↰🏠 
🔝

حزقيال

فهرس الاصحاحات 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48

الاصحاح 5

فهرس الاعداد1 2 3 4 5 6 7 8 9 10 11 12 13 14 15 16 17
📖 Aᴬ   - + 📢 📚
⪡ 1 «وَأَنْتَ يَا ابْنَ آدَمَ، فَخُذْ لِنَفْسِكَ سِكِّينًا حَادًّا، مُوسَى الْحَلاَّقِ تَأْخُذُ لِنَفْسِكَ، وَأَمْرِرْهَا عَلَى رَأْسِكَ وَعَلَى لِحْيَتِكَ. وَخُذْ لِنَفْسِكَ مِيزَانًا لِلْوَزْنِ وَاقْسِمْهُ، "سكينا حادا" ... هات يا حزقيال سكين وديه مخصوص للحلاقة. موس الحلاقة. واحلق شعرك ولحيتك. اصلا حزقيال كاهن وممنوع علي الكاهن في العهد القديم انه يحلق شعر راسه ودقنه. ولو عمل كده: كانت بتبقي نجاسة وعار. وكمان يمثل رفضه من الكهنوت، كأن ربنا رافضه. وكمان رفض ربنا ان الكهنة والانبياء يبقوا وسطاء بين ربنا وشعبه. "سكينا حادا" ...كمان بتمثل حرب شديدة. وتشير للذل والعار ... لأن زمان لما كانوا بيقبضوا علي ملك او عبيد: كانوا بيحلقولهم. فكأن ربنا بيقول: إن أنبياء اورشليم وكهنتها كلهم مرفوضين. اذا بحلاقة شعرك ودقنك يا حزقيال: انا رفضت الكهنة اللي عندكم، رفضت كهنة وأنبياء إسرائيل، ومش هاتعامل مع الشعب عن طريقهم. "وخد لنفسك ميزانا للوزن اقسمه" ... ميزان: معناه ان اوامر ربنا واحكامه من حاجة كده وخلاص، ديه احكام موزونة.
2 وَأَحْرِقْ بِالنَّارِ ثُلُثَهُ فِي وَسْطِ الْمَدِينَةِ إِذَا تَمَّتْ أَيَّامُ الْحِصَارِ. وَخُذْ ثُلُثًا وَاضْرِبْهُ بِالسَّيْفِ حَوَالَيْهِ، وَذَرِّ ثُلُثًا إِلَى الرِّيحِ، وَأَنَا أَسْتَلُّ سَيْفًا وَرَاءَهُمْ. ربنا قاله: تأخذ الشعر المقصوص ده وتعمل زي ما هاقولك. - تلته يتحرق بالنار... وده رمز للي هيحصل وقت حصار وخراب اورشليم علي يد نبوخذنصر. كتير منهم هيموتوا من النار والمجاعة والوبأ. - وتلته اضربه بالسيف... رمز للي هيموتوا بحد السيف. - وتلته ذريه " ذر ثلثا" ... يعين شتته. وده رمز للي باقيين وهيتشتتوا في كل الأرض، مش في بابل بس.
3 وَخُذْ مِنْهُ قَلِيلاً بِالْعَدَدِ وَصُرَّهُ فِي أَذْيَالِكَ. " صره" ... القليلين اللي باقيين اربطهم في صرة وحطهم في ذيل ثوبك. يعني دول اللي ربنا هيحفظهم.
4 وَخُذْ مِنْهُ أَيْضًا وَأَلْقِهِ فِي وَسْطِ النَّارِ، وَأَحْرِقْهُ بِالنَّارِ. مِنْهُ تَخْرُجُ نَارٌ عَلَى كُلِّ بَيْتِ إِسْرَائِيلَ. وحتى البقية الحلوة ديه، شوية منهم: برده هيقع ... لكن الحقيقة البقية الأمينة ربنا هيحافظ عليهم. زي ماشوفنا مع دانيال والتلات فيتة وأكيد غيرهم كتير. ودول كانوا مثال للمجموعة اللي اتحطوا في طرف ثوب حزقيال النبي.
5 «هكَذَا قَالَ السَّيِّدُ الرَّبُّ: هذِهِ أُورُشَلِيمُ. فِي وَسْطِ الشُّعُوبِ قَدْ أَقَمْتُهَا وَحَوَالَيْهَا الأَرَاضِي. "هذه اورشليم" ... ربنا بيحدد كلامه علي اورشليم مدينة الملك العظيم. فربنا هيبتدي يحكي قصته مع شعبه. "في وسط الشعوب قد اقتمتها وحواليها الاراضي" ... انا اختارت اورشليم واحتارت الشعب ده. واقامته في وسط الشعوب لذاتي، علشان يشهد ليا وسط الشعوب. بس هو معملش كده. هما بيفتخروا انهم شعب الله بس للأسف مش بيشهدوا لله قدام باقي الشعوب. وبما انهم رفضوا يشهدوا لربنا، فربنا رفضهم. الموضوع مش اننا نفتخر اننا اولاد الله وخلاص، لكن المفروض بتصرفاتنا واسلوبنا وحياتنا نشهد لربنا الهنا.
6 فَخَالَفَتْ أَحْكَامِي بِأَشَرَّ مِنَ الأُمَمِ، وَفَرَائِضِي بِأَشَرَّ مِنَ الأَرَاضِي الَّتِي حَوَالَيْهَا، لأَنَّ أَحْكَامِي رَفَضُوهَا وَفَرَائِضِي لَمْ يَسْلُكُوا فِيهَا. "فخالفت احكامي باشر من الامم" ... هنا بيقول انهم فاقوا سدوم وعمورة. "وفرائضي باشر من الاراضي التي حواليها" ... يعني اقمتهم ليا واديتهم الوصية والشريعة والناموس علشان يحافظوا عليها، بس رفضوها. ومسلكوش فيها.
7 لأَجْلِ ذلِكَ هكَذَا قَالَ السَّيِّدُ الرَّبُّ: مِنْ أَجْلِ أَنَّكُمْ ضَجَجْتُمْ أَكْثَرَ مِنَ الأُمَمِ الَّتِي حَوَالَيْكُمْ، وَلَمْ تَسْلُكُوا فِي فَرَائِضِي، وَلَمْ تَعْمَلُوا حَسَبَ أَحْكَامِي، وَلاَ عَمِلْتُمْ حَسَبَ أَحْكَامِ الأُمَمِ الَّتِي حَوَالَيْكُمْ، والنتيجة: لما انهم رفضوا شريعة الله والناموس، فهما هيعملوا لنفسهم ناموس بشع. "ضججتم" ... تمردوا بصياح. " مِنْ أَجْلِ أَنَّكُمْ ضَجَجْتُمْ أَكْثَرَ مِنَ الأُمَمِ الَّتِي حَوَالَيْكُمْ، " ... فسدتوا اكتر من الأمم اللي حواليكم، شعب ربنا بقي اسوأ من الشعوب اللي حواليه وفاق سدوم وعمورة. مكانوش عاوزين شريعة ربنا ولا وصاياه. عاوزين يمشوا علي مزاجهم، زي ما هما عاوزين وبس ...ده حتي ربنا بيبكتهم لأنه عاوزهم يتوبوا قبل ما العقاب يجي عليهم وبيقولهم ... " ولا عملتم حسب احكام الامم التي حواليكم" ... ياريتكم حتي كنتم عدلين شوية زي الامم العدلة الحلوة اللي حواليكم، لان كان في بعض الامم عندهم شوية شرائع واحكام مقبولة. اسرائيل فاقوا الوصف في الفساد ... الاصحاح ده هنرجع له كتير في دراستنا لسفر حزقيال، وهنفهم ليه ربنا بيعمل كده معاهم، وبيقولهم كده: لأنه بيعد ليهم الخطايا بتاعتهم . وهنلاقي في حزقيال 22: امثلة لخطايا بني اسرائيل.
8 لِذلِكَ هكَذَا قَالَ السَّيِّدُ الرَّبُّ: هَا إِنِّي أَنَا أَيْضًا عَلَيْكِ، وَسَأُجْرِي فِي وَسْطِكِ أَحْكَامًا أَمَامَ عُيُونِ الأُمَمِ، " هَا إِنِّي أَنَا أَيْضًا عَلَيْكِ،" ... وده العقاب اللي جاي عليهم: ان ربنا هيبقي ضد شعبه. وبما انك المفروض كنتي تشهد ليا قدام الامم. فانتي هتتعاقبي قدام الامم. اصلك يا اورشليم مش عاوزة تيجي بالراحة والذوق، فلازم اعاقبك وعقابك يكون علني قدام الكل.
9 وَأَفْعَلُ بِكِ مَا لَمْ أَفْعَلْ، وَمَا لَنْ أَفْعَلَ مِثْلَهُ بَعْدُ، بِسَبَبِ كُلِّ أَرْجَاسِكِ. من اوحش الحاجات اللي عملوها: نجاسة الهيكل ... "ارجاسك". وانهم دخلوا الاوثان جوة الهيكل وعبدوها. هنشوفها في اصحاح 8.
10 لأَجْلِ ذلِكَ تَأْكُلُ الآبَاءُ الأَبْنَاءَ فِي وَسْطِكِ، وَالأَبْنَاءُ يَأْكُلُونَ آبَاءَهُمْ. وَأُجْرِي فِيكِ أَحْكَامًا، وَأُذَرِّي بَقِيَّتَكِ كُلَّهَا فِي كُلِّ رِيحٍ. "لأجل ذلك" ... لما انهم رفضوا وصية الله، ومشيوا بشريعة صعبة زي شريعة الغابة: زي اكلي لحوم البشر، وهما فعلا هيوصلوا للمرحلة ديه وكله هيأكل في بعضه. وبقيت طبيعتهم وحشية وبيأكلوا لحم بعض. وده طبعا لان مفيش وصية ربنا في قلوبهم. " وَأُجْرِي فِيكِ أَحْكَامًا" ... هيحصل فيكي عقوبات كتيرة نتيجة شرك يا اورشليم. " وَأُذَرِّي بَقِيَّتَكِ كُلَّهَا فِي كُلِّ رِيحٍ" ... يعني هتتشتتوا وتتفرقوا في اماكن كتير.
11 مِنْ أَجْلِ ذلِكَ حَيٌّ أَنَا، يَقُولُ السَّيِّدُ الرَّبُّ، مِنْ أَجْلِ أَنَّكِ قَدْ نَجَّسْتِ مَقْدِسِي بِكُلِّ مَكْرُهَاتِكِ وَبِكُلِّ أَرْجَاسِكِ، فَأَنَا أَيْضًا أَجُزُّ وَلاَ تُشْفُقُ عَيْنِي، وَأَنَا أَيْضًا لاَ أَعْفُو. " وَلاَ تُشْفُقُ عَيْنِي" ... ربنا لا يشفق يعني ربنا زعلان اوووي منهم. مشكلتهم انهم رفضوا الوصية ونجسوا الهيكل. الخطيتين دول ضيعوا شعب اسرائيل. فربنا قالهم " فَأَنَا أَيْضًا أَجُزُّ وَلاَ تُشْفُقُ عَيْنِي،" ... مسكين الانسان اللي يوصل مع ربنا للمرحلة ديه. "أجز" ... زي جز صوف الغنم، فربنا هيشيل منهم الكرامة، مش هيشفق عليهم، لانهم رافضين التوبة. فياريت نفوق ونتوب ونرجع لربنا ونستغل زمن مراحم ربنا، قبل ما يجي زمن الدينونة والعقوبة. " وَأَنَا أَيْضًا لاَ أَعْفُو" ... يعني ربنا مش هيسامحهم لانهم مش عاوزين يتوبوا.
12 ثُلُثُكِ يَمُوتُ بِالْوَبَإِ، وَبِالْجُوعِ يَفْنَوْنَ فِي وَسْطِكِ. وَثُلُثٌ يَسْقُطُ بِالسَّيْفِ مِنْ حَوْلِكِ، وَثُلُثٌ أُذَرِّيهِ فِي كُلِّ رِيحٍ، وَأَسْتَلُّ سَيْفًا وَرَاءَهُمْ. " ثلثك يموت بالوبأ وبالجوع يفنون في وسطك" ... التلت هيموت بالوبأ والجوع. " وثلث يسقط بالسيف من حولك" ... والتلت هيموت بالسيف. "زثلث أذريه في كل ريح، وأستل سيفا وراءهم" ... والتلت هيتشتت ، ودول هيموتوا بالسيف.
13 وَإِذَا تَمَّ غَضَبِي وَأَحْلَلْتُ سَخَطِي عَلَيْهِمْ وَتَشَفَّيْتُ، يَعْلَمُونَ أَنِّي أَنَا الرَّبُّ تَكَلَّمْتُ فِي غَيْرَتِي، إِذَا أَتْمَمْتُ سَخَطِي فِيهِمْ. "وتشفيت" ... معناها هنا: ان كل الخطايا بتاعة اسرائيل وقفت قدام عدالة الله، وأخدت نصيبها من الجزاء. معناها: عدل الله اخد مجراه. هما فاكرين ان الله رحوم وشفوق للابد، ونسيوا ان زي ماربنا رحيم ومراحمه لانهائية. هو كمان عادل عدل لانهائي. "يعلمون اني انا الرب تكلمت في غيرتي، اذا أتممت سخطي فيهم." ... زي ماكنتي شعبي في وسط الشعوب (هيكمل الكلام في آية 14)
14 وَأَجْعَلُكِ خَرَابًا وَعَارًا بَيْنَ الأُمَمِ الَّتِي حَوَالَيْكِ أَمَامَ عَيْنَيْ كُلِّ عَابِرٍ، "عارا" ... اسمه حزقيال ابن بوزي، بوزي معناها: احتقار او عار. وكأن اسم حزقيال: بيبين خلاصة السفر. وان ربنا بيقوي حزقيال النبي علشان يتنبأ علي العار اللي جاي علي الشعب ده. "واجعلك" ... يا اورشليم. " الأُمَمِ الَّتِي حَوَالَيْكِ أَمَامَ عَيْنَيْ كُلِّ عَابِرٍ" ... كل اللي هيعدي ويشوفك، هيعرف ان ربنا غضب علي شعبه بسبب كبريائه.
15 فَتَكُونِينَ عَارًا وَلَعْنَةً وَتَأْدِيبًا وَدَهَشًا لِلأُمَمِ الَّتِي حَوَالَيْكِ، إِذَا أَجْرَيْتُ فِيكِ أَحْكَامًا بِغَضَبٍ وَبِسَخَطٍ وَبِتَوْبِيخَاتٍ حَامِيَةٍ. أَنَا الرَّبُّ تَكَلَّمْتُ. " عَارًا وَلَعْنَةً وَتَأْدِيبًا وَدَهَشًا" ... كل الحاجات ديه هتحصل في اورشليم. "دهشا" ... كل اللي هيشوف خراب اورشليم، هيتعجب. وان ازاي مجدها زال عنها. "انا الرب تكلمت " ... وده تأكيد ان الكلام من ربنا، مش من حزقيال النبي. ولما يوصل الكلام ده للشعب يقولهم ده كلام ربنا مش كلامي انا. فهتيجي أيام صعبة علي اورشليم، علشان يعرفوا ان رنبا له المجد مش بيسكت علي الغلط. وبيكره الشر. ومهما ربنا طول باله، بس العقاب في الاخر هيجي شديد
16 إِذَا أَرْسَلْتُ عَلَيْهِمْ سِهَامَ الْجُوعِ الشِّرِّيرَةَ الَّتِي تَكُونُ لِلْخَرَابِ الَّتِي أُرْسِلُهَا لِخَرَابِكُمْ، وَأَزِيدُ الْجُوعَ عَلَيْكُمْ، وَأُكَسِّرُ لَكُمْ قِوَامَ الْخُبْزِ، هيأكلوا الخبز بالجوع والحيرة، وهتبقي عندهم مجاعة شديدة. لدرجة انهم في وقت من الأوقات مش هيلاقوا الخبز...
17 وَإِذَا أَرْسَلْتُ عَلَيْكُمُ الْجُوعَ وَالْوُحُوشَ الرَّدِيئَةَ فَتُثْكِلُكِ، وَيَعْبُرُ فِيكِ الْوَبَأُ وَالدَّمُ، وَأَجْلُبُ عَلَيْكِ سَيْفًا. أَنَا الرَّبُّ تَكَلَّمْتُ». " وَيَعْبُرُ فِيكِ الْوَبَأُ وَالدَّمُ،" ... بتفكرنا بالملاك المهلك اللي عبر وقت أبكار المصريين. "فتثكلك" ... الثكلى هي الأم التي مات أبناؤها، أي يموت أبناؤك يا أورشليم. أصبحت خربة، بلا أسوار، تهاجمها الوحوش وتجرح وتقتل الكثيرين من أبنائها، وتنتشر الأمراض وتمتلئ الشوارع بالدم ويموت الكثيرون.
 ⪢