص ربنا يسوع المسيح له المجد. كل كلمة في الآية ديه ليها معني.
" وَيَدْخُلُ الرَّئِيسُ مِنْ طَرِيقِ رِوَاقِ الْبَابِ مِنْ خَارِجٍ" ... احنا داخلين ناحية المذبح. فده طريق الصليب. لأن البوابة الداخلية ديه بتودي علي المذبح بتاعة المُحرقة.
لأن المسيح يسوع له المجد صُلب خارج المحلة.
صورة توضيحية: رقم 2.. البوابة الداخلية متعلم عليها.. بدايرة حمراء. ووراها المذبح.. باللون البني. لأن المذبح بعد البوابة الداخلية.
يجي من بره يعمل ايه؟ .. "وَيَقِفُ عِنْدَ قَائِمَةِ الْبَابِ،" ... يسوع له المجد هيجي عند قايمة أو خشبة الباب ويقف.
"وَتَعْمَلُ الْكَهَنَةُ مُحْرَقَتَهُ وَذَبَائِحَهُ السَّلاَمِيَّةَ، فَيَسْجُدُ عَلَى عَتَبَةِ الْبَابِ ثُمَّ يَخْرُجُ. أَمَّا الْبَابُ فَلاَ يُغْلَقُ إِلَى الْمَسَاءِ." .. القصة ديه بتحصل كل يوم سبت وأول كل شهر.
الرئيس.. هو المسيح له المجد. رئيس الكهنة الأعظم.
"وَتَعْمَلُ الْكَهَنَةُ مُحْرَقَتَهُ وَذَبَائِحَهُ السَّلاَمِيَّةَ،" ... صحيح المسيح له المجد هو رئيس الكهنة الأعظم، لكنه أسس سر الكهنوت. وأدي لأولاده الكهنة انهم يقدسوا الأسرار، علشان يدوا من الذبيحة بتاعة الصليب لكل الناس.
"وَيَقِفُ عِنْدَ قَائِمَةِ الْبَابِ،" ... أول ما نقرأ الجزء ده، نفتكر علطول خروج 20: شريعة العبد.
(خروج 21: 2).. "إِذَا اشْتَرَيْتَ عَبْدًا عِبْرَانِيًّا، فَسِتَّ سِنِينَ يَخْدِمُ، وَفِي السَّابِعَةِ يَخْرُجُ حُرًّا مَجَّانًا."
" فَسِتَّ سِنِينَ يَخْدِمُ،" ... الباب كان مقفول 6 أيام.
" وَفِي السَّابِعَةِ يَخْرُجُ حُرًّا مَجَّانًا." ... ده اليوم اللي هيتفتح فيه الباب.
(خروج 21: 6.. "قَدِّمُهُ سَيِّدُهُ إِلَى اللهِ، وَيُقَرِّبُهُ إِلَى الْبَابِ أَوْ إِلَى الْقَائِمَةِ، وَيَثْقُبُ سَيِّدُهُ أُذْنَهُ بِالْمِثْقَبِ، فَيَخْدِمُهُ إِلَى الأَبَدِ")
صورة توضيحية: رقم 3.. السيد بيحط العبد بتاعه عند خشبة الباب، ويثقب أذنه في الباب.
طيب مين العبد اللي واقف عند قائمة الباب؟ ده المسيح اللي أخد صورة العبد، وقال عن نفسه "ثقبوا يديّ ورجليّ."
هو اللي أحبنا ورفض أنه يسيبنا، وأخد صورة العبد المثقوب لأجلنا.
ثقب الأذن ... لأنه أطاع أبوه السماوي، حتى موت الصليب.
وقوف الرئيس في الباب ... الباب يعني خشب، فهي خشبة الصليب. هي شريعة العبد الذي أحب شعبه، أحب أولاده.
كل الكلام ده بيحصل عند البوابة الشرقية الداخلية. (اللي متعلم عليها باللون الأحمر) ومش عند أي بوابة تاني. لأن المسيح يسوع له المجد هو: شمس البر. هو الشرق، زي ما سماه سفر زكريا.
" فَيَسْجُدُ عَلَى عَتَبَةِ الْبَابِ ثُمَّ يَخْرُجُ." ... السجود قدام العتبة، قدام خشبة الصليب يُشير الي: أن المسيح له المجد أطاع حتى الصليب. أسلم ذاته لمشيئة الآب السماوي.. "يَا أَبَتَاهُ، إِنْ شِئْتَ أَنْ تُجِيزَ عَنِّي هذِهِ الْكَأْسَ. وَلكِنْ لِتَكُنْ لاَ إِرَادَتِي بَلْ إِرَادَتُكَ"
" َيَسْجُدُ" ... السجود هنا: هو طاعة الابن للآب في أمر الصليب.
" ثُمَّ يَخْرُجُ." ... بتفكرنا بالقيامة.
" فَيَسْجُدُ عَلَى عَتَبَةِ الْبَابِ ثُمَّ يَخْرُجُ." ... انحني وبعدين قام وقف. في صورة الرئيس العظيم أمام الشعب.
" أَمَّا الْبَابُ فَلاَ يُغْلَقُ إِلَى الْمَسَاءِ." ... الباب ده اتقفل 6 أيام.
رقم 6 ... يُشير الي التعب. لأيام الخليقة. فجاء المسيح يسوع له المجد، ينقض هذا التعب.
(يامن في اليوم السادس وفي وقت الساعة السادسة. سُمرت على الصليب)
يُفتح الباب في اليوم السابع. وحاليا اليوم السابع في الكنيسة هو يوم الأحد. يوم القيامة. هو ده الراحة الحقيقية.
والباب ده لا يُغلق للمساء ... يعني يفضل مفتوح طول النهار. ربنا يسوع له المجد قال "منْ يَتْبَعْنِي فَلاَ يَمْشِي فِي الظُّلْمَةِ بَلْ يَكُونُ لَهُ نُورُ الْحَيَاةِ."
اذاً الباب ده هيتفتح يوم السبت وأول كل شهر. والرئيس هيدخل من الرواق، ويقف عند العتبة. ويخلي الكهنة يقدموا له الذبائح. والرئيس يسجد ويطلع.. طيب باقي الناس، هتعمل ايه؟
3 وَيَسْجُدُ شَعْبُ الأَرْضِ عِنْدَ مَدْخَلِ هذَا الْبَابِ قُدَّامَ الرَّبِّ فِي السُّبُوتِ وَفِي رُؤُوسِ الشُّهُورِ. باقي الناس اللي هما الشعب، هيقفوا عند مدخل الباب، مش هيدخلوا. طيب ليه؟
لأنه طريق الصليب. والمسيح يسوع له المجد قاله "دوست المعصرة وحدي. من الشعوب لم يكن معي أحد."
فالرئيس يسوع المسيح له المجد، يدخل من الرواق. بس الناس بتقف بره.
والسجود أمام الباب ... هنا اشارة لقبول الذبيحة. ذبيحة الصليب.
شعب ربنا يسجد قدام الباب، لكن ميدخلش زي ما المسيح الرئيس دخله.
"قُدَّامَ الرَّبِّ فِي السُّبُوتِ وَفِي رُؤُوسِ الشُّهُورِ." ... بيسجدوا في السبوت وأول كل شهر.
4 وَالْمُحْرَقَةُ الَّتِي يُقَرِّبُهَا الرَّئِيسُ لِلرَّبِّ فِي يَوْمِ السَّبْتِ: سِتَّةُ حُمْلاَنٍ صَحِيحَةٍ وَكَبْشٌ صَحِيحٌ. المُحرقة اللي هيقدمها في اليوم اللي هيتفتح فيه الباب الشرقي.
"سِتَّةُ حُمْلاَنٍ صَحِيحَةٍ وَكَبْشٌ صَحِيحٌ." ... المُحرقة هي: 6 حملان وكبش صحيح.
رقم 6 ... هو رقم الضعف – النقص.
الـ 6 حملان ... اشارة للبشرية اللي سقطت، والمسيح يسوع له المجد أصبح هو حمل الله الذي يرفع كل خطايا هذه البشرية ... علشان كده موجود كبش صحيح.
وكأن المسيح يسوع له المجد بصليبه ... أخد كل البشرية وقدمهم الي الله.
5 وَالتَّقْدِمَةُ إِيفَةٌ لِلْكَبْشِ، وَلِلْحُمْلاَنِ تَقْدِمَةُ عَطِيَّةِ يَدِهِ، وَهِينُ زَيْتٍ لِلإِيفَةِ. ومعاهم تقدمة طعامية (طعام)، لأننا أخدنا ذبيحة الصليب، في صورة الخبز وعصير الكرمة.
"وَالتَّقْدِمَةُ إِيفَةٌ لِلْكَبْشِ،" ... إيفة مع الكبش. شوية دقيق، وديه كمية محددة بمقدار الإيفة. والإيفة معيار للقياس)
"وَلِلْحُمْلاَنِ تَقْدِمَةُ عَطِيَّةِ يَدِهِ،" ... الحملان: دول بيشروا للبشرية الضعيفة بتاعتنا. احنا البشرية الضعيفة، حسب ما الشخص يقدر يدي عطية. لأن ربنا هو الذي يُعطي بسخاء لأولاده، ولا يُعير (يعني مش بيدي بحساب. ربنا بيدينا بدون حساب. بيدينا كتير جدا)
"وَهِينُ زَيْتٍ لِلإِيفَةِ." ... وكمان معاهم: الزيت، والزيت يُشير للروح القدس.
6 وَفِي يَوْمِ رَأْسِ الشَّهْرِ: ثَوْرٌ ابْنُ بَقَرٍ صَحِيحٌ وَسِتَّةُ حُمْلاَنٍ وَكَبْشٌ تَكُونُ صَحِيحَةً. "وَفِي يَوْمِ رَأْسِ الشَّهْرِ:" ... أول كل شهر، يوم ظهور القمر. وهو يُشير للبداية الجديدة. وللمُصالحة مع
الله. محدش بيبدأ بداية جديدة، من غير ما يصالح ربنا. كمان القمر: بيعكس صورة أو إضاءة الشمس.
الشمس بتاعتنا هو: ربنا يسوع المسيح له المجد. شمس البر. فالمفروض اننا نعكس صورة المسيح له المجد. "نسعى كسفراء عن المسيح. كأن الله يعظ بنا."
"ثَوْرٌ ابْنُ بَقَرٍ صَحِيحٌ وَسِتَّةُ حُمْلاَنٍ وَكَبْشٌ تَكُونُ صَحِيحَةً." ... التقدمة ديه هيزيد عليها، تقديم الثور. هو ده الزيادة على الـ 6 حملان والكبش الصحيح.
لما نرجع للتقدمات في سفر اللاويين: نعرف أن الثور ده بيُقدم كذبيحة خطية عن الشعب.
الكبش ... بيبقي ذبيحة إثم.
ذبيحة الاثم وذبيحة الخطية: ذبيحة منهم تَعني الخطايا الموجهة لله مباشرة. والنوع التاني من الذبيحة: تُعبر عن الخطايا من خلال تعاملنا مع الناس. بنُخطئ في وصايا الله. فاللي عاوز يحقق المُصالحة مع الله، مش بي يتصالح مع الله، لكن كمان يصلّح معاملاته مع الناس.
7 وَيَعْمَلُ تَقْدِمَةً إِيفَةً لِلثَّوْرِ وَإِيفَةً لِلْكَبْشِ. أَمَّا لِلْحُمْلاَنِ فَحَسْبَمَا تَنَالُ يَدُهُ، وَلِلإِيفَةِ هِينُ زَيْتٍ. نفس التقدمة الطعامية (الطعام) ، زي الآية 5. بس برده في تقدمة زيادة للثور.
هنا "وَيَعْمَلُ تَقْدِمَةً إِيفَةً لِلثَّوْرِ" ... ديه التقدمة الزيادة.
8 «وَعَُِنْدَ دُخُولِ الرَّئِيسِ يَدْخُلُ مِنْ طَرِيقِ رِوَاقِ الْبَابِ، وَمِنْ طَرِيقِهِ يَخْرُجُ. الرئيس هيدخل من الباب الداخلي.
"وَمِنْ طَرِيقِهِ يَخْرُجُ." ... يعني زي ما دخل هيخرج.
وده اشارة: للتجسد. الباب ده يُشير للتجسد. زي ما المسيح دخل عالمنا بالجسد. فلما جه يصعد، صعد بنفس الجسد الممجد بتاع القيامة. فربنا يسوع المسيح له المجد، صعد الي السماء وجلس عن يمين أبيه، بجسده الممجد الذي قام بيه من الأموات.
9 وَعِنْدَ دُخُولِ شَعْبِ الأَرْضِ قُدَّامَ الرَّبِّ فِي الْمَوَاسِمِ، فَالدَّاخِلُ مِنْ طَرِيقِ بَابِ الشِّمَالِ لِيَسْجُدَ يَخْرُجُ مِنْ طَرِيقِ بَابِ الْجَنُوبِ، وَالدَّاخِلُ مِنْ طَرِيقِ بَابِ الْجَنُوبِ يَخْرُجُ مِنْ طَرِيقِ بَابِ الشِّمَالِ. لاَ يَرْجعُ مِنْ طَرِيقِ الْبَابِ الَّذِي دَخَلَ مِنْهُ، بَلْ يَخْرُجُ مُقَابِلَهُ. طيب باقي الناس، هيدخلوا ويطلعوا منين؟
اتفقنا أن الباب الشرقي محدش يقدر يفتحه. لأن هذا الباب يُغلق. ده الباب الخاص بربنا يسوع المسيح له المجد. "هذا الباب يُغلق، لأن الرب الاله دخل منه."
يبقي كده فاضل بوابتين من التلاتة، علشان يدخلوا منها. يا أما من الباب الشمالي أو الباب الجنوبي. والغرب أصلا مفيهوش بوابة.
صورة توضيحية: رقم 4.
" فَالدَّاخِلُ مِنْ طَرِيقِ بَابِ الشِّمَالِ لِيَسْجُدَ يَخْرُجُ مِنْ طَرِيقِ بَابِ الْجَنُوبِ،" ... الدخول من باب الشمال. هيسجد قدام باب الشرق للبوابة الداخلية (اللي كان متعلم عليها بالدايرة الحمراء.)، ويكمل طريقة ويطلع من الباب اللي في الجنوب.
صورة توضيحية: رقم 5.
" وَالدَّاخِلُ مِنْ طَرِيقِ بَابِ الْجَنُوبِ يَخْرُجُ مِنْ طَرِيقِ بَابِ الشِّمَالِ." ... ودول المجموعة اللي دخلوا من البوابة الجنوبية، يدخل ويسجد ويكمل، ويخرج من باب الشمال.
"لاَ يَرْجعُ مِنْ طَرِيقِ الْبَابِ الَّذِي دَخَلَ مِنْهُ، بَلْ يَخْرُجُ مُقَابِلَهُ." ... بيدخلوا من باب، ويخرجوا من الباب التاني.
الصورة رقم 5 ... فيها حاجتين يلفتوا النظر:
1) النظام: وده تسهيل للحركة في يوم زحمة زي ده. في أيام الأعياد والمناسبات اللي ربنا بيتكلم عنها.
"الهنا إله نظام. وليس إله تشويش." وده اللي بنحاول نعمله في الكنيسة ونوصله للناس. ووقت المناسبات، لازم الناس تتبع النظام. لأن النظام سمة الهنا.
2) ماشيين في اتجاه واحد. مش بيلفوا ويرجعوا تاني. مش بينظروا للخلف. لأن "من يضع يده علي المحراث. لا ينظر الي خلف." ... اللي عاوز يمشي في طريق ربنا، ميرجعش لوراء أبدا.
في الرؤيا الأولي لحزقيال النبي: عن الشاروبيم. قولنا إن ليهم 4 أوجه. يعني في الأربع اتجاهات. ولما بيتحرك في أي اتجاه، بيبقي ماشي بوشه في أي اتجاه. لأن أولاد ربنا اتجاههم وطريقهم واحد. عنينا علي الأبدية والصليب.
"وَعِنْدَ دُخُولِ شَعْبِ الأَرْضِ قُدَّامَ الرَّبِّ فِي الْمَوَاسِمِ، فَالدَّاخِلُ مِنْ طَرِيقِ بَابِ الشِّمَالِ لِيَسْجُدَ يَخْرُجُ مِنْ طَرِيقِ بَابِ الْجَنُوبِ،" ... النظام مطلوب ومهم لتسهيل الحركة.
10 وَالرَّئِيسُ فِي وَسْطِهِمْ يَدْخُلُ عِنْدَ دُخُولِهِمْ، وَعِنْدَ خُرُوجِهِمْ يَخْرُجُونَ مَعًا. في تقسيمة الأرض بتاعتهم، القدس: اللي هو نصيب ربنا، موجود في نص الأرض. وكمان موجود حواليهم ... "والرئيس في وسطهم" ... وهو ده وعد ربنا لينا.
"إذا اجتمع اثنين أو ثلاثة باسمي، فهناك أكون في وسطهم.".. اللي جايين دول، جايين لربنا. فربنا هيكون في وسطيهم.
"وَالرَّئِيسُ فِي وَسْطِهِمْ يَدْخُلُ عِنْدَ دُخُولِهِمْ، وَعِنْدَ خُرُوجِهِمْ يَخْرُجُونَ مَعًا." ... هأدخل معاهم، وهأخرج معاهم.
طول وجودنا علي الأرض في العالم ده، من وقت دخولنا للعالم بالميلاد الجسدي. لغاية ما نخرج منه في نهاية رحلة حياتنا علي الأرض. ربنا دايما معانا. "ها أنا معكم طول الأيام والي انقضاء الدهر."
الهنا أب وراعي، بيحيط بالقطيع. ولا يتركه أبدا.
11 وَفِي الأَعْيَادِ وَفِي الْمَوَاسِمِ تَكُونُ التَّقْدِمَةُ إِيفَةً لِلثَّوْرِ وَإِيفَةً لِلْكَبْشِ. وَلِلْحُمْلاَنِ عَطِيَّةُ يَدِهِ، وَلِلإِيفَةِ هِينُ زَيْتٍ. نفس التقدمة اللي قدمها يوم السبت ورأس كل شهر، هتتكرر في الأعياد والمواسم.12 وَإِذَا عَمِلَ الرَّئِيسُ نَافِلَةً، مُحْرَقَةً أَوْ ذَبَائِحَ سَلاَمَةٍ، نَافِلَةً لِلرَّبِّ، يُفْتَحُ لَهُ الْبَابُ الْمُتَّجِهُ لِلْمَشْرِقِ، فَيَعْمَلُ مُحْرَقَتَهُ وَذَبَائِحَهُ السَّلاَمِيَّةَ كَمَا يَعْمَلُ فِي يَوْمِ السَّبْتِ ثُمَّ يَخْرُجُ. وَبَعْدَ خُرُوجِهِ يُغْلَقُ الْبَابُ. هيبتدي يكلمنا عن ذبيحة جديدة، اسمها: ذبيحة النافلة. ومعناها: عطية اختيارية. والنافلة، شبه النذر (الندر). الفرق بينهم: أن الندر طلع من فمي، فلازم أوفيه.
لكن النافلة: حاجة اختيارية. صحيح منذرتهاش (ندر) لربنا، بس حابب أقدمها لربنا نظير اللي بيعمله معايا من خير وعطايا كتير. زي ما قال المزمور "ماذا أرد للرب عن كل احساناته"
"وَإِذَا عَمِلَ الرَّئِيسُ نَافِلَةً، مُحْرَقَةً أَوْ ذَبَائِحَ سَلاَمَةٍ، نَافِلَةً لِلرَّبِّ، يُفْتَحُ لَهُ الْبَابُ الْمُتَّجِهُ لِلْمَشْرِقِ،" ... يبقي الباب المتجه للمشرق، مش بس هيُفتح يوم السبت والأعياد، لكن في أي وقت الرئيس يجب يقدم ذبيحة. الباب يتفتح. أصله باب خاص بالرئيس.
طريق الصليب ده خاص بربنا يسوع له المجد.
"فَيَعْمَلُ مُحْرَقَتَهُ وَذَبَائِحَهُ السَّلاَمِيَّةَ كَمَا يَعْمَلُ فِي يَوْمِ السَّبْتِ ثُمَّ يَخْرُجُ. وَبَعْدَ خُرُوجِهِ يُغْلَقُ الْبَابُ." ... النافلة: قولنا ذبيحة اختيارية. فديه بتفكرنا: لما المسيح له المجد قاله لليهود عن حياته. "لي سلطان أن أضعها، ولي سلطان أن أخدها."
صحيح المسيح له المجد قولنا عنه "أنه أطاع حتي الموت، موت الصليب." ... لكن ربنا اختار الفداء بإرادته، لمحبته للبشر.
اذاً النافلة هنا: بتدل علي محبة ربنا لينا، وأنه قدم نفسه ذاته لينا علي عود الصليب. "هكذا أحب الله العالم حتي بذل ابنه الوحيد، لكيلا يهلك كل من يؤمن بيه. بل تكون له حياة أبدية."
وأول ما يطلع الرئيس ويخرج ... " وَبَعْدَ خُرُوجِهِ يُغْلَقُ الْبَابُ."
نفس هذا الرئيس، هو العريس. هو اللي فاتح الباب في وجه أولاده طول النهار. بس هيجي في لحظة ويقول: أُغلق الباب.. "ربنا ربنا افتح لنا." ربنا هيقول "اذهبوا عني. لا أعرفكم "
بعد خروجه، "يُغلق الباب" ... يا بخت اللي يعرف يجري ويدخل من الباب، ويبقي مع ربنا. يا بخت اللي مصباحه مليان زيت مع الحكيمات.
أما الذي يجده متغافلاً، فغير مستحق المُضي معه. (صلاة نصف الليل)
يبقي شوفنا:
- الذبائح اللي هتتقدم يوم السبت وأول كل شهر.
- الذبائح اللي هتتقدم في الأعياد.
- ذبيحة النافلة: اللي هي ذبيحة اختيارية.
13 وَتَعْمَلُ كُلَّ يَوْمٍ مُحْرَقَةً لِلرَّبِّ حَمَلاً حَوْلِيًّا صَحِيحًا. صَبَاحًا صَبَاحًا تَعْمَلُهُ. ذبيحة المُحرقة. من الآيات 13 لـ 15، هنشوف قصة جديدة.
في طقس العهد القديم، كانت تُقدم صباحا ومساءاً.
لكن هنا قال " صَبَاحًا صَبَاحًا تَعْمَلُهُ." ... لأننا بنتكلم عن كنيسة العهد الجديد. وذبيحة الافخارستيا بتُقدم صباحا فقط. مفيش مساءا، باستثناء أعياد الميلاد والغطاس والقيامة. هما دول بيكونوا مساءا.
طبعا ذبيحة المُحرقة: هي المسيح يسوع له المجد.
" حَوْلِيًّا" ... عمره سنة واحدة.
14 وَتَعْمَلُ عَلَيْهِ تَقْدِمَةً صَبَاحًا صَبَاحًا سُدْسَ الإِيفَةِ، وَزَيْتًا ثُلُثَ الْهِينِ لِرَشِّ الدَّقِيقِ. تَقْدِمَةً لِلرَّبِّ، فَرِيضَةً أَبَدِيَّةً دَائِمَةً. ومعاها التقدمة الطعامية (الطعام)، رمز لسر الافخارستيا.
"، فَرِيضَةً أَبَدِيَّةً دَائِمَةً." ... الإفخارستيا تقدم في الكنيسة حتى نهاية الأيام.
15 وَيَعْمَلُونَ الْحَمَلَ وَالتَّقْدِمَةَ وَالزَّيْتَ صَبَاحًا صَبَاحًا مُحْرَقَةً دَائِمَةً. المُحرقة تكون دايمة. هي سر الافخارستيا. وصباحية: في الصباح دايما.16 « هكَذَا قَالَ السَّيِّدُ الرَّبُّ: إِنْ أَعْطَى الرَّئِيسُ رَجُلاً مِنْ بَنِيهِ عَطِيَّةً، فَإِرْثُهَا يَكُونُ لِبَنِيهِ. مُلْكُهُمْ هِيَ بِالْوَرَاثَةِ. الآيات 16 و 17: هنبتدي في جزء تالت: بيتكلم عن الميراث، الذي يُعطيه الرئيس لأولاده.
لو الرئيس أدي حد عطية، اللي هيأخد العطية ديه من أولاده ... فالعطية ديه مؤبدة. محدش هيقدر يأخدها منه.
17 فَإِنْ أَعْطَى أَحَدًا مِنْ عَبِيدِهِ عَطِيَّةً مِنْ مِيرَاثِهِ فَتَكُونُ لَهُ إِلَى سَنَةِ الْعِتْقِ، ثُمَّ تَرْجعُ لِلرَّئِيسِ. وَلكِنَّ مِيرَاثَهُ يَكُونُ لأَوْلاَدِهِ. سَنَةِ الْعِتْقِ: هي سنة اليوبيل السنة ال 50.
"ثُمَّ تَرْجعُ لِلرَّئِيسِ. وَلكِنَّ مِيرَاثَهُ يَكُونُ لأَوْلاَدِهِ." .... طيب لو العطية ديه لحد من العبيد؟ ... هتبقي العطية ديه مؤقتة. وفي سنة اليوبيل ترجع لأولاد الرئيس..
اذاً المعني: الرئيس هو شخص ربنا يسوع المسيح له المجد.
الله يُعطي عطايا لكل العالم. "يُشرق علي الأبرار والأشرار. الصالحين والطالحين." فعطايا ربنا المادية لكل العالم، ديه عطايا مؤقتة. مرتبطة بفترة وجودنا علي الأرض. ولما تيجي سنة اليوبيل ... لما يجي المسيح له المجد علشان يحرر العالم، العطية ديه انتهت.
أما العطية اللي بيديها لأولاده، في هذا العالم. فتمتد الي الأبدية، للميراث الكامل. والكتاب المقدس قالنا: اننا وارثين مع المسيح.
معلمنا بولس الرسول قال "ان كنا أولاد، فنحن ورثة أيضا." ومعلمنا بولس الرسول فرّق بين ابن الجارية، وابن الحُرة ... "لسنا أبناء جارية، بل أبناء الحُرة." والكتاب المقدس قال "لا يرث ابن الجارية مع ابن الحُرة."
فالميراث والعطية لأولاد ربنا فقط. لكن كمان ممكن يكون في هبة من الرئيس للعبيد بشكل مؤقت.
18 وَلاَ يَأْخُذُ الرَّئِيسُ مِنْ مِيرَاثِ الشَّعْبِ طَرْدًا لَهُمْ مِنْ مُلْكِهِمْ. مِنْ مُلْكِهِ يُورِثُ بَنِيهِ، لِكَيْلاَ يُفَرَّقَ شَعْبِي، الرَّجُلُ عَنْ مِلْكِهِ». الرئيس لو أدي حد ميراث، مستحيل حد يشيل الميراث ده، حتي لو الرئيس نفسه.
"وَلاَ يَأْخُذُ الرَّئِيسُ مِنْ مِيرَاثِ الشَّعْبِ طَرْدًا لَهُمْ مِنْ مُلْكِهِمْ." ... وديه كلمة مجازية، يعني حتي الملك: ميقدرش يشيل الواحد من ميراثه. لأن المكان اللي ربنا هيدهولنا في السماء، ده مكان دايم. مش بيتغيير. مكان الي الأبد.
19 ثُمَّ أَدْخَلَنِي بِالْمَدْخَلِ الَّذِي بِجَانِبِ الْبَابِ إِلَى مَخَادِعِ الْقُدْسِ الَّتِي لِلْكَهَنَةِ الْمُتَّجِهَةِ لِلشِّمَالِ، وَإِذَا هُنَاكَ مَوْضِعٌ عَلَى الْجَانِبَيْنِ إِلَى الْغَرْبِ. أخر جزء هنتكلم عنه في الاصحاح ده، بيتكلم عن المطابخ في المبني بتاع الهيكل.
صورة توضيحية: رقم 6.. متعلم عليهم بسهمين موف.
مخادع الكهنة اللي علي جانبي الهيكل، اللي كانت علي شكل 3 أدوار ... متعلم عليهم بدايرة حمراء
بيقول في وش مخادع الكهنة، في اتجاه الغرب، كان في مبنيين متعلم عليهم بالسهم الموف.
20 وَقَالَ لِي: «هذَا هُوَ الْمَوْضِعُ الَّذِي تَطْبُخُ فِيهِ الْكَهَنَةُ ذَبِيحَةَ الإِثْمِ وَذَبِيحَةَ الْخَطِيَّةِ، وَحَيْثُ يَخْبِزُونَ التَّقْدِمَةَ، لِئَلاَّ يَخْرُجُوا بِهَا إِلَى الدَّارِ الْخَارِجِيَّةِ لِيُقَدِّسُوا الشَّعْبَ». صورة توضيحية: رقم 7..
الدار الداخلية - باللون الموف.
مذبح المُحرقة - باللون الأحمر.
الهيكل / البيت (القدس وقدس الأقداس) - باللون الأصفر الغامق.
مخادع الكهنة علي اليمين والشمال - باللون السماوي.
البناء المنفصل، الذي كان يُشير للأمم، وده في ظهر البيت - باللون الأصفر الفاتح.
علي جانبي البناء المنفصل، مطبخ من الناحيتين - باللون الأزرق الغامق.
(وهي ديه المطابخ اللي بيتكلم عنها هنا.)
"وَقَالَ لِي: هذَا هُوَ الْمَوْضِعُ الَّذِي تَطْبُخُ فِيهِ الْكَهَنَةُ ذَبِيحَةَ الإِثْمِ وَذَبِيحَةَ الْخَطِيَّةِ، وَحَيْثُ يَخْبِزُونَ التَّقْدِمَةَ،" ... المطابخ ديه، بيخبزوا فيها ذبيحة الإثم وذبيحة الخطية وخبز التقدمة.
"لِئَلاَّ يَخْرُجُوا بِهَا إِلَى الدَّارِ الْخَارِجِيَّةِ لِيُقَدِّسُوا الشَّعْبَ." ... وقال مينفعش يطلعوا بالذبيحة بره، ليقدسوا الشعب. الذبيحة لازم تفضل جوة.
بعد شوية هنتكلم عن 4 مطابخ تاني، في الدار الخارجية، وديه لذبيحة الشعب.
الذبيحة الداخلية: هنا بتُشير لشِبع الكهنة بربنا يسوع المسيح له المجد، في مخدعهم الداخلي أولا.
الكاهن علشان يقدم ربنا للناس، لازم هو شخصيا يشبع بربنا الأول. علشان يعرف يقدم ربنا كويس. مينفعش الكاهن يقدم حد ميعرفهوش. وعلشان الكاهن يقول "ذوقوا وانظروا ما أطيب الرب." يبقي لازم الكاهن يكون عارف طعم ربنا وحلاوته.
اذاّ المطابخ الداخلية: تُشير لشبع الكاهن بالمسيح يسوع ربنا له المجد. "وجدتُ كلامك حلوا، فأكلته." .. فالكاهن يشبع بالمسيح يسوع ربنا قبل ما يطلع للناس، يوصلهم المسيح له المجد.
"لِئَلاَّ يَخْرُجُوا بِهَا إِلَى الدَّارِ الْخَارِجِيَّةِ لِيُقَدِّسُوا الشَّعْبَ." ... مينفعش يطلعوا بالمٌقدسات الي خارج.
خبز البنين، خاص بالبنين.
21 ثُمَّ أَخْرَجَنِي إِلَى الدَّارِ الْخَارِجِيَّةِ وَعَبَّرَنِي عَلَى زَوَايَا الدَّارِ الأَرْبَعِ، فَإِذَا فِي كُلِّ زَاوِيَةٍ مِنَ الدَّارِ دَارٌ. هنلاقي في الدار الخارجية: في مطابخ تاني. صورة توضيحية: رقم 8.
الجزء المتحاوط بالأصفر - الدار الخارجية اللي موجودة في (صورة رقم 7) اللي فيها المطبخين بتوع الكهنة.
السور الموف - سور عريض، ده السور الخارجي، اللي فيه ال 30 مخدع اللي بره.
الأسهم الزرقاء - دول التلات بوابات.
المربعات الصفراء الصغيرة، اللي في الأربع جوانب - هما المطابخ اللي بيتكلم عنهم هنا. في زوايا البيت كله.
22 فِي زَوَايَا الدَّارِ الأَرْبَعِ دُورٌ مُصَوَّنَةٌ طُولُهَا أَرْبَعُونَ وَعَرْضُهَا ثَلاَثُونَ. لِلزَّوَايَا الأَرْبَعِ قِيَاسٌ وَاحِدٌ. دُورٌ مُصَوَّنَةٌ: مصونة، يعني ليها دور خاص بيها. متصانة.
"طُولُهَا أَرْبَعُونَ وَعَرْضُهَا ثَلاَثُونَ." ... برده هنا مقالش أي مقاييس، لا ذراع ولا قصبة ولا أي حاجة.
"لِلزَّوَايَا الأَرْبَعِ قِيَاسٌ وَاحِدٌ." ... في الأربع زوايا، مقاسهم واحد.
23 وَمُحِيطَةٌ بِهَا حَافَةٌ حَوْلَ الأَرْبَعَةِ، وَمَطَابِخُ مَعْمُولَةٌ تَحْتَ الْحَافَاتِ الْمُحِيطَةِ بِهَا. 24 ثُمَّ قَالَ لِي: «هذَا بَيْتُ الطَّبَّاخِينَ حَيْثُ يَطْبُخُ خُدَّامُ الْبَيْتِ ذَبِيحَةَ الشَّعْبِ». صورة توضيحية: رقم 9.
الأربع أسهم الحمراء.. مطابخ الشعب. مطابخ الكهنة ومطابخ الشعب، الاتنين للذبيحة.
المطابخ الخاصة بالكهنة، المطابخ الداخلية.. ديه خاصة بالكهنة فقط علشان الكاهن يشبع بربنا الأول، ويقدر يوصل بعد كده ربنا صح، للناس ولكل العالم. في أربع اتجاهات الأرض (شمال – جنوب – شرق – غرب.)
الأربع مطابخ بتاعة الشعب، اللي موجودين في الدار الخارجية ... بيتميزوا بحاجتين:
1) أبعادهم 40 في 30.
الأبعاد ديه .. مين اللي هيقدم ربنا؟ أكيد خدامه.
رقم 40 و30 .. مرتبطين بالخدمة. رقم 40: هو عدد الأيام اللي صامها موسي النبي، علشان يستلم الشريعة ويخدم شعبه. وكمان هو عدد الأيام اللي صامها ربنا يسوع المسيح له المجد، قبل بدء خدمته علي الأرض بالجسد.
رقم 30: ده سن بداية الخدمة في العهد القديم، زي ما يسوع ا لمسيح له المجد بدأ خدمته في سن التلاتين.
اذاً المطابخ 40 في 30 .. هي رقم الخدمة.
2) ليهم سور خاص بيهم .. علشان ديه المُقدسات. ومش أي حد يقدر يتقدم لسر الافخارستيا.
القدسات للقديسين.
اذا ً السور ده يُمثل: سلطان الحِل والربط: من غفرتم لهم خطاياهم، غُفرت. ومن أمسكتوهما عليهم، أُمسكت"
السور ده يوضح هما سمحوا لمين، أو ربنا أدي من خلال سلطان الكهنوت: السماح لمين يتقدم، ومين يتمنع.
لازم الانسان يشعر برهبة المقدسات والذبيحة.
ازاي أنا كخادم: أقدم ربنا للناس، من خلال سلوكي وتصرفاتي."يروا أعمالكم الحسنة. فيمجدوا أباكم الذي في السموات"
"نسعى كسفراء عن المسيح، كأن الله يعظ بينا." الخادم بتصرفاته وسلوكه، بيقدم ربنا للعالم. علشان كده 40 x 30.
وكمان في سور يُحيط بالمبني، الذي يُمثل مطابخ الشعب.
شوفنا في الاصحاح ده:
. الرئيس: السيد المسيح يسوع له المجد الذي يُحيط بشعبه. وهو أيضا في وسط شعبه.
. المسيح الرئيس: الذي قدم ذاته علي خشبة الصليب.
. الرئيس المسيح: الذي وقف في الباب.
. الرئيس المسيح: الذي ظهر في صورة العبد.
. مكان اللاويين: في المدينة المقدسة، مكان الكهنة.
. العطية اللي طلبها ربنا من شعبه، رغم أنه صاحب كل العطايا.
"منك الجميع، ومن يدك أعطيناك."
⪢