⪡ 1فِي الشَّهْرِ الثَّامِنِ فِي السَّنَةِ الثَّانِيَةِ لِدَارِيُوسَ، كَانَتْ كَلِمَةُ الرَّبِّ إِلَى زَكَرِيَّا بْنِ بَرَخِيَّا بْنِ عِدُّو النَّبِيِّ قَائِلاً: "فِي الشَّهْرِ الثَّامِنِ فِي السَّنَةِ الثَّانِيَةِ لِدَارِيُوسَ،"... تاريخ نبوة زكريا النبي، كانت في السنة التانية لداريوس الملك الفارسي. (تقريبا حوالي سنة 520 قبل الميلاد).
تأريخ النبوات قبل السبي، كانت بحسب ملوك مملكة إسرائيل أو مملكة يهوذا. لكن بسبب خطاياهم وانهم اتسبوا، بس التأريخ حسب الملوك الوثنيين).
"كَانَتْ كَلِمَةُ الرَّبِّ إِلَى زَكَرِيَّا بْنِ بَرَخِيَّا بْنِ عِدُّو النَّبِيِّ قَائِلًا:" ... ربنا له المجد بعت رسالته لزكريا النبي، علشان يوصلها للشعب.
2« قَدْ غَضِبَ الرَّبُّ غَضَبًا عَلَى آبَائِكُمْ. "قَدْ غَضِبَ الرَّبُّ غَضَبًا عَلَى آبَائِكُمْ"... وديه الرسالة اللي بيوصلها زكريا النبي للشعب.
"آبَائِكُم." ... ممكن يكون مقصود بيها: الناس الكبيرة شوية في السن، اللي ليهم 15 سنة، بعد ما رجعوا من السبي. نايمين ومكسلين ومش راضيين يكملوا الشغل في الهيكل.
أو المقصود: التاريخ الطويل لشعب اليهود، وانهم دايما معاندين لكلمة ربنا له المجد.
3فَقُلْ لَهُمْ: هكَذَا قَالَ رَبُّ الْجُنُودِ: ارْجِعُوا إِلَيَّ، يَقُولُ رَبُّ الْجُنُودِ، فَأَرْجِعَ إِلَيْكُمْ، يَقُولُ رَبُّ الْجُنُودِ. "ارْجِعُوا إِلَيَّ، يَقُولُ رَبُّ الْجُنُودِ، فَأَرْجِعَ إِلَيْكُمْ، يَقُولُ رَبُّ الْجُنُودِ." ... طيب ايه هو الحل يارب؟
الحل: ارجعوا اليا. فأرجع اليكم.. ارجعوا اليا بقلوبكم وتصرفاتكم. مش رجوعكم لأورشليم، لأ مش ده المقصود.
زي لما بنكون موجودين في الكنيسة بالجسد فقط. بجسمنا بس. بس قلبي مش مع ربنا. ولا في القداس ولا في كلمة ربنا له المجد.
فاحنا لازم نرجع لربنا له المجد، بكل قلوبنا وحواسنا. "تُحِبُّ الرَّبَّ إِلهَكَ مِنْ كُلِّ قَلْبِكَ، وَمِنْ كُلِّ نَفْسِكَ، وَمِنْ كُلِّ قُدْرَتِكَ، وَمِنْ كُلِّ فِكْرِكَ، وَقَرِيبَكَ مِثْلَ نَفْسِكَ" ... هي ديه التوبة الحقيقية. وهو ده الرجوع لربنا له المجد.
" هكَذَا قَالَ رَبُّ الْجُنُودِ:" ... رب الجنود: اتكررت 3 مرات.
المقصود بيها: أن ربنا له المجد صاحب القوة. وأنت ناوي ترجع لربنا، متخافش أبدا من أي حاجة. لأنه رب الجنود. وديه نفس المعني: بتاع رب الصباؤوت. اللي بنقولها في القداس.
وده اعلان في العهد القديم عن الله المثلث الاقانيم. بأن التوبة هي رجوع للآب، عن طريق الابن، من خلال الروح القدس.
4لاَ تَكُونُوا كَآبَائِكُمُ الَّذِينَ نَادَاهُمُ الأَنْبِيَاءُ الأَوَّلُونَ قَائِلِينَ: هكَذَا قَالَ رَبُّ الْجُنُودِ: ارْجِعُوا عَنْ طُرُقِكُمُ الشِّرِّيرَةِ وَعَنْ أَعْمَالِكُمُ الشِّرِّيرَةِ. فَلَمْ يَسْمَعُوا وَلَمْ يُصْغُوا إِلَيَّ، يَقُولُ رَبُّ الْجُنُودِ. بلاش تبقوا زي اللي كانوا قبلكم. لأني يا ما حذرت الناس كتير أوي. وكفاية الأعمال الشريرة بتاعتكم.
لكن مكانوش بيسمعوا ليا. ومش بيسمعوا لكلام ولا لرسايل الأنبياء.
5آبَاؤُكُمْ أَيْنَ هُمْ؟ وَالأَنْبِيَاءُ هَلْ أَبَدًا يَحْيَوْنَ؟ الأنبياء ياما حذروا أباء اليهود والأجيال اللي قبل كده. طيب الأنبياء اللي حذروهم، ماتوا. والأباء اللي تم تحذيرهم، برده ماتوا.
"آبَاؤُكُمْ أَيْنَ هُمْ؟ وَالأَنْبِيَاءُ هَلْ أَبَدًا يَحْيَوْنَ؟" ... فالمعني هنا: أن الحياة قصيرة علي الكل. كله مات حتي الأنبياء. لكن تبقي كلمة الله، التي لا تموت. والإنسان اللي بيعيش حسب ارادة الله، يحيا الي الأبد. لكن الجسد بيموت علي الأرض.
فالمعني: الحياة قصيرة علي الكل. طيب أنت جهزت ايه للخطة ديه؟6وَلكِنْ كَلاَمِي وَفَرَائِضِي الَّتِي أَوْصَيْتُ بِهَا عَبِيدِي الأَنْبِيَاءَ، أَفَلَمْ تُدْرِكْ آبَاءَكُمْ؟ فَرَجَعُوا وَقَالُوا: كَمَا قَصَدَ رَبُّ الْجُنُودِ أَنْ يَصْنَعَ بِنَا كَطُرُقِنَا وَكَأَعْمَالِنَا، كَذلِكَ فَعَلَ بِنَا». "وَلكِنْ كَلاَمِي وَفَرَائِضِي الَّتِي أَوْصَيْتُ بِهَا عَبِيدِي الأَنْبِيَاءَ، أَفَلَمْ تُدْرِكْ آبَاءَكُمْ؟"... صحيح كلهم ماتوا. لكن فضلت كلمة ربنا له المجد، واتنفذت.
"فَرَجَعُوا وَقَالُوا: كَمَا قَصَدَ رَبُّ الْجُنُودِ أَنْ يَصْنَعَ بِنَا كَطُرُقِنَا وَكَأَعْمَالِنَا، كَذلِكَ فَعَلَ بِنَا." ... ورجعوا قالوا: ياه، ده كل اللي ربنا قاله، حصل بالظبط. يعني اتعاقبوا وأتأدبوا حسب كلام ربنا ليهم
7فِي الْيَوْمِ الرَّابعِ وَالْعِشْرِينَ مِنَ الشَّهْرِ الْحَادِي عَشَرَ، هُوَ شَهْرُ شَبَاطَ. فِي السَّنَةِ الثَّانِيَةِ لِدَارِيُوسَ، كَانَتْ كَلِمَةُ الرَّبِّ إِلَى زَكَرِيَّا بْنِ بَرَخِيَّا بْنِ عِدُّو النَّبِيِّ قَائِلاً: أول رؤيا من الرؤي التسعة لزكريا النبي:
"فِي الْيَوْمِ الرَّابعِ وَالْعِشْرِينَ مِنَ الشَّهْرِ الْحَادِي عَشَرَ، هُوَ شَهْرُ شَبَاطَ. فِي السَّنَةِ الثَّانِيَةِ لِدَارِيُوسَ،"... كانت في السنة التانية لداريوس الملك الفارسي.
" الشَّهْرِ الْحَادِي عَشَرَ،" ... بعد 5 شهور من بداية بناء الهيكل.
" شَهْرُ شَبَاطَ." ... هو شهر فبراير.
"كَانَتْ كَلِمَةُ الرَّبِّ إِلَى زَكَرِيَّا بْنِ بَرَخِيَّا بْنِ عِدُّو النَّبِيِّ قَائِلًا:" ... أول نبوة.
8رَأَيْتُ فِي اللَّيْلِ وَإِذَا بِرَجُل رَاكِبٍ عَلَى فَرَسٍ أَحْمَرَ، وَهُوَ وَاقِفٌ بَيْنَ الآسِ الَّذِي فِي الظِّلِّ، وَخَلْفَهُ خَيْلٌ حُمْرٌ وَشُقْرٌ وَشُهْبٌ. الرؤيا:
"رَأَيْتُ فِي اللَّيْلِ وَإِذَا بِرَجُل رَاكِبٍ عَلَى فَرَسٍ أَحْمَرَ، وَهُوَ وَاقِفٌ بَيْنَ الآسِ الَّذِي فِي الظِّلِّ، وَخَلْفَهُ خَيْلٌ حُمْرٌ وَشُقْرٌ وَشُهْبٌ." ... أن زكريا النبي شاف راجل في الظل، راكب علي حصان أحمر.
ووراه، خيول متعددة الألوان.
"وَهُوَ وَاقِفٌ بَيْنَ الآسِ الَّذِي فِي الظِّلِّ،" ... وشافه بين أشجار الآس، وده شجر عطري ليه رائحة حلوة. وبيستخدم كعلاج.
" رَأَيْتُ فِي اللَّيْلِ وَإِذَا بِرَجُل رَاكِبٍ عَلَى فَرَسٍ أَحْمَرَ،" ... الرجل، هو أقنوم الكلمة. طيب ليه راجل؟
لأنه هيظهر في ملء الزمان، في صورة إنسان. وليه راكب علي فرس أحمر؟ لأنه أصلا جاي يقدم نفسه ذبيحة، علي عود الصليب.
واشعياء النبي: هو كمان شاف ربنا له المجد. وقاله: "مَنْ ذَا الآتِي مِنْ أَدُومَ، بِثِيَابٍ حُمْرٍ ... مَا بَالُ لِبَاسِكَ مُحَمَّرٌ، وَثِيَابُكَ كَدَائِسِ الْمِعْصَرَةِ؟ قَدْ دُسْتُ الْمِعْصَرَةَ وَحْدِي، وَمِنَ الشُّعُوبِ لَمْ يَكُنْ مَعِي أَحَدٌ."(اشعياء 63 : 1 – 3 ).
اذاً الفرس الأحمر: رمز للفداء. للذبيحة.
وليه واقف في الضل، مستخبي بين الأشجار؟ لأن في العهد القديم شوفنا ربنا له المجد، من خلال الظلال. من خلال النبوات والرموز. لكن الصورة ظهرت كاملة وواضحة في ملء الزمان.
طيب والشجر العطري اللي فيه الشفاء؟ لأن ذبيحة الصليب كانت ذبيحة ليها رائحة ذكية. ولشفاء الأمم من موت الخطية.
" وَشُهْبٌ." ... الخيل الأشهب: الخيل لونه أبيض. الأشهب: هو اللون الأبيض.
9فَقُلْتُ: «يَا سَيِّدِي، مَا هؤُلاَءِ؟» فَقَالَ لِي الْمَلاَكُ الَّذِي كَلَّمَنِي: «أَنَا أُرِيكَ مَا هؤُلاَءِ». "فَقُلْتُ: يَا سَيِّدِي، مَا هؤُلاَءِ؟ فَقَالَ لِي الْمَلاَكُ الَّذِي كَلَّمَنِي" ... زكريا النبي سأل ملاك كان معاه. عاوز يفهم الرؤيا. بيسأل علي الخيول اللي شافها.
في سفر دانيال: ربنا له المجد جاب الملاك جبرائيل ووصاه أنه يتمشي مع دانيال النبي، ويشرح له الرؤيا اللي شافها. وربنا له المجد قال لجبرائيل رئيس الملايكة: يا جبرائيل فهم هذا الرجل.
فهنا برده، ربنا له المجد خصص ملاك مع زكريا النبي، علشان يشرحله الرؤيا. ونفس القصة حصلت مع يوحنا الحبيب، في سفر الرؤيا، وكان في ملاك بيتكلم معاه"
" أَنَا أُرِيكَ مَا هؤُلاَءِ." ... هنا الملاك هيفهم زكريا النبي الرؤيا اللي شافها.
10فَأَجَابَ الرَّجُلُ الْوَاقِفُ بَيْنَ الآسِ وَقَالَ: «هؤُلاَءِ هُمُ الَّذِينَ أَرْسَلَهُمُ الرَّبُّ لِلْجَوَلاَنِ فِي الأَرْضِ». "فَأَجَابَ الرَّجُلُ الْوَاقِفُ بَيْنَ الآسِ وَقَالَ:"... زكريا النبي سأل الملاك. لكن اللي جاوب زكريا النبي هو الله شخصيا.
"هؤُلاَءِ هُمُ الَّذِينَ أَرْسَلَهُمُ الرَّبُّ لِلْجَوَلاَنِ فِي الأَرْضِ." ... والخيول المتعددة الألوان اللي أرسلهم ربنا، للجولان في الأرض. ممكن يكون ليهم معنايين:
- المعني الأول: أن دول الملايكة اللي شغلتهم، خدمة العتيدين أن يرثوا الخلاص. الملايكة بكل الرتب والطغمات. وبكل أعمالها.
"هؤُلاَءِ هُمُ الَّذِينَ أَرْسَلَهُمُ الرَّبُّ لِلْجَوَلاَنِ فِي الأَرْضِ." ... عن الفكرة اللي بتقول، انهم ملايكة.
في القداس الغريغوري بنقول: الذي ثبت صفوف غير المتجسدين (اللي هما الملايكة) في البشر.
ربنا له المجد سمح للملايكة انهم يكونوا وسطينا. ونسبح كلنا مع بعض. هو ده الجولان في الأرض. الكنيسة هي بيت الملايكة. بنتشارك مع الملايكة في التسبيح، وبنقول: اقبل منا نحن أيضا تسبيحنا مع غير المرئيين. احسبنا مع القوات ا لسمائية.
- المعني التاني: أن في ناس بتقول، أن دول الأنبياء والكارزين اللي أرسلهم ربنا للجولان في الأرض، ليعلنوا اسمه ورسالته.
(ربنا لا يترك نفسه بلا شاهد.) ... بيعلنوا نبواتهم عن المسيح يسوع له المجد، المُنتظر.
11فَأَجَابُوا مَلاَكَ الرَّبِّ الْوَاقِفِ بَيْنَ الآسِ وَقَالُوا: «قَدْ جُلْنَا فِي الأَرْضِ وَإِذَا الأَرْضُ كُلُّهَا مُسْتَرِيحَةٌ وَسَاكِنَةٌ». "فَأَجَابُوا"... المقصود بيه: الملايكة أو الأنبياء (حسب المعنايين اللي شوفناهم في الآية 10).
"مَلاَكَ الرَّبِّ" ... هو نفسه الرجل الراكب علي الخيل الأحمر. ربنا يسوع المسيح له المجد. الواقف بين شجر الآس.
أكتر من مرة، يتقال عن أقنوم الكلمة، ربنا يسوع المسيح له المجد: انه ملاك الرب أو ملاك العهد.
لأن كلمة ملاك: معناها مُرسل. وربنا له المجد هو الذي أتي لخلاص الإنسان والبشرية كلها.
" مَلاَكَ الرَّبِّ الْوَاقِفِ بَيْنَ الآسِ" ... فكده واضحة أنه ربنا يسوع المسيح له المجد.
" وَقَالُوا: قَدْ جُلْنَا فِي الأَرْضِ وَإِذَا الأَرْضُ كُلُّهَا مُسْتَرِيحَةٌ وَسَاكِنَةٌ." ... وديه ليها معنايين، معني مباشر ومعني رمزي:
- المعني المباشر: أن ديه رسالة للناس اللي في أورشليم في الوقت ده. ربنا له المجد بيقولهم: أنت مش عاوزين تتحركوا وتبنوا الهيكل ليه؟ وتُعيدوا الحياة الروحية من تاني؟
" وَإِذَا الأَرْضُ كُلُّهَا مُسْتَرِيحَةٌ وَسَاكِنَةٌ." ... يعني المقاومات والمعطلات اللي كانت موجودة قبل كده، خلاص مبقتش موجودة دلوقتي. والملك نفسه بيساندكم.
- المعني الرمزي: لو الكلام عن الأنبياء، فهما بيردوا ويقولوا: احنا تممنا كل النبوات. وكل حاجة جاهزة. والأرض مستريحة وساكنة ومستنية مجيئك يارب في ملء الزمان.
الأرض مستنية التجسد الإلهي. منتظرة الرجل الراكب علي الفرس الأحمر.
والكلام لينا احنا كمان: لو ربنا له المجد جه وقالنا: طيب أنت كسلان ليه؟
نسمع أن زمان كان في عصور الاستشهاد. وكانوا بيخرجوا من بيوتهم ومش عارفين هرجعوا ولا لأ. وكانوا بيصلوا في المغاير والسراديب (سرداب). كان كله زمان اضطهادات جامدة وعنف، زي عصر الرومان وغيره.
لكن دلوقتي الأرض مستريحة وساكنة. طيب ايه حجتنا قدام ربنا له المجد، لما بنكسل عن الصلاة أو الكتاب المقدس أو ا لقداس أو الصوم ... ملناش بصراحة أي حجة.
12فَأَجَابَ مَلاَكُ الرَّبِّ وَقَالَ: «يَا رَبَّ الْجُنُودِ، إِلَى مَتَى أَنْتَ لاَ تَرْحَمُ أُورُشَلِيمَ وَمُدُنَ يَهُوذَا الَّتِي غَضِبْتَ عَلَيْهَا هذِهِ السَّبْعِينَ سَنَةً؟» "فَأَجَابَ مَلاَكُ الرَّبِّ وَقَالَ: يَا رَبَّ الْجُنُودِ،"... طيب ازاي واحنا بنقول أن ملاك الرب، هو ربنا له المجد اللي قاعد علي الحصان؟
ديه بالظبط زي المزمور اللي بيقول "قال الرب لربي."
فهنا المعني: أن السيد المسيح الشفيع الكفاري، بيتكلم بالنيانة عن البشرية قدام الآب. امتي يارب هترحم شعبك؟
وأكيد زكريا النبي، فهم أن السبي حصل لمدة 70 سنة، اللي ربنا له المجد حكم بالمدة ديه علي شعبه بسبب خطاياهم.
لكن أكيد ربنا له المجد في تجسده، بيتكلم عن سبي الشيطان. الناس المسبيين في عبودية ابليس.
"إِلَى مَتَى أَنْتَ لاَ تَرْحَمُ أُورُشَلِيمَ وَمُدُنَ يَهُوذَا الَّتِي غَضِبْتَ عَلَيْهَا هذِهِ السَّبْعِينَ سَنَةً؟" ... المسيح يسوع له المجد، اللي بيشفع فينا بدمه أمام الآب.
13فَأَجَابَ الرَّبُّ الْمَلاَكَ الَّذِي كَلَّمَنِي بِكَلاَمٍ طَيِّبٍ وَكَلاَمِ تَعْزِيَةٍ. "فَأَجَابَ الرَّبُّ الْمَلاَكَ" ... وكأن ربنا له المجد قال للملاك: ابقي فهم زكريا النبي، أن ربنا له المجد في خطته، مش بس اعادة تعمير أورشليم بعد ال 70 سنة الخراب. لكن ربنا له المجد في خطته: خلاص العالم كله.
" الَّذِي كَلَّمَنِي بِكَلاَمٍ طَيِّبٍ وَكَلاَمِ تَعْزِيَةٍ" ... فالملاك كلم زكريا النبي، بكلام تعزية. وكلام طيب.
الملاك فهمه، خطة ربنا له المجد المخفية عن إدراك الإنسان.
14فَقَالَ لِي الْمَلاَكُ الَّذِي كَلَّمَنِي: «نَادِ قَائِلاً: هكَذَا قَالَ رَبُّ الْجُنُودِ: غِرْتُ عَلَى أُورُشَلِيمَ وَعَلَى صِهْيَوْنَ غَيْرَةً عَظِيمَةً. "فَقَالَ لِي الْمَلاَكُ الَّذِي كَلَّمَنِي:" ... ده الملاك المُرافق لزكريا النبي في الرؤيا. وقاله ربنا بيقولك بالنسبة لأورشليم متشغلش بالك عليها.
"نَادِ قَائِلًا: هكَذَا قَالَ رَبُّ الْجُنُودِ: غِرْتُ عَلَى أُورُشَلِيمَ وَعَلَى صِهْيَوْنَ غَيْرَةً عَظِيمَةً." ... ربنا بيقوله: ديه مدينة الملك العظيم والهيكل ده بيتي.
15وَأَنَا مُغْضِبٌ بِغَضَبٍ عَظِيمٍ عَلَى الأُمَمِ الْمُطْمَئِنِّينَ. لأَنِّي غَضِبْتُ قَلِيلاً وَهُمْ أَعَانُوا الشَّرَّ. "وَأَنَا مُغْضِبٌ بِغَضَبٍ عَظِيمٍ"... ربنا له المجد بيقول: اني أنا عندي غضب عظيم علي الأمم.
"عَلَى الأُمَمِ الْمُطْمَئِنِّينَ. لأَنِّي غَضِبْتُ قَلِيلًا" ... ربنا له المجد بيقول: أنا جوايا غضب عظيم. كبير جدا. بس أنا مطلعتش من غضبي، إلا حبة صغيرين. وده علشان يأخدوا فرصة للتوبة.
بس الفكرة انهم مطمنين. وشايفين أن ربنا له المجد مش بيعاقب. وأدي الناس الأشرار عايشة، محدش حصله حاجة..
واحنا أحيانا بنفهم طول أناة الله علينا، غلط. بنستهين بمراحم الله.
"وَهُمْ أَعَانُوا الشَّرَّ." ... الكلام علي الأمم. يعني: الشر هنا كان مُمثل في مملكة بابل، اللي احتلت العالم وقتها. واحتلت أورشليم، وخرّبت الهيكل. وأخدوا الشعب سبايا.. في أمم أعانوا الشر. ساعدوه. يعني: في ممالك سندوا مملكة بابل، في حربها ضد يهوذا. ومنهم أدوم، وكمان شمتوا (شماتة) في شعب ربنا.
16لِذلِكَ هكَذَا قَالَ الرَّبُّ: قَدْ رَجَعْتُ إِلَى أُورُشَلِيمَ بِالْمَرَاحِمِ فَبَيْتِي يُبْنَى فِيهَا، يَقُولُ رَبُّ الْجُنُودِ، وَيُمَدُّ الْمِطْمَارُ عَلَى أُورُشَلِيمَ. "لِذلِكَ هكَذَا قَالَ الرَّبُّ: قَدْ رَجَعْتُ إِلَى أُورُشَلِيمَ بِالْمَرَاحِمِ فَبَيْتِي يُبْنَى فِيهَا،"... فعليا: النبوة ديه تمت بعد 4 سنين من هذه الرؤيا. وفعلا رجعوا لأورشليم بعد 70 سنة من السبي.
"يَقُولُ رَبُّ الْجُنُودِ، وَيُمَدُّ الْمِطْمَارُ عَلَى أُورُشَلِيمَ." ... الْمِطْمَارُ: هو الخيط اللي بيقيسوا بيه الحيطة. خيط بناء.
معناها: أن في اعادة بناء أورشليم.
17نَادِ أَيْضًا وَقُلْ: هكَذَا قَالَ رَبُّ الْجُنُودِ: إِنَّ مُدُنِي تَفِيضُ بَعْدُ خَيْرًا، وَالرَّبُّ يُعَزِّي صِهْيَوْنَ بَعْدُ، وَيَخْتَارُ بَعْدُ أُورُشَلِيمَ». فعليا: الهيكل تم اعادة بنائه، علي ايد زربابل. و من بعده، جه نحميا النبي، وبدأ يُعيد بنا أسوار أورشليم ويرمم البلد ويصلحها.
طيب ايه علاقة الكلام ده (الآية 16 و 17) بالرؤيا بتاعة التجسد، تجسد ربنا يسوع المسيح له المجد؟
ربنا له المجد عاوز يقوله: أن بالصليب – بالتجسد، أورشليم الجديدة، هتتبني. اللي هي الكنيسة. والكنيسة هتبقي بيت ربنا له المجد. الكنيسة هي عروسة السيد المسيح له المجد.
"نَادِ أَيْضًا وَقُلْ: هكَذَا قَالَ رَبُّ الْجُنُودِ: إِنَّ مُدُنِي تَفِيضُ بَعْدُ خَيْرًا،" ... عمل الروح القدس ونعمة ربنا يسوع المسيح له المجد، اللي مغرقانا. اللي هو سر الافخارستيا – التناول. وأن اسم ربنا له المجد دُعيّ عليا. كل ده خير.
"وَالرَّبُّ يُعَزِّي صِهْيَوْنَ بَعْدُ، وَيَخْتَارُ بَعْدُ أُورُشَلِيمَ." ... التعزية: عن طريق الروح القدس اللي أخدناه، عن طريق المعمودية. وده من بركات التجسد.
أورشليم: هي الكنيسة. وكمان هي كل نفس فينا. احنا هيكل الله، وروح الله ساكن فينا.
ولغاية هنا: ديه كانت كلها الرؤيا الأولي. وباقي الاصحاح هو الرؤيا التانية.
18فَرَفَعْتُ عَيْنَيَّ وَنَظَرْتُ وَإِذَا بِأَرْبَعَةِ قُرُونٍ. تاني رؤيا من التسع رؤي، لزكريا النبي:
"فَرَفَعْتُ عَيْنَيَّ"... وكأن زكريا النبي عاوز يقول: عاوز تشوف ربنا له المجد واعلاناته، بلاش تبص علي الأرض. علي التراب. ارفع عينك لفوق. "رفعت عيني الي الجبال، من حيث يأتي عوني ومعونتي."
"اليك رفعت عيني يا ساكن السماء".
"وَنَظَرْتُ وَإِذَا بِأَرْبَعَةِ قُرُونٍ." ... وهي ديه الرؤيا. شاف 4 قرون.
القرون في العهد القديم، سواء في الرؤي أو في المزامير، اتكررت. لأن شعب بني اسرائيل متعودين علي تربية الأغنام. وعارفين كويس أن قرن الحيوان ليه قوة. وعارفين كويس أن الحيوان المفترس ممكن يموّت (يخلص علي ) الأغنام بقرونه.
علشان كده في المزمور 22 لداود النبي يقول "خَلِّصْنِي مِنْ فَمِ الأَسَدِ، وَمِنْ قُرُونِ بَقَرِ الْوَحْشِ اسْتَجِبْ لِي."
وكمان في سفر دانيال النبي: وحب يتكلم عن الملك الذي أذل شعب ربنا له المجد: اللي هو أنطيوخوس أبيفانيوس. شبهه بقرن صغير.
هنا شاف 4 قرون، رمز للقوة والسلطان.
19فَقُلْتُ لِلْمَلاَكِ الَّذِي كَلَّمَنِي: «مَا هذِهِ؟» فَقَالَ لِي: «هذِهِ هِيَ الْقُرُونُ الَّتِي بَدَّدَتْ يَهُوذَا وَإِسْرَائِيلَ وَأُورُشَلِيمَ». "فَقُلْتُ لِلْمَلاَكِ الَّذِي كَلَّمَنِي: مَا هذِهِ؟"... الملاك المُلازم لزكريا النبي.
"فَقَالَ لِي: هذِهِ هِيَ الْقُرُونُ الَّتِي بَدَّدَتْ يَهُوذَا وَإِسْرَائِيلَ وَأُورُشَلِيمَ." ... الملاك شرح له، وقاله: أن القرون ديه اشارة لأربع ممالك، ضايقوا شعب ربنا له المجد.
نفس فكرة رؤيا داينال النبي، لما ربنا له المجد وراله ممالك العالم، في صورة 4 حيوانات خارجة من البحر.
هنا نفس الفكرة: 4 ممالك ضايقوا شعب ربنا. وشبههم ب 4 قرون.
والمعني لينا: أن الأربع قرون، هو الشيطان اللي عاوز يهجم علي أولاد ربنا له المجد، من كل ناحية. لأنه رئيس مملكة هذا العالم. والأربعة: هما رمز للأربع جهات. جهات الأرض الأربعة.
وحسب الرؤيا هنا: الأربع ممالك هما، ممالك: بابل - آشور – فارس – اليونان.
ومفسرين تاني قالوا أن الأربع ممالك اللي ضايقوا شعب ربنا له المجد هما: آشور – فارس – اليونان – الرومان.
20فَأَرَانِي الرَّبُّ أَرْبَعَةَ صُنَّاعٍ. " أَرْبَعَةَ صُنَّاعٍ" ... الصانع: هو الراجل اللي عنده حِرفة. مهنة.
أصل ربنا له المجد عاوز حد يكسّر القرون ديه.
21فَقُلْتُ: «جَاءَ هؤُلاَءِ، مَاذَا يَفْعَلُونَ؟» فَأَجَابَ: «هذِهِ هِيَ الْقُرُونُ الَّتِي بَدَّدَتْ يَهُوذَا حَتَّى لَمْ يَرْفَعْ إِنْسَانٌ رَأْسَهُ. وَقَدْ جَاءَ هؤُلاَءِ لِيُرْعِبُوهُمْ وَلِيَطْرُدُوا قُرُونَ الأُمَمِ الرَّافِعِينَ قَرْنًا عَلَى أَرْضِ يَهُوذَا لِتَبْدِيدِهَا». وده معناه: أن كل ما يكون في مملكة أو قوة أو هجمة (هجوم) علي أولاد ربنا له المجد. ربنا بيكون مجهز الحل علطول.
- لو اتكلمنا عن ممكلة آشور: هنلاقي أن ربنا له المجد كان مجهز لهم ، نبوخذنصّر ملك بابل.
- مملكة بابل: ربنا جهز لهم، مملكة مادي وفارس. وخلصّوا علي مملكة بابل. اللي هما كانوا: الملك كورش وداريوس الملك.
- مملكة فارس: ربنا جهز لهم مملكة اليونان. والاسكندر الأكبر أنهي علي مملكة فارس.
- مملكة اليونان: ربنا جهز لهم مملكة الرومان. وهكذا.
كل قرن من القرون الأربعة، ربنا كان بيبعت له اللي يكسره.
حتي في حروب عدو الخير علي الكنيسة:
مثلا: الشيطان يحارب الكنيسة وأولاد ربنا، بواحد زي آريوس بالهرطقات. وده قرن كان موجه للكنيسة.
فربنا له المجد، جهز له اثناسيوس الرسول، يكسر القرن بتاع آريوس.
اذاً القرن، هو حروب الشيطان. زي ما قال معلمنا بولس الرسول "مصارعتنا ليست مع لحم ودم. بل مع رؤساء السلاطين. مع ولاة العالم، علي ظلمة هذا الدهر. مع أجناد الشر الروحية."
في تأمل جميل بيقول:
أن الأربع صُناع هما الأناجيل الأربعة.
الشيطان بيحارب بالقرون بتاعته. واحنا بنصده بكلمة ربنا له المجد.
زي ما حصل في التجربة علي الجبل ... ربنا له المجد كان بيرد علي الشيطان بكلمة "مكتوب."
⪢